فرااغ عااطفي


جراسا -

المشكله عندي أن مشاعري تجاه زوجتي ميته وعندي مشاكل معها في كل شيء حتى في طريقة ترتيب البيت والأكل والنظافة والطلبات المنزلية بصراحة لا نتفق في أي شي دائما مختلفين.

الحمد لله رزقني الله بطفلين ولم يغير هذا شيئا بالعكس زاد الخلاف على تربيتهم وكيفية الاهتمام بهم ولا أعرف ماذا أفعل؟ بصراحة البيت بالنسبة لي أصبح جحيما لا أرتاح فيه إما أن يكون غير مرتب أو أن الأطفال دائما على صراخ وبكاء!

وصدقوني لا أجد الراحة إلا عندما يغادرون البيت وأجلس وحدي.

حاولت مرارا أن يكون هناك نقاش مفيد لكن لم ينفع ؛ زوجتي يمين وأنا شمال لا نتفق ولا حتى في أبسط الأمور ؛ أنا إنسان أحب الهدوء والراحة وأن يكون كل شي مرتب لكن زوجتي لا تستطيع معظم الأحيان بل الكثير من الأحيان لأنها موظفة.

وأنا تعبت نفسيا لأني لا أقدر أن أمنحها الحب والحنان كما يفعل أي زوج، لأنه لا يوجد توافق نفسي بيني وبينها وأنا بصراحة لا أكرهها لكني لا أحبها!

لا أحبها .. قلبي لا يميل لها ماذا أفعل في قلبي؟ وهذا الشعور كان قديما وحاولت أن أعالجه لكني فشلت ؛ أنا لا أحب زوجتي وبصعوبة أحاول أن أكون معها طيب وان أخدمها لكن فشلت لأنها أيضاً لا تفهمني وأفكارها غير أفكاري مما زاد الطين بلة ، وأنا أخاف من الله أن يعاقبني كيف الحل علماً بأنني أحاول الزواج من امرأة أخرى لكي أعيش حياتي الجافة القاسية فهل من نصيحة, وجزاكم الله خيرا.



تعليقات القراء

عاشق فلسطين
الى صاحب المشكله
طالما ما بتحبها و كان هالشعور قديما متل ما بتحكي ليش اتزوجتها ليش ما لاحظت هالشي عند الخطبه لا و كمان مخلف منها لك احمد الله انها دايره بالها على البيت و على الاولاد كونا انها بتشتغل
07-04-2015 04:57 PM
عاشق فلسطين
الى صاحب المشكله
بدك تهتم ببيتك و بالاولاد و تهتم بكل شي حكيتو بطلها من الشغل لانو هيك بصراحه زوجتك راح تحس بفراغ من ناحيتك و هيك بتخاف مرتك تفكر بنفس تفكيرك انها تشوف غيرك
07-04-2015 04:59 PM
فراشه فلسطين
اصدقائي الغاليين كيفكو اشتئتلكو كتير
و بالاخص اشتئت كتير لعاشق فلسطين
كيفك يا عاشق شو اخبارك ؟
رد بواسطة عاشق فلسطين
يسعدلي مساكي يا فراشه فلسطين
انا بخير و الحمد لله و كل اموري تمام التمام لك وينك من زمان عنك من زمان ما شفناكي طمنيني عليكي و الله نورتي يا فراشتنا الحلوه
رد بواسطة فراشه فلسطين
الله يسعدك يا عاشق انا بخير و الحمد لله و مشتائتلك كتير كتير كيفك و كيف شغلك
رد بواسطة الى عاشق فلسطين
انسى ما تحاول تركتك وحابة تجرب غيرك انت بتكتب بلقبين وبدك ترجعلك وهي ولا معبريتك هيها في الفن بتتسلى مع غيرك وانت لا اول ولا اخر واحد عملت معه هيكا بتفكرنا مش عارفين انو انت ورده واضح لا تضحك على حالك
رد بواسطة الى عاشق فلسطين
انسى ما تحاول تركتك وحابة تجرب غيرك انت بتكتب بلقبين وبدك ترجعلك وهي ولا معبريتك هيها في الفن بتتسلى مع غيرك وانت لا اول ولا اخر واحد عملت معه هيكا بتفكرنا مش عارفين انو انت ورده واضح لا تضحك على حالك
رد بواسطة الى عاشق فلسطين
انت ما سألت نفسك ليش لقبها ملكة لانكم كلكم تحت ....
وبتضحك عليكم وبتلعب بمشاعركم ولما توصل للي بدها ياه بتحكيلكم باي باي لندن هههههههههههههههههههههههه وهيكا يا هيكا
رد بواسطة الى عاشق فلسطين
انت ما سألت نفسك ليش لقبها ملكة لانكم كلكم تحت ....
وبتضحك عليكم وبتلعب بمشاعركم ولما توصل للي بدها ياه بتحكيلكم باي باي لندن هههههههههههههههههههههههه وهيكا يا هيكا
رد بواسطة الى عاشق
لا تزعل يا عاشق ولا على بالك ..طنش
رد بواسطة الى عاشق فلسطين
عاشق انت مو ستايلها لكوين على الايميل ههههههههههههههههههههه
رد بواسطة مدام .؟
عملتكم مصخره البنت لا يقيمكم قليل عليكم
رد بواسطة عاشق فلسطين
للمحترم يلي كاتب هالحكي
انا لا كوين و لا ورده و لا فراشه و لا اي بنت بهاد الموقع تجمعنا علاقه عاطفيه هون احنا متل مجموعه بنسلم على بعض لكن اذا كوين او بنت تانيه عملتك ممسحه هاد شي تاني
07-04-2015 05:02 PM
رشيقة
والله يا عزيزي المشكلة هاي حلها انك تجلس مع زوجتك وتفهمها طبيعتك والشئ اللي بتحبه وبتكرهه ، وتساعدها على تغييرطريقة حياتها، كونها موظفةحاول انك تعذرها في بعض الحالات،وتساعدها في بعض الامور،
رد بواسطة الختيار
مساء الخير رشيقة
الا تعتقدين ان الحل الانسب هو ان تترك عملها.؟
فهو لم يذكر بأنه مستفيد من عملها، وإنما الشكوى ترتكز على سلوكيات الزوجة ورد فعلها على سلوكه.
وللاسف لا نعلم كيفية سلوكه معها.
تحياتي.
رد بواسطة صاحب المشكله
يعني عشان انها موظفة وراتبها بدي اخلص منها ومن همها شو اني بدي اعيش عمري بنكد وقرف وهم والله اشي بقصر العمر
رد بواسطة رشيقة
الختيار
مساء الخير
والله إذا انهم وضعهم كويس وهي مو حابة تشتغل وما بتقدر توفق بين العمل والبيت ...كلام سليم الاولى تترك العمل وتدير بالها على جوزها وبيتها..
رد بواسطة عدي الحلو
فكرة حلوه
07-04-2015 05:13 PM
رأي خاص
تأخرت كثيرا ايها الزوج كان الاجدر ان تتفاهم معها خلال فترة الخطبه اما وقد تزوجتما واصبحتما ابوين
حاول ان تجد قواسم مشتركه وابني عليها علاقه جيده
موظفه وزوجه وام وبيت اعتقد عليك بمساعدتها فعليا.
رد بواسطة صاحب المشكلة
كيف بدي اتفاهم معها بجيها من الشرق بتجيني من الغرب دق الميه وهي الميه والله قرفت من هل عيشه وين هية القواسم المشتركه
رد بواسطة رأي خاص
من يستطيع ان ينجب من زوجته ابناء وان يشاركها نفس السرير فمن الآكيد ان هناك قواسم مشتركه اخرى يستطيع ان يشاركها بها لا استطيع التصور بأن ينجب رجل اطفال من امرأه يكرهها او لا يشعر تجاهها بشيء
07-04-2015 05:30 PM
نور ...
في يوم دخلت على زوجتك بهديه ما بدي احكي باقه ورد ..ورده وحده بس ..خطر على بالك يوم تعملك شي رحله انت وياها لوحدكم اسبوع زمان ..
انت عم بتبالغ بالحكي لحتى تسمع شيء معين انه المشكله عند زوجتك لوحدها
رد بواسطة نور ...
البيت والاولاد مشكلتهم بسيطه بتنحل (بشغاله)اما اذا انعدم الحب بين الزوجين الحياه بتكون صعبه كثير وصعب تستمر ..انت مش مقتنع فيها ولا بأي شكل لهيك الانفصال هو الحل الوحيد والافضل الك والها ..
رد بواسطة نور ...
لانه انت مش قادر تعطيها حبك وحنانك ف الاكيد مش راح تبادلك الا نفس الشعور والاحساس ..
رد بواسطة الختيار
LIKE
كلام جميل وموزون يدل على وعي وادراك.
تحياتي
رد بواسطة صاحب المشكله
أحسن بطلق وبعيش بنعيم والله اشي بقصر العمر
رد بواسطة رشيقة
نعم نور
الغلط بلش من عنده في فتور العلاقة الزوجية بينهما....حسسها بالحب والحنان انت أولاً وشوف التغيير الي راح يصير...
رد بواسطة نور ...
الختيار ورشيقة
شكرا الكم ..
07-04-2015 05:40 PM
الخبيثة
أرضى بقردك عشان ما يجيك أقرد منه وتصير تخبط خماس بسداس هاي حال الموظفات المتزوجات شو يعني تقطع حالها عشان ترضيك ما بكفي تعبها وانت ما بتساعدها لا بالاولاد ولا بشغل البيت وبتشكي كمان .
رد بواسطة الختيار
كلام سليم. من يرغب بعمل الزوجة عليه ان يخسر شيئاً بالمقابل. حيث من المستحيل ان تعمل المرأة خارج البيت وتوفي بإلتزاماتها المنزلية كاملة. وللأسف هذا لا يعلمه معظم الرجال.
أرجو أن لا يفهم كلامي بسلبية.
رد بواسطة صاحب المشكله
استغفر الله العظيم بدي ادعي على الي دلني عليها لانه الليل ما بنامه منها حتى لما اشوفها بتعوذ من الشيطان
رد بواسطة صاحب المشكله
ليش دخلك همه اولادي مش اولادها بس انا الملتزم
بيهم وبمصاريفهم بدها تشغل مثلي مشان البيت ولا انا من وين بدي اجيب مصاري يالله اصرف على البيت
رد بواسطة رشيقة
طيب بما انكوا بحاجة لراتبها كن واسكت وساير مرتك وﻻ تقارنها بغيرها لان كل واحد اله طبيعة وما فيه حدا كامل...واحمد ربك انه رزقك زوجة واوﻻد...
07-04-2015 06:07 PM
السوسنة السوداء
لااااااا تعليق
رد بواسطة صاحب المشكله
أحسن مش مهم
رد بواسطة السوسنة السوداء الى صاحب المشكلة
والله تعبانة وبدي مين يحل مشاكلي
رد بواسطة صاحب المشكله
طيب شو هي مشاكلك على قول المثل الي بشوف
مصايب الناس بتهون عليه مصيبته بلكي انحلها
رد بواسطة السوسنة السوداء
مشاكلي مش للنشر
07-04-2015 07:13 PM
الى الختيار
صاحب المشكلةكتب ..((وصدقوني لا أجد الراحة إلا عندما يغادرون البيت وأجلس وحدي.))
وظيفتها ليست هي السبب فقط ..
رد بواسطة الختيار
أنا أتكلم بشكل عام بما ان المؤلف فاشل في التأليف..
تصبحون على خير.
رد بواسطة رشيقة
بلكي انت انطوائي ومو اجتماعي...يعني المشكلة عندك ...غير انت في نفسك...
07-04-2015 07:32 PM
الختيار
عندما تشعر المرأة انها مرفوضة. تبذل جهداً كي تشعر الرجل بأنه فاشل.
الرفض هو خوف المرأة الاول.
والفشل هو هوف الرجل الاول ايضاً.
وعندما يفشل الرجل يرفض الزوجة ويدورون في دائرة مفرغة.
رد بواسطة رشيقة
كلااااام سليم
الي عنده نقص بحاول يخفف منه بفشش في الطرف الآخر. ..وهات رقع وراهم وحلها يا حلاااال...الله يعين الناس..
07-04-2015 08:00 PM
رشيقة
وف يا عزيزي اذا انك انت شايف لك شوفة او بتقارن بينها وبين الاخريات هذا كلام اخر ..بدك تخاف ربك هي رضت فيك دون الكل.وإذا مو عاجبتك والاختيار كان غلط..هذا بكون غلطك مو غلطها..وبينكوا اوﻻد هو كل يوم زواج
07-04-2015 08:02 PM
سوبر الى النقيب ١ حول
مساء الخير
انت اليوم موجود
07-04-2015 08:15 PM
ملقت
الحل يا طلقها وتكسب ذنبها وذنب الولاد..
يا نتفاهم معها وتلاقوا حل..الرسول عليه الصلاه والسلام قال لا يفرك مؤمن مؤمنة إن كره منها خلقا رضي منها آخر ـ رواه الإمام مسلم،..أبغض الحلال إلى الله الطلاق..
07-04-2015 08:44 PM
رشيقة
السوسنة السوداء
مساء الخير وسلامتك..
07-04-2015 08:45 PM
jamjoum
يبدو انه صاحب المشكلة هو نفسه المشكلة . و من طريقة ردوده ما بلوم زوجته ابدا اذا كانت مش طايقاه . حل مشاكلك يا ابن الحلال و استعذ بالله من الشيطان الرجيم قبل ما تزيد الحالة عندك و تدخل في حالة اكتئاب
رد بواسطة صاحب المشكله
كيف انه انا المشكله نفسها وانا عامل مثل الثور مربوط بساقيه الليل والنهار بشتغل مشان ترضى وهي لا على بالها والله اشي بمرض الواحد
07-04-2015 09:10 PM
البيوت اسرار
سلام الله عليك.سأبدأ من حيث انت انتهيت..تريد الزواج بإخرى .صدقني ان كانت هذه رغبتك ستجد مئة تبرير و تبرير لتقنع نفسك بالتعدد..لكن ما حصل بينك و بين زوجتك هو جفاء..الحب فعلا يجعل الشخص يتحمل الاخر
07-04-2015 09:52 PM
البيوت اسرار/تتمة التعليق
الجفاء هو لا كره و لا حب إن لم تكن الوظيفة مهمة فلتترك زوجتك الوظيفه..الحياة الزوجية فيها أخذ و عطاء و تنازلات..اجلسا جلسة مصارحة ..سافرا..لن اعاتبك على الماضي لكن غير اسلوبك معها لعلها تتغير ...
رد بواسطة صاحب المشكله
وطيب تركت الوظيفة من وين بدنا نعيش ونصرف على البيت والاولاد يالله قادر لحالي امشي امور البيت ولا اقعد اشحد
رد بواسطة البيوت اسرار/صاحب المشكلة
عفوا اخي انا قصدت ان لم تكن تحتاج الوظيفة و ان كانت الوظيفة هي سبب تقصيرها في البيت و الاولاد و الزوج هذا كان قصدي..فرج الله همك اخي الفاضل
07-04-2015 09:56 PM
البيوت اسرار/تتمة التعليق
اخي بالنسبة لبكاء الاطفال و صراخهم هذا طبيعي جميع الاطفال هكذا و اغلب الازواج لا يتحملون الامر..لكن الزوجة..امهم تتحمل اطعامهم و اسكاتهم و نومهم و السهر على راحتهم..وهذا امر مرهق .وفقك الله اخي
07-04-2015 10:13 PM
البيوت اسرار
اسف اخي ربما اطلت التعليق.لكن الزواج فيه احترام و تقدير ليس فقط حب و ان كان الامر كما قلت انت فنحن سمعنا منك فقط ان لم تكن تقدرك دع احدا مقربا لها ينصحها.انا اعلم ان هناك زوحات يرهقن ازواجهن دمت بخير
07-04-2015 10:18 PM
مدام؟؟
هه ههههه عادي مش مجوزين
07-04-2015 10:48 PM
مدام؟؟
خذ نصيحتي عيش قصة حب بدون زواج . دير بالك تتزوج وتتورط . رح تكره الزوجتين
رد بواسطة صاحب المشكله
يا خوي بشاور بحالي اني اجوز عليها وتركها مع اولادها بعدين بعدك بتعلق بأسم مدام ما تعلق بأسمك زي الزلم
رد بواسطة رشيقة
شو مدام بدكي اياه يخون زوجته...هي ناقصها بعد وجفاء المسكينة..؟؟؟!!
رد بواسطة مدام؟؟
اولا والله انا مدام. ليش بدي انتحل شخصيه شو مستفيده. تانيا يخونها احسن مايكرهن مع بعض .
07-04-2015 10:49 PM
الى صاحب المشكلة من نور
عن جد الله يفك اسرك ..لو انك بسجن ابو غريب مش هيك
07-04-2015 11:24 PM
الى صاحب المشكله
انت متجوز مديرة مدرسه ؟؟
ارجو الرد للاهميه القصوى
رد بواسطة صاحب المشكله
نعم كيف عرفت
رد بواسطة صاحب المشكله
نعم كيف عرفت
07-04-2015 11:33 PM
الخبيثة الي صاحب المشكلة
اذا لانك بتحكي ما بتحبها عادي غالبية الرجال ما بحبوا زوجاتهم هاي مش مشكلة اما انك بتتهاوش انت واياها على ابسط الاشياء برضه عادي كل الزلام بتهاوشو مع زوجاتهم باليوم عشرين مره أنا مش لاقيه عندك مشكلة
08-04-2015 12:58 AM
الخبيثة يتبع
أفضل حل الك خليك عالسايلنت وجرب وادعيلي أنا هيك عاملة دايما حاطة حالي سايلنت لا نقاش ولا سخام بين هههههههههه
رد بواسطة رشيقة
السكوت من ذهب معاليكي...ههههههههه
08-04-2015 01:03 AM
صاحب السعادة
سيدي..معظم اﻻزواج يعيشوا نفس مشكلتك.اﻻمور تحتاج منك الى تقدير وضع زوجتك وبعض الموده وعدم التدقيق على تفاهات اﻻمور..انت تبحث عن مبرر للزواج او الخيانه صدقني.. واقول لك سوف تعاني نفس المشكله مع اي زوجه
08-04-2015 02:37 AM
جنى
الحل : انها تترك الشغل ساعتها رح تنحل المشكلة وتنحط النقاط ع الحروف
08-04-2015 08:32 AM
ابو الليث
صباح الخير للجميع
اخي الكريم اود ان احكيلك كلام بس لا تزعل مني
لنفرض جدلا بانك اتعرفت على بنت غيرها مثلا صدقني بانك ستسمع هذه الفتاه من كلام الحب والغزل ما هب وطاب وتستطيع ترويضها مثل ما بدك
رد بواسطة Jannat alrefaee
ترويضها ..!!!!
رد بواسطة ابو الليث
نعم ترويضها؟؟؟؟؟؟؟؟؟؟؟
الا لا تعرفين معنى الترويض؟؟؟؟
رد بواسطة Jannat alrefaee
السؤال هاد الك .!!.مش حاس انه التشبيه بشع .....
08-04-2015 08:38 AM
ابو الليث
ولذالك اعتبر زوجتك تلك الفتاه وسمعها كلام طيب وكلام غزل وحب وانا واثق تماما رايحه تسمعك فس الكلام لان المرأه يا عزيزي بطبيعتها الانثويه جذابه وتجذب وتنجذب
ورايحه ترجع المياه لمجاريها لانه يالسياسه
08-04-2015 08:42 AM
ابو الليث
بالسياسه بطلع الحيه من جحرها
مشان اطفالك ومشان العشره الي بينكم الا اذا انت شايفلك شوفه
وزوجتك تنسى الكل وتهتم بزوجها واطفالها
مع امنياتي لكم بالتوفيق
جرب وردلي خبر
رد بواسطة Jannat alrefaee
حيه O.o
رد بواسطة ابو الليث
الحيه تعني الافعى يا جانيت
وهذا مثل
رد بواسطة Jannat alrefaee
والله انا عربيه ابا عن جد .. بس مش عارفه ليش مصمم تشبه المرأه بهيك تشبيهات
..
08-04-2015 08:46 AM
ابو الليث
بعدين كونك قبلت بزوجه موظفه بدك اخي الكريم تتحمل
كما انت بترجع من دوامك تعبان وهي كذالك وخاصة كونها مديرة مدرسه عرفت لانها بتتعامل مع معلمات وطالبات والله يعينها لاني مجرب ذالك
رد بواسطة رشيقة
صباح الخير
كيفك ابو الليث ؟؟!!
رد بواسطة ابو الليث
هلا وغلا رشيقة مساء الورد
08-04-2015 08:49 AM
الموناليزا
هاد اللي بتدورا عليه انتوا الرجال ... يا اخي حكيت انها موظفه يعني الله يكون بعونها صحوة الصبح ع حراته بالمدرسه ع شغل البيت والاولاد .. والله الشغله مابدها انانيه بدها شوية احساس ..
08-04-2015 08:58 AM
Jannat alrefaee
ليش دائما بأقل المشاكل بين الرجل وزوجته بفكر بهاد الحل " الزواج " طبعا هو حل مؤقت او حل الك انت بس طيب والاولاد طيب وزوجتك يمكن حاسه بنفس الفراغ وساكته.لا تفكر بجانب واحد الك شركاء ولازم تفكر فيهم ..
08-04-2015 09:16 AM
صلوح.
مشكلتك بأنك معتاد على الحرية ولا تريد أن تتحمل المسؤولية والإلتزام ، فالحياة الزوجية مسؤولية والتزام وتنازل عن أشياء ومكتسبات كثيرة كانت لديك وانت شاب أعزب لتحول إلى أسرتك وهذا اهم أسس نجاح الأسرة .
رد بواسطة رشيقة
فيه منه كلامك..
يعني بده مطر وبدون ما يبتل...
08-04-2015 09:24 AM
صاحب الاسمر
صباح الخير للجميع
رد بواسطة رشيقة
صباح النور والسرووووور
كيفك شو اخبارك
وين هالغيبة...؟؟؟!! متى رجعت من بلاد الواق واق...ههههههههه
رد بواسطة Jannat alrefaee
صباح النور
رد بواسطة صاحب الأسمر
مساء النور جنات
08-04-2015 10:06 AM
ام أحمد
والله يا خي إذا طلقت مين قلك رح تعيش بنعيم بالعكس رح تشتت أسرة كامله ويمكن ترزق بواحده اكثر سلبيات البخت هو نفسه بس الوجوه بتتغير أنت الرجل اكثر رجاحة من عندكابدا التغيير مش جزاتها طلاقها والله حرام
08-04-2015 11:29 AM
النسر
اخي بدك طبيب نفسي
08-04-2015 11:49 AM
لورد
صاحب المشكلة حكيتلك الف مرة حل مشكلتك لحالك هههههههههههه
08-04-2015 11:53 AM
لورد
في اشي غريب الناس الي هون بتصدق الناس تبعون المشاكل وبجاوبوهم انداري هههههههههه كلو تشذب :|
رد بواسطة Jannat alrefaee
ليه كزب لورد .. المشكله وارده جدا مو خياليه ....
رد بواسطة لورد
جنات يا عزيزتي انتي لو محلو ما بتحلي مشكلتك لحالك ؟؟؟؟


هاي المشاكل خيالية وما فيها صحة

لو صح حكيو كان ما عاش معها مدام بحكي من زمان وهو معها هيك .

انا برأي اريد حلا .... شيلوها من الموقع احسن
رد بواسطة لورد
بعدين انا حاسس انو هو نفسو الي دايما عندو مشاكل هو شخص واحد تأليف .... لانو نفس الكتابة ونفس الطريقة وحتى نفس الاجوبة ادا حد رد عليه .... احنا مش خرفان :|:|:|:|:|
رد بواسطة لورد
المشكلة واردة صح وبتصير ما حكيت اشي ... بس هو بحسسنا انو واقع فيها .... :|:|:|:|:| وهو مش مزبوط هاد الحكي ...
رد بواسطة الختيار
تحية كبيرة اخي لورد.
اصابهم الملل من انتحال المعلقين وسلكوا الطريق الآخر بكتابة المشاكل والردود على انهم أو انه صاحب المشكلة.
وفي بعض الاحيان يعلقون بأسماء المعلقين للإستفزاز فقط ويردون على انفسهم.
رد بواسطة لورد
يعني هاد حل برأيك ؟؟؟؟
08-04-2015 12:03 PM
صاحب الأسمر
هلا رشيقة
صباح النور والسعادة
انا الحمدلله تمام
كنت مشغول ع طوووول
وهيني رجعت بيب بيب هههههههه
08-04-2015 12:22 PM
ام داوود
انا لااعفيها من الخطأ ولكن ليس من المعقول انك دائما المصيبواعلم ان الزواج ليس فقط حب وغراموان هناك عشرةوالفة- انظر لنفسك انك انسان غير كامل وقد تخطئكما تخطئ هي وحاول ان تحبها لانها شريكة حياتك
08-04-2015 01:27 PM
الختيار
اخي لورد
من المؤكد ان هذا ليس حلاً وإنما هو سلوك في غاية السوء.
هم يعتقدون انهم ينمون موهبة، أو يتبنون اعتقاد خاطئ بأنهم أذكياء. وهذا يؤثر على سلوكهم في المستقبل حين يعتقدون ان الآخرين اغبياء.
رد بواسطة لورد
انا ما بحب ادخل هون اصلا لانو كلو هبل
رد بواسطة الختيار
اشكرك.
08-04-2015 02:00 PM
الله يعينك
الى صاحب المشكله بيعنك الله
08-04-2015 02:09 PM
ام ريااااااااااااااان
نووووو كومنت
!!
08-04-2015 02:22 PM
الختيار
عندما يتعرض الكمبيوتر او الهاتف الى فايروس هل نقول له افعل ما تشاء ولكن لا تدخل الى الصور.؟
هذا ما نفعله مع المنتحلين. نسمح لهم بالتعليق بأسماء المعلقين وكل منا يقول لا تعلق بإسمي لو سمحت.
اليس كذلك
08-04-2015 02:27 PM
الى اللي بألف مشاكل واللي بنتحل
سألتكم بالله
وبمحمد رسول الله وبالاشهر الفضيله
وبحق وجاه الله
انكم تبطلوا تعملوا هيك او تألفوا مشاكل
وانتوا الله شايفكم وشاهدعليكم وعلى افعالكم
رد بواسطة الى الكاااااتيب
هههههههههههه لو قاعد ع باب مسجد مش هيك هههههههههههه
08-04-2015 02:42 PM
فراشه فلسطين
الى الجميع
بحب احكيلكو انو انا بعرف عاشق فلسطين مو بس هون بعرفو شخصيا و هو انسان زوء كتير و اكيد للي بيعرفو هون بيعرف انو انسان زوء ما عندو لا لف و لا دوران
رد بواسطة لورد
فراشة ؟؟؟؟ احنا ما بنحكي عن عاشق احنا بنحكي عن الي كاتب القصة .

بالعكس عاشق فلسطين تحياتنا الو حبيب قلبنا هو

تحية لعاشق فلسطين في غيابو ♥
رد بواسطة فراشه فلسطين
الى لورد
شكرا كتير الك اخي لورد و بتمنى انكو لا توخدو على عاشق و لا على كوين و لا على اي حد هون اي فكره عاطله احنا هون متل الاخوان ان شاءالله
رد بواسطة لورد
فراشة عاشق وكوين اصدقائي وما بسمح لحد يجي فيهم لانهم ناس محترمين وما بيجو بحد لا تخافي
رد بواسطة الى لورد
اخي الي بمشي على ايديه ورجليه ما بنحلف عليه وانت ما شفت ولا سمعت ولا قرات وربك شايف وعارف وحسبي الله ونعم الوكيل
رد بواسطة عاشق فلسطين
فراشه لا تهتمي خليهم يحكو شو ما بدهم اصلا ما بهمني
لورد انت على راسي و الله
انت و فراشه و كوين و رشيقه و السوسنه و ابو الليث و سفير و كل الموجودين على راسي و الله و هاد يلي عم يحكي علي الله يسامحو
رد بواسطة الى عاشق
انا ما بحكي عنك انت تحديدا انت ضحية ومضحوك عليك يا غبران ههههههههههههه
انا بحسب ربي على اللي عارفين حالهم
الجلاد يعني انت لا تنهيل وتكتب باسماء بنات ترى مكشوف على فكره ههههههههههههههههههههه
08-04-2015 03:17 PM
جضعان
المشكلة فيك مش فيها لانه الرجل الطيب المحترم الي بحب زوجته واولاده بعيش احلى عيشه ... علمها انت زوجها يعني كل اشي بالنسبه الها , علمها افرض هي ما بتعرف او تربت بظروف كانو اهلها هيك.
08-04-2015 07:35 PM
yaz-syn
انصحك ان تقرأ بعض الكتب التي تساعدك بفهم زوجتك ، كبداية انصحك بقراءة كتاب "بإمكانك ان تقرأ لغة الوجوه" موجود على النت ربما تفهم سبب الإختلافات بينكما الى حد معين ...
09-04-2015 09:38 PM
ورده
شو والله شايقه ابو الليث صاير مصلح اجتماعي
بس والله عداه العيب الله يوفقه
11-04-2015 07:27 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات