لا اريد ان اقع في الخطأ


جراسا -

مشكلتي كبيرة وانا مهمومه كتير منها رح اطرحها عليكم بس ياريت تفيدوني وما تجرحوني, اعزائي قصتي كالتالي لقد تزوجت قبل عام من الآن ونحن نقطن في بيت العيلة وكلانا نعمل ويوجد اخ لزوجي مريض بمرض التوحد ويبلغ من العمر 28 عاما وينوي والداه احضاره والعيش معنا في البيت حيث انه كان يسكن لدى احد اخواته البنات سابقاً ولم يخبروني بأنهم يريدونه ان يعيش معنا الا قبل فترة اي ليس قبل الزواج لو كنت اعلم لأجلت الزواج لحين تتيسر امور "خطيبي سابقاً " زوجي الآن ويأمن لي منزل انا بصراحة ما بستحمل اخوه يعيش معنا انا والحمدلله ملتزمة بالزي الشرعي ولايمكن ان اقضي ما تبقى لي من ساعات اليوم في منزل وانا اردتدي الحجاب والزي الشرعي ولن اخذ راحتي وخاصة وانه لايوجد لدي الوقت حتى لنفسي

وعلى الرغم من ان المرض غريب بس هو بيفهم كل شىء وبيطلع علية بنظرات مو كويسة ( خلال الجلسات العائلية والمناسبات التي نجلسها مع العائلة ) أكيد هو له رغبات جنسية طبيعية, المهم انا لما اعترضت انه يعيش معنا الكل انقلب ضدي وصارو يعاملوني بطريقة بدايق , طبعاً زوجي زي ما بدها امه أكيد رح يعمل وفاتحته بالموضوع اكتر من مرة كان رأية انه اخي مريض وزي الي مرفوع القلم عنه (وخصوصاً انه اخوه الكبير والوحيد), ساعدوني شو اعمل ؟ مشان الله ما عدة طايقة البيت ولا زوجي ولا اي حد , فيدوني الله يفيدكم ...



تعليقات القراء

الى صاحبة المشكله
بصراحه اطلبي الطلاق لانه اللي زيك حرام حد يحويهم في بيت ما بتعرفي الله يرزقك بولد معاق عقليا وبدنيا وتنبلي بولد من لحمك ودمك وتعرفي شو معنى انك تكوني بني ادمه وانسانه ما بتعرفي الدنيا دواره
رد بواسطة لورد
انا معك
رد بواسطة ام ومزوجة اولادها
نحن لا نقول برميه في الشارع ولكن هناك من هم اولى منها بخدمته -امه واخوته ثم هذه امرأة عاملةولو خضت التجربة ما قلت هذا الكلام
رد بواسطة ليش
هل لانها تطلب السترة حتى ولو كان مريض الله يشفيه ولكن طلبها شرعي ولماذا يبليها الله بولد مريض هل لانها تطلب شرع الله وتريد الحفاظ على نفسها
رد بواسطة سفير الاحساس
انا مش معك يا لورد شوف احكيلك ليش اول اشي البنت حق توخد راحتها ببيتها وتتصرف كما تشاء هلا لما يكون اخو زوجها بالبيت ما في راحه اما بالنسبة لموضوع انو الواحد لازم يتحمل هي مش مضطرة انها تتحمل
رد بواسطة لبووونة
حقها الشرعي بيت مستقل فيها حتى لو فوق بيت اهله .. ومش معناه انو متوحد يعني مرفوع عنه القلم .. لانو يستطيع التمييز .. اللي رفع عنه القلم فقط المجنون
08-04-2015 04:50 PM
ليندا
اذا سكنك عند دار حماكي مؤقت اصبري
واذا في أمل انك تسكني لوحدك انتي وزوجك اتحملي
بس ياخوفي بكره يموت الاب والام ويتركولك ابنهم المريض
دوري على راحتك من هلاء وبسرعه قبل ماتخلفي
والا ستندمين طول ع
08-04-2015 05:00 PM
عن تجربه
انتي بتحكي اخوه الوحيد
طيب فكرتي وين رح يروح اذا مات والداه؟؟؟؟
اكيد عندك انتي وزوجك
الله يعينك ع مشكلتلك واكيد رح تتعبي نفسيا واولادك بالمستقبل بتعقدو
اتركي زوجك من الان قبل الندم
08-04-2015 05:24 PM
ام احمد العبد
يا نيال البيت يلي بيطلع منه بيت،، انا مع الاستقلاليه ومن البدايه
08-04-2015 05:26 PM
الى صاحبة المشكله
ما قهرني الا التطليعات الجنسيه اللي حكيتها عنها
اصلا لو بتعرفي مرضى التوحد بجد
كنتي عرفتي انه نظرتهم بتكون لمكان محدد وما بحطوا عينهم بعين حد لانه ما عندهم القدره
فاكيد انتي ما بتعرفي المتوحدين
رد بواسطة سؤال
انته شو بتعرف عن التوحد ؟؟؟
وكيف ما الهم رغبات جنسية احكيلك شيء الهم وبنسبه اعلى من العاديين
رد بواسطة الى صاحبة المشكله
في ابره مطعوم بنعطى لمثل هالحالات بتهد حيلهم وما بقدر يفكر بشي جنسي ؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛
رد بواسطة الى سؤال
وانت عارف لانه انت مريض بالتوحد
في حد بالدنيا لسه ما تعامل مع مريض عقلي او نفسي اول ما بحكب بحكي عن الجنس ما في اي جانب انتبهت عليه الا الجنس لانها هي بتفكر فيه وماخد عقلها الهوس الجنسي اللي عندها
رد بواسطة سؤال
لا الي لفت انتباهي انه انته يلي ركزت على كلمتها و علقت بهذه النظرة
و ثانيا شكرا على مدحك الي بالتوحد كلنا اولا بشر وما حد بيختلف عن الثاني
رد بواسطة سؤال
و التوحد مرض مش معرف لحد الان سببه اولا و ثاني اشي نعم هوه ما عنده القدرة على التواصل البصري و لكن في نوع منه عنده القدرة على التواصل البصري و بعمليات تعديل السلوك بتقدر تخلي المتوحد يتواصل معك
رد بواسطة سؤال
التوحديين مش مرض نفسي يلي احنا بعرفة بالجنون وهو اضطراب و يمكن يرافق اعاقة عقلية و يمكن يكون ذكي و هناك شيئ يسمى طيف التوحد يتلاشى مع مرور الزمن و بيرجع انسان طبيعي و التوحد التعامل معة صعب
رد بواسطة سؤال
و يلي بحكي انه فية ابرة تعطيه اياها وبتهدية خاف انه بدك تهده مش تهديه و التوحد فية اكلات معينه بتخلية يهدا بس ابعد عنه المنشطات ( شبس بسكوت ...) فانسان التوحد رائع و بنفس الوقت صعب المراس
08-04-2015 05:40 PM
نور ...
شو رأيك يتبرعو فيه او يتركوه بالشارع ؟وبنتهم وزوجها الغريب مش مجبورين يتحملوه طول عمرهم.. بيت اهله موجود ..وبعدين مريض التوحد انا بعرف بيكون مش فاضي للحكي الفاضي اللي بتحكيه ولا مستوعب هالاشياء ..
رد بواسطة مش مهم !
ما حكت شي غلط المخلوقة لتردي بهالطريقة حضرتك
زي مهو جوز اخته غريب ومش مجبور كمان هي مش مجبورة بسلفها
رد بواسطة نور ...
لو انه اخوها المريض بتقبل يعيش معها ..ما بتوقع ..وحضرتها لا بدها تغسل ملابسه ولا تطعمه امه وابوه موجودين ..هي كل همها الحجاب ..ما بتاخد راحتها الاخت وكانه على راسها ريشه لا الله يرزقها بطفل معه توحد .
08-04-2015 05:41 PM
ابو الليث
بصراحه ما الك حق نهائيا هذا شب معاق وين بدهم يرسلوا دخلك ولا يرموه بالشوارع مشان ترضي وتوخذي حريتك اتق الله والحريه عزيزتي داخل غرفة النوم معك الليل كله
ولذالك خافي الله اعتبريه لا قدر الله ابنك
08-04-2015 06:01 PM
ابو الليث
رشيقة مساء الخير كيفك وشو اخبارك
رد بواسطة رشيقة
هلا وغلا يسعد ايامك ابو الليث
نحمد الله
08-04-2015 06:01 PM
عاشق فلسطين
الى صاحبه المشكله
لا بصراحه احسن حل انك تتركي البيت
طيب ارجعي مؤقت لعند بيت اهلك و من دون طلاق و مشاكل لحتى تنحل المشكله و الله كريم
08-04-2015 06:02 PM
عاشق فلسطين
يسعدلي مساء الجميع و بالاخص الغاليين على قلبي
كوين
رشيقه
السوسنه
فراشه
لورد
ابو الليث
سفير
كلكو على عيني و على راسي و الله
رد بواسطة ابو الليث
هلا وغلا بالغالي يسعد مساك ويسعد هالطله الحلوه
كيفك وشو اخبارك تسلم عينك ويسلم راسك
رد بواسطة مراقب عن بعد
اهم شي كوكو هههههههه
رد بواسطة رشيقة
مساء الورد عاااشق
08-04-2015 06:11 PM
ابو الليث
لو فكرتي بالموضوع قبل الزواج مثلا كان في رأي اخر اما بتتزوجي او بتركي الموضوع ولكن هله اعرفتي وما بدك تغلطي
لا ستي اتحملي واجرك كبير عند الله سبحانه وتعالى
او الخيار الصعب الا وهو الطلاق
08-04-2015 06:12 PM
الى صاحبة المشكله
يعني بكره اذا ام زوجك بركت رح بتقولي لجوزك يا انا يا هي او ارميها بملجأ العجزه
الشب ما بدك تقومي فيه عنده اخوه وامه وابوه فليش ماخده السلم بالعرض وبالنسبه للتزليط اتزلطي بغرفتك
رد بواسطة سلوم
من حقها تكشف نفسها بكل بيتهاوامام النساء -بدك تسجنيها بغرفة
08-04-2015 06:39 PM
جضعان
احكي لجوزك هذا الكلام ..اكيد بغير رأيه
08-04-2015 07:38 PM
مدام؟؟
لما بطلع عليكي ماحدى بشوفه غيرك . لا هو ثقيل على قلبك . بس لو اخوكي بترضي
رد بواسطة ابو محسن حسونه
لو اخوها ما بتقبل يعيش عنده بتحكي اخوانه الشباب احق مني يعيش عندهم ولما نسوانهم ما بوافقن هات يا ردح وبتصير ملاك اسم الله عليها
08-04-2015 07:50 PM
الخبيثة
كونك بتعرفي انه حرام حد من غير المحرمين عليكي يشوف شعرك ومفاتنك معناته انت عارفه تعاليم الدين الاسلامي صح طيب ليش فشقت عن بند النيةالحسنة والتعاطف والشفقة علي مريض التوحد والصبر مهيه كلها توجري عليها
08-04-2015 09:17 PM
الخبيثة يتبع
ومعروف مريض التوحد ما بعمر بالعمر لانه مناعة جسمة ضعيفة وربنا سبحانه وتعالي حكيم بمتحنا بالصبرة وبعوضنا خير الحمد لله رب العالمين ما تلبسي فيزون وبدي قدام مريض التوحد سلفك بلاش تصير كارثة من حلاوتك ي
08-04-2015 09:24 PM
الخبيثة
اي مهو الواحد زهقان حاله من المرض مش حاسه باجري من الخدران والتعب كيف مريض التوحد اللي مرضة بدماغه وبوجعه وما بقدر يشرح للناس وجعه الله يعين البشر ويفرجها يا رب
رد بواسطة Jannat alrefaee
حبيبة البي ربي ما يحيجك لحد ... والله يشفي كل صاحب مرض
08-04-2015 09:32 PM
الى الخبيثه
بتلاقيها ابو العبد متنكر بزي ام العبد وعبده الحلاق احلى منها
هاكله هم سلفها المسكين وبتلاقيها لما اتجوزت قالت لخطيبها بعيش تحت بيت الدرج بس تتجوز وهل بدها بيت لحالها وهي بيت ابوها كله غرفه
رد بواسطة الخبيثة
قلبي من الحامض لاوي .....ما تسولف في امر من هيك شو بدنا نساوي بنجوز ولادنا بتيجينا وحده تعطينا اوامر واحنا اللي كنا نؤمر على الناس
08-04-2015 09:39 PM
السوسنة الى صاحبة المشكلة 1
هلا عشان اخوه بده يعيش معكم
وهاد رح ياثر على حضرتك مارح تلبسي وتتلبسي
صارت نظراته سيئة
وصار اله رغبات فيك حسب كلامك
اتق الله
08-04-2015 09:40 PM
السوسنة 2
بحكيلك اتق الله
مادام مابدك وضع زي هاد ليش قبلتي تتزوجي واحد عند عيلته
كتير عايشات هيك وعندك غرفتك البسي متل مابدك
08-04-2015 09:41 PM
السوسنة 2
انا بنقهر من قلة الحيا وحدة جاي جديد عالعيلة
وبدها ابن العيلة مايعيش ببيته الطبيعي بدها اياه يتشرد عند الناس
هاد بيته بيت امه وابوه
رد بواسطة ابو الليث
كلام سليم على رأي المثل
الدار دار ابونا واجوا الغرب يطردونا
رد بواسطة ابو الليث
مساء الخير سوسنه
رد بواسطة السوسنة السوداء
ابو ليث

مسا الخير

عرأي المثل ( بتجي وحدة مش معروف قرعة ابوها من وين بتصير تتحكم وتتأمر
08-04-2015 09:42 PM
السوسنة 3
منبح الي اله ام واب المسكين
يمكن كان رميتوه برة للتشرد
انت اما بتقبلي بوضعك
او زوجك بدبر الك بيت
او بتتطلقي هي الحلول واختاري
08-04-2015 09:44 PM
السوسنة 4
استوقفني الموضوع واسمه لا اريد ان اقع بالخطأ
شو قصدك
اي خطأ
هاد شخص مريض
وانت مش لوحدك بالبيت في زوجك وحماتك وحماك
وانت حاولي ماتتواجدي لوحدك معاه
08-04-2015 09:46 PM
ابو تنكة
يا جماعة الخير وحدوا الله انا شايف الكل صار ينظر ويتفلسف على المخلوقة ويعطي حكم يعني اللي بده ينصح ضروري ينصح بطريقة طيبة ولطيفة
08-04-2015 09:47 PM
ابو خليل
يا صاحبة المشكلة لم تتحدثي تفصيلا عن ظروفك تعليمك وضعك الاقتصادي هل تعملين ام لا ؟ هل عندك وزوجك القدرة المادية على الاستقلال في السكن ام لا لان ذلك جزء من الحل بل مفتاحة .
08-04-2015 09:49 PM
ابو خليل
صاحبة المشكلة المحترمة : لا تصغي لمن يدعوك للانفصال والهرب والطلاق وترك البيت ممن يامرون بالمنكر وينهون عن المعروف ويحبذون الحرية الكسولة والانانية وهدم البيوت على التحمل والصبر والانسانية والاجر .
رد بواسطة السوسنة الى ابو خليل
ما حكينا تتطلق
اما بتقبل بوضعها
او زوجها بدبر بيت
او بتتطلق
08-04-2015 09:52 PM
Rubamail2014@gmail.com
طب ليش ما يضل فبيت امه وابوه ! الله يعينك
08-04-2015 09:53 PM
صانع الفرح *
اسعد الله مساء الجميع واتمنى من الله ان تكونوا بخير :)<br><br>المحرره / المحرر<br>اسعد الله مساءكم بالخير والسعاده :)
رد من المحرر:
حياك الله اخونا . ن.ط
رد بواسطة صانع الفرح *
THANKS YOU AND YOUR GOLDEN ORIGIN
08-04-2015 10:18 PM
السوسنة السوداء
ننصح بالحسنى

ماهي غلطانة
شو كانت بتتوقع ان اخوه يبقى مشرد عند اخواته وازواجهم شو دخلهم بالموضوع
المعروف ان ابوه واخوه هم اولى فيه
يعني بنت عشر سنين بتعرف هاد الحكي
ولا تمسكنت لحد ماتمكنت
08-04-2015 10:23 PM
ابو خليل
الى السوسنة : احييك وادعوك لقراءة التعليقات كاملة ففيها الكثير من الدعوات الى الانفصال والهرب والطلاق . وشكرا لك على تعليقاتك البناءة
08-04-2015 10:34 PM
صانع الفرح * صاحبة المشكلة 1لذا يجب على زوجد
- من حقك ان تعيشي معيشة الملكات في بيتك لان الزواج استقرار وسكينة .

- انتي لستي مجبرة على التعامل مع اخ زوج لان مرضه يحتاج اخصائيين اجتماعيين ومراكز خاصة للتعامل مع حالته ،
08-04-2015 10:37 PM
صانع الفرح * صاحبة المشكلة 2
- على زوجك ان يتعامل بواقعية مع مرض اخوه ويتعاون مع باقي افراد اسرته بحل مشكلة اخيه بمراكز اجنماعية متخصصه بالتوحد لانك لا تمتلكين اساليب للتعامل مع هكذاحالات
08-04-2015 10:43 PM
صانع الفرح * صاحبة المشكلة 3
بناءا على ما سبق يجب على زوجك الاستئجار و ان تكوني ملكه في بيتك ومن حقك الشرعي ذلك وليكن اخوه في بيت اهله بوجود اخصائي اجتماعي يتناوب جميع اخوته الاشراف عليه ومتابعته بحيث يتقاسم الجميع رعايته
08-04-2015 10:49 PM
صانع الفرح * صاحبة المشكلة 4
- لا يحق لاحد ان يغصبك على رعاية مريض توحد يحتاج اخصائيين اجتماعيين للتعامل مع حالته وانتي لستي مجبره للبقاء في بيت اهله وزوجك مجبر على تهيئة المكان المناسب لحياتك الشخصية والعيش بكرامة وحرية
08-04-2015 11:07 PM
صانع الفرح * صاحبة المشكلة
الانسان قد يتعب في العمل او في اي مكان الا في بيته فهو المكان الذي ينشد فيه الراحة والاستقرار والسعاده ومهمة العناية بمريض مثل التوحد مسوؤلية الجميع من عائلتهوالمراكز الاجتماعية وليس انتي وبيتك
رد بواسطة الى صانع الفرح
رايك صائب واعجبني وردك مقنع الله يوفقك لانه لازم الكل يتفهم خصوصية المراه وحاجتها للاستقلالية ببيتها اشكرك من قلبي
08-04-2015 11:16 PM
الى صانع الفرح
يا ابن الحلال
مين اللي قال انها بدها تعتني فيه
هو موجود في بيته في ماله مال ابوه
هي الدخيله عليهم
مش عاجبها تترك جوزها
تتطلق
او يترك هو البيت وياخدها معه
بس هالمريض هاد حقه يعيش في بيته
هو الاصل
رد بواسطة صانع الفرح *
اختي السوسنة

من حق الزوجة العيش في بيتها عيشة الملكات واقصد الحرية والحياه الشخصيةولا اعتقد ان اي فتاه تستطيع ان تاخذ راحتها في بيت عائلة بوجود مريض توحد لانه سيطلب منها التعامل معه وتحمل تصرفاته ؟
رد بواسطة السوسنة السوداء
صانع الفرح

صباح الخير

كلامك صحيح من حقها بيت
بس الام وابنها المريض كمان البيت حقهم
لهيك زوجها مجبر يدبر الها بيت
واذا ماقدر هي حرة اما بتتحمل اوتترك
كونها هي قبلت بيت العيلة بالبداية
08-04-2015 11:32 PM
ام زاهر
من حقك ان تعيشي وحدك ثم له ام وهي اولى به منك عليه ان يضع اخيه مع امه في بيت منفصل ولو ادى الى فصل البيت الذي تعيشينه الى قسمين والمريض مسؤولية الجميع
08-04-2015 11:37 PM
نصيحه
انصحك اختي صاحبة المشكلة ان تذهبي الى دار الافتاء وتسألي أهل العلم وهناك أشخاص يرشدوك الى الطريق الصحيح الذي يرضي الله عز وجل قبل أي شخص اخر
09-04-2015 01:23 AM
صاحب السعادة
سيدتي. اختاري دائماً الحلول الوسط.بما انه اخوه الوحيد فهو مجبر به وبما انك عامله فلن يكون هناك حتى وقت كثير للاحتكاك به.. كل واحد يضع نفسه مكان اﻻخر ماذا كنت لتفعل؟؟ حافظي على زوجك وبيتك واكسبي الثواب
09-04-2015 01:49 AM
عايف قشره
لازم يرمي اخوه بالشارع لسواد عيونك وجمالك ويطرد امه وابوه وخواتي كيف لانه مجوز وحده ما عندها قلب بس سؤال لما وافقتي على الزواج تعرفي انه سكنك مع العيله ؟اكييد حسبتك طلعت غلط ونيتك اجت على راسك .
09-04-2015 07:05 AM
سفير الاحساس
الرد لصاحبة المشكلة
انا بعرف انو الحل الوحيد كونك جربتي جميع الاحتمالات والحلول هو اطلبي الزواج لانو من حقك تنعمي بحياه لحالك انتي وزوجك وبالسنبة لاخوه المفروض انو يعيش ببيت العائلة انتي ما اوردتي
رد بواسطة الى سفير الاحساس
انا نصيحتي اشرب قهوتك بعدين اكتب تعليقك
رد بواسطة سفير الاحساس
ورد خطا في التعليق
اطلبي الطلاق ,,,, وليس الزواج
لكن من خلال السياق اعتقد انو مفهوم المقصود
09-04-2015 08:33 AM
سفير الاحساس
يا اختي مشكلتك فيها امور لم تورديها اهل زوجك وين انتي ببيت زوجك ولا ببيت عيلتو المفروض نفهم هاي الامور عشان نعطيك الجل الامثل لمشكلتك
ارجو الرد الى صاحبة المشكلة
09-04-2015 08:35 AM
crazy demon
يعني كلكم حطيتوة المسؤولية على الزوجة والله إنها صعبة طول الوقت الزوجة لابسة حجاب او مش عارفة توخد راحتها في بيتها
09-04-2015 09:49 AM
crazy demon
صباح الخيييير للجميع ممكن نصير اصدقاء انا جديييد في هادا الموقع بس صراحة عجبتني تعليقاتكم خصوصاً اخت سوسنة و القبطان بصراحة كلكم رائعين
رد بواسطة سفير الاحساس
صباح الورد اهلا وسهلا بنتشرف
09-04-2015 09:55 AM
crazy demon
وانا اكثر شكراً كلك زوق
09-04-2015 10:33 AM
الى صاحبة المشكله
يعني الواحد بصراحه اذا تخير بين اخوه او امه او ابوه او اخته
وبين زوجته في قرار مصيري

فاكيد بختار ابوه وامه واخوه
النسوان كل يوم بتجيب مرى وزوجه
بس اهلك وخصوصا اذا كانوا مناح
ما بتقدر تجيبهم كل يوم
رد بواسطة Jannat alrefaee
مو هون الاعتراض .. ليش ما كان في اتفاق مسبق بهالحكي ... بعدين ازا النبي عليه الصلاة والسلام قال " الحمو الموت " ..
رد بواسطة الىJannat alrefaee
الحمو الموت لما يكون طبيعي وفي اتنين طبيعيين
والاتفاق المسبق اكيد هي بتعرف انه اله اخ مصاب باضطراب سلوكي وعايش في بيت ابوه ليش ما اتفقت مع الخطيب قبل الخطبه ولا القصه بنربط مع العريس وبعدين بنضغط
رد بواسطة Jannat alrefaee
يعني البنت قبل ما تتزوج لازم تشيك ع افراد العائله وسلوكياتهم هاد كلام بعيد عن المنطق ... الشخص الطبيعي بيحكم تصرفاته.. ازا صار شي عليها المبرر اله بنظر اهله انه مو طبيعي ومو بعقله وبتروح بكيسها ...
09-04-2015 10:35 AM
hassan
رد من hassan.

الموضوع في اله ايجابيات و سلبيات
09-04-2015 10:55 AM
Jannat alrefaee
غريب مادام امه موجوده فهي اولى منك .... التوحد اضطراب عقلي وممكن يتصرف متل هيك تصرفات ..يسجلوه بمراكز يقضي فيها معظم وقته .. وضع سيء وحقك ترفضي طالما مافي اتفاق مسبق
رد بواسطة الىJannat alrefaee
يا ستي ما حد طلب منها تعتني فيه ولا طلبوا انها تكون دادا اله هي مضايقه من وجوده وبتتمنى انه يختفي هاد انسان مش حيوان بتتخلصي منه وفي مسؤوليه ادبيه ومسؤولية الدم واللحم بتقتضي منهم يعتنوا فيه كأهله
رد بواسطة Jannat alrefaee
انسانيه ... لو كانت.... او انت بهاد المكان رح تقبل ...!!! ما ظنيت حد بيرضى انظر للموضوع من ناحيه شرعيه يعني حتى ببيتها ما رح تاخد راحتها ..
09-04-2015 12:06 PM
الى صاحبة المشكله
ذكرتيني بخبر على جراسا عن اب قتل ابنه وحرقه لانه زوجته الثانيه ما بدهاابنه لانه معاق فرضخ الها وقتل ضناه وحرقه وارتاح منه في لحظه شيطانيه ووزه بعقله من زوجته أشيطن من الشيطان نفسه
09-04-2015 02:49 PM
السوسنة الى الجميع
حسب المقال
ماحد طلب من الزوجة انها تعتني بالشاب
هي مابدها وجوده بالبيت

بعدين هي وافقت تعيش بين عيلة ليش هلا بترفض
لو رفضت من اول كتن تزوج غيرها
بس تمسكنت لتمكنت خافت تروح عليها
09-04-2015 07:13 PM
السوسنة السوداء
صاحبة المشكلة



اين انت ؟؟؟،،
09-04-2015 07:14 PM
البيوت اسرار
سلام الله عليك..اختي كان يجب عليهم منذ البداية إخبارك أنه سيعيش معكم..سواء كان مريض ام غير مريض نفس الشيء..لكن التوحد ليس مرفوع عنه القلم شافاه الله و عافاه اصبري قليلا على وضعك في البيت.لا أعلم كيف
رد بواسطة السوسنة السوداء
عفوا كيف ماخبروها

وحنى لو ماخبروها كان لازم هي تسأل
واحد اله اخ وين بده يعيش
بس هي مش انها غبية
هي تغابت لتتزوج بس
رد بواسطة السوسنة السوداء
حتى**
رد بواسطة البيوت اسرار/السوسنة السوداء
سلام الله عليك ..هي من كتبت في مشكلتها انهم لم يخبروها فترة الخطوبة و لو أخبروها لأجلت الزواج..راجعي ما كتبت.ثم ما فهمته ان والدي زوجها على قيد الحياه..ربما ظنت انه لا شأن لها به..والله تعالى اعلم
رد بواسطة السوسنة الى البيوت اسرار
وعليكم السلام
انت بنت ولا شب
رد بواسطة السوسنة الى البيوت اسرار
عفوا

ماخبروها عن مكان معيشته
شو هي كانت تتوقع انه يبقى عند رجل غريب وامه وابوه واخوه اولى فيه
هالقد تفكيرها ساذج
09-04-2015 07:43 PM
البيوت اسرار /تتمة التعليق
لا اعلم طبيعة سكنكم ووضعكم..ان كان البيت لكم و بالإمكان ان يسكن مع والديه في طابق و انتما في طابق فليكن..نعم من حق المرأة أن تأخذ راحتها في بيتها لكن من تعيش مع عائلة الزوج لا بد لها أن تصبر ..اصبري
09-04-2015 07:49 PM
الخبيثة
اخلعيه
09-04-2015 08:23 PM
ام رياااااااااااااان
طيب ما يضل عايش مع امه وخلصنا!!
بعدين انتي مو مجبوره تتحمليه...اي الوحده مننا يا دوب متحمله زوجها وكمان ييجي اخوه عليهم!
بغض النظر يعني انه مريض او لا!! الله يشفيه
بعدين ما بتوقع تعرفي تتعاملي معه!
09-04-2015 10:25 PM
سوبر الى النقيب ١ حول
مساء الخير
انت موجود هون
رد بواسطة ام رياااااااااااااااااان
انا موجوده
بنفع؟؟
رد بواسطة سوبر
نعم انت الخير والبركة
رد بواسطة سوبر
نعم انت الخير والبركة
رد بواسطة ام ريااااااااااااااااان
يلا بما انك رايق فحكيلي
ليش بتنتحلوا المعلقييين
حول
رد بواسطة سوبر الى ام رياااااااان
هواية وبعدين نحن نمثل النقابة وشعارها وهو
نلهو نمرح نلعب نفرح وهذا هو السبب
09-04-2015 10:32 PM
ام رياااااااااااااااااان الى الخبيثه
يخلع رقبتك هههههه
هو بالساهل الوحده مننا ترجع تلقى عريس !
خليه (ضل راجل ولا ضل حيطه)
رد بواسطة ابو الليث
مساء الخير ام ريان لا تقلقي في كثير
رد بواسطة ام رياااااااااااااااااااان
مساء الفل ابو ليث
لا والله نكذب ع بعض..ما فيه رجال كثير!!
يعني اللي عندها زوج تمسك فيه بيديها ورجليها هههههههه
رد بواسطة الخبيثة
اشباه رجال
رد بواسطة ابو الليث
ههههههههههههه
ماشي ام ريان مثل ما بدك
رد بواسطة رشيقة
اه صحيح فيه اغنية بتحكي ...والي فيه عندا رجاااال اوعى اوعى تترك رجالا.....ههههههههه

كلاااام سليم ام ريااان
09-04-2015 10:32 PM
ابو الليث
مساء الخيرات الى
رشيقة
السوسنه
الخبيثه
ام ريان
عاشق
جانيت
والجميع
رد بواسطة الخبيثة
يسلموا انت احسن مني دايما بتسلم ربنا يفرجها عليك يا رب
رد بواسطة رشيقة
يا مساء الورد والياسمين
رد بواسطة رشيقة
مساااااااااء الورد والياسمين
رد بواسطة Jannat alrefaee
جانيت -_- صباح الشهد
09-04-2015 10:56 PM
ابو الليث
صباح الخير مره وللغاليين الف مره
10-04-2015 10:12 AM
ابو الليث
اللهم ما اصبح بي من نعمة او باحد من خلقك
فمنك وحدك لا شريك لك
فلك الحمد ولك الشكر
صباحكم محبه وسرور
الى جميع احبتي وخاصة
رشيقة
السوسنه
الخبيثه
ام ريان
عاشق
ورده
عصام
والجميع
رد بواسطة رشيقة
صباح النوووور والسرووور

جمعة مباركة ابو الليث
10-04-2015 10:28 AM
رشيقة
صباح الخير للجميع
وجمعة مباركة
رد بواسطة ابو الليث
هلا رشيقة صباح الورد وجمعه مباركه علينا وعليكي
10-04-2015 11:21 AM
السوسنة السوداء
ابو الليث


رشيقة


صباح الخير
رد بواسطة ابو الليث
هلا سوسنه مساء الانوار
رد بواسطة رشيقة
هلا وغلا
مساء الورد
10-04-2015 11:37 AM
السوسنة السوداء
صاااااااااااااحبة المشكلة


وووووووووووووووووينك
10-04-2015 11:42 AM
رقيب
بنظري ان تعيشي بسلام مع زوجك في بيت اخر وهذا ليس حراما
16-04-2015 08:04 AM
مها
انتي تقولي ان زوجك يعمل وانتي تعملي ليش ما تسكنوا في بيت مستقل بعدين الشاب نريض هذا بيت اهله له حق في عيش في بيته اصبري حتى تسكنوا في بيت مستقل
30-05-2015 12:03 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات