شاب في الطفيلة يشعل النار بنفسه بقصد الانتحار لأوضاع معيشية صعبة يعانيها


جراسا -

خاص- أشعل مواطن اردني النار في نفسه في محافظة الطفيلة مساء يوم أمس بقصد الانتحار.

وفي التفاصيل التي حصلت عليها "جراسا نيوز" فان المواطن المدعو ( ع خ ن ) والبالغ من العمر 35 أقدم على اشعال النار بجسده بغية الانتحار، وذلك لاسباب معيشية صعبة بسبب عدم قدرته على التكفل بأسرته، حيث انه متزوج ولديه أطفال.


وأضافت المصادر لـ"جراسا نيوز" بأن جهاز الدفاع المدني في الطفيلة قام بإسعاف الشاب الى مستشفى الأمير زيد بن الحسين العسكري لتلقي العلاج ، وحالته العامة متوسطة .



تعليقات القراء

حره
الله يلعن ابو الفقر شو بعمل بالناس بطلعهم عن دينهم وبجننهم وبنسيهم ربهم الجوع كافر وبقولولك ازدياد الجريمه وازدياد المشاكل الاخلاقيه وازدياد القتل وازدياد الانتحار مهو كله من ورا الطبقيه في البلد ناس فوق الريح وناس تحت الارض والحكومه مش مقصره الله يعطيها العافيه مش مخليه المواطن محتاج اشي الحمد لله خلوه كما خلقتني يا رب لا من وراه ولا من قدامه لسه قال وزعلوا من برنامج الجزيره اللي حكى عن الطبقيه في مدينة عمان اللي بحكي المزبوط بتنخزق طاقيتو ولكم مسبح في دابوق في فيلا بعيش فيها اتنين مكلفه اكتر من 100 الف دينار وناس في عمان مش بالمحافظات وفي جنوب عمان ومناطق عمان الشرقيه ساكنين بيوت اشبه بالكهوف بس بنشوف اللي بدنا نشوفه خليها على الله بالطول بالعرض هالحياه بدها تنعاش وبعدين بنروح بننلحش في القبور .
24-10-2009 12:17 PM
ابو سلطان
الله يرحمه , ويغفرله لو انه صبر واحتسب عند الله كان احسن اله
وتسلمي يا حرة على هالكلام وفعلا هذا هو الواقع ، وبعدين بالنسبة لعمان الشرقية انا من سكانها وبعرف شو وضعها ، اللي حكت عنه الجزيرة 1 % من الحقيقة
24-10-2009 12:50 PM
الى حره من طفران
انتى مو بس حره انتي اصيله كلنا في الهوا سوى الله يكون في عوننا
24-10-2009 12:57 PM
مادموزيل
ظاهرة سيئة تنتشر في مجتمعنا اتمنى انها تنتهي ، وسببها قلة الدين والقناعة ، زمان اهالينا كانوا عايشين على القلة وما كان حدا يعمل هالحركات السخيفة .
24-10-2009 01:06 PM
الجوع كافر والنفس عزيزه
فاما حياة تسر الصديق واما ممات يفرح الحكومه
24-10-2009 01:18 PM
طفيلي
الله لا ارده اللي بعمل بحاله هيك
عاقب حاله قبل ان يموت
مين بده الاقي قدامه............................
24-10-2009 02:12 PM
keaven
هو من قليل الناس بدها تاكل بعضها حكي مش طالعلنا نحكي
انتخبنا نواب يحكوا عنا خانوا الشعب يخرب فنهم
لما وصلوا تحت قبة البرلمان نسيوا الشعب والحكومه ضلت ترشي فيهم
على زيادات رواتب وعلى حواسيب محموله وعلى خصم بنزين وعلى مش عارف شو ..
يعني نسوهم اللي وراهم بالعقل .. وخانوا الشعب اللي اختارهم ...
والناس مستغربه ليش قاعدين بينتحروا ولا ليش في جرائم سرقات وجرائم من كل انواعها
المواطن محروق من جوه صار عنده حاله نفسيه وحاله من الكبت مش عارف شو يعمل بحاله ..
اللي عنده 3 او 5 اولاد ما عنده اشي يطعمهم من مره . يعني هلأ بالاردن بطل في طبقه وسطى صارت طبقتين بس عنا في الاردن طبقه الاغنياء الاثرياء وطبقة الفقراء الماكلين هوى ...

بس هلأ المطلوب من المواطن انه يصبر ويدعي الله مش انه ينتحر ويتسرع
اذا الحكومه ناسييتنا الله مش رح ينسانا يا جماعه ...
24-10-2009 02:13 PM
الي الجوع كافر والنفس العزيزه
كنت حزنانه وانا اقراء بالمقال بس جد خليتني ابتسم من وين جايب بيت هالشعر

الله يعينه يا رب ويحمي اطفاله ومرته واهل بيته كلهم يا رب الرحمه وانا خايفه كمان شوي كلنا نولع بحالنا اذا ظلت الامور هيك
انا دخلي الشهري 1340 دينار وساكن بقريه والله الراتب عالقد وهذا بدون شمات هواء بس مناسبات واكل وملابس
24-10-2009 02:54 PM
مشكلجي
الحكوووووووومة لها وجهة نظر واحدة وهي .....طالما اهل الشميساني والرابية والصويفية وعبدون دير غبار بخير والمشاكل بعيدة عن ها المناطق هاي فمعناتو كل البلد بخير والوضع تمام التمام لو كل البلد تجوع وتنتحر المهم هذول بخير والباقي شو ما صار عندهم عادي ....
24-10-2009 05:34 PM
أبو المشارط (ظرايب)؟؟؟
قال سيدنا علي بن أبي طالب "رض الله عنه وأرضاه"

(عجبت لمن لا يجد قوت يومه، كيف لا يخرج على الناس شاهرا سيفه)، والله انو الخبر مؤلم ، بس ايش نقول لحكومتنا المحترمة التي تتبع وصفات وطبخات صندوق السم الهاري ، والبنك الدولي ، حتى غدت الكثير منت اسرنا الاردنية لا تجد ما يسد عيشة الكفاف.

حسبي الله ونعم الوكيل في الذين لا يخرجون زكاة أموالهم أيضا + الحكومة التي لا تجبرهم على اخراج الزكاة بل تأخذ (ظرايب) يعني من الظرب المؤلم الذي لا يقوم الحال ولا يربي.
24-10-2009 05:39 PM
بنت عجلون
الله لا يرده لو كل واحد ضايقته الدنيا انتحر كان الأردن ما فيه ناس بعدين رح يعرف طعم النار في جهنم لأنه حاول قتل روح بغير حق ربنا يهديه ويفرج كربه
24-10-2009 11:17 PM
ناصرالعجارمه
لوهذاالشاب في دوله متقدمه لاستقالت الحكومه ووزيرالتنميه الاجتماعيه من وراء هذاالخبر~~ ولكن حكومه في العنايه الحثيثه ~والنواب محششين في مراكزمعالجه الادمان~~ والشعب مولع والدفاع المدني جاهز~~~ اناشدسيدي صاحب الجلاله حل مجلس الوزراء وحل مجلس النواب لانهم اصبحوعبئا على كاهل الوطن
26-10-2009 12:52 AM
كريشانية
لازم الانسان يفكر كتير منيح قبل ما يعمل اي شي والانتحار مو الحل
الحل ان كان لازم يشتغل وبدل ما ينجب اطفال كتير لازم راعى وضعه المادي و انجب طفل واحد بس بعدين إذا انتحر مصيره رح يكون بجهنم يعني ما رح يرتاح لا بالدنيا ولا بالاخرة
12-11-2009 11:45 AM
المومنيه وبس
يجب ان نعيش لدنينا كاننانعيش لاخريتنا ولاحول ولا قوه الا بالله ان لله وان اليه لارجعون يعيش ويكل غيرها كلنا على هذذذذذذذذذااااااا اااااالللللللططططططرررررررررييييييققققققق
13-11-2009 06:11 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات