جراسا -

مساء الخير لكل الموجودين
مشكلتي انا شايفها كثير بسيطة لكن بنظر غيري ممكن تكون الها معاني كثير .بعرفكم على حالي انا صيدلانية على وجه تخرج ، نسيت عيد ميلاد شخص بحبه وبحبني وان شاء الله بدنا نرتبط ، طبعا انا مابعرف كيف؟؟

حاولت اشرحله لكن دون جدوى ضل زعلان ، هلأ انا مخي مدووش باشياء كثيرة خلتني انسى عيد ميلاده، حاولت اراضيه ، مافي فايدة ، صارله اسبوعين مابيرد ، علما انه بدرس خارج البلد ، وانسان الحمدالله كامل من جميع النواحي  لكن اول مره بشوفه بزعل على شيء فارط  بنظري ، عادي وانا راسي مليان الف شغلة وشغلة ، وكثير بنسى امور اهم من عيد ميلاده ، فشو رأيكم ، ملاحظة انا مارح يكون في رد مني على اي تعليق . فقط ساكون متابعة ، وشكرا للجميع.