حماتي


جراسا -

انا قبل ما اتجوز كانو يحكولي انه امها قوية قلت شو بدي بـ امها هو انا بدي اتجوز الام ولا البنت ؟

اتجوزت والحمدلله، طبعا يا اخوان امها لزوجتي تاتي على البيت يوم بعد يوم اذا مش كل يوم.

طبعا حكيت عادي اهلا وسهلا بالجميع بتضل امها لزوجتي ولا الضالين امين .

زادت الامور انها تدخل بيني وبين زوجتي صارت تعطي قرارات قبل ما ترد علي زوجتي .

حكيت لحد هون وبس، عملتلها مشكله ومنعت امها تدخل بيتي لانه كل ما تدخل بيتي بتصير مشكله وبتقوي مرتي علي ارتحت اول اسبوع، بعدين صارت على التلفون .

قرفت... زوجتي حامل ومش عارف شو اعمل اطلقها !

مش عارف كيف امنع امها عنها لانه دايرة ورا خراب بيتي ! وللعلم ما صارلي متجوز 4 شهور، كل اشي بتحكيلها اياه امها بترد عليها .

محتار ..الرجاء تعطوني اقتراحتكم ولكم جزيل الشكر و الاحترام



تعليقات القراء

عاشق فلسطين
اخي صاحب المشكله
عمك يلي هو ابو مرتك وينو عايش و لا ميت ؟

اخوانها ما بدخلو

ما الك الا تشوف حد يمون على امها حرام البنت ما الها دخل
رد بواسطة صاحب المشكلة
نعم عايش ابو مرتي ومجوز عليها وحده قد بنتها وعايش هو زوجته الجديدة وتاركها لحالها هي ولادها مشان هيك ما بمون عليها واخوتها مسافرين ساكنين في بريطانيا
16-03-2015 04:28 PM
انا حماة
لا اتدخل بين ابنتي وزوجهاعليك ان تجد ناس من طرفها يقنعها بعدم التدخل وان تفهم زوجتك ان حياتكم الزوجية باتت في خطر واذا انصلحت حماتك وتركت التدخل دعها تزور ابنتها
16-03-2015 04:51 PM
ابو قيس
يا كبير الامر كله بيد زوجتك
اقعد معها على رواااق واحكي معها باسلوب لطيف وقول لها اذا بتظل امك تدخل بينا ما راح اقدر استمر معك واعطيها امثلة على هيك مشاااكل ومثل ما قالوا الشباب خلي حدن من الكبار يتدخل
16-03-2015 05:17 PM
ابو رياااااان
انا حماتي ام ام ريان كانت زي هيك بس قلت انه رايح طلق بنتك بطلت تيجي على الدار وتريحت
16-03-2015 05:19 PM
مدام؟؟
بضلها امها غصبن عنك
رد بواسطة صاحب المشكله
لعاد خليها تتخلل عند دار امها
رد بواسطة مدام؟؟
خليها لما يجي واحد يحترم امها . الجنه تحت اقدام الامهات . وستين داهيه باحسن زلمه
رد بواسطة انا حماة
امها عينها وزوجها عينها وعلى كلا الطرفين ان يلزما حدودهما
16-03-2015 05:22 PM
السوسنة //// الى صاحب المشكلة
انا بقول انك تصبر عليها واذا زودها هي وامها روحها على اهلها مش ناقصك وجع راس احسن الك
16-03-2015 06:17 PM
عاشق فلسطين
الى صاحب المشكله
و الله يا صديقي معناتو قصتك عويصه شوي
وحده من التنتين يا اما تفهم مرتك و تحكيلها يا انا يا امك

او انك تلاقي حد كبير من عيلة مرتك يوقف معك و يمون على امها مستحيل ما في الا ما تلاقي
رد بواسطة صاحب المشكله
اولآ هاذا مش منطق اني احرمها من اهلها شو بدك اياني ادخل النار
ثانيآ انا قلت انه ما في حدا ايمون لا جوزها ولا اهلها وانا في ورطة
16-03-2015 06:36 PM
عاشق فلسطين
هاي مطفشه العيله كلها
معناتو يا كبير وقعت سودا الله يكون بعونك
رد بواسطة --Zaid--
يا عاشق اخونا بيعرفش يتعامل مع حماته ،،الله يهديه ،،،مش دبلوماسي ،،،انا مثلا بشتغل كل شغل الدار عن حماتي ،،بمسح الغبره بشطف البلكونه ،،بعمل الها الطبخه ،،،واخر كل شهر بعطيها الللي فيه النصيب ،،،
رد بواسطة صاحب المشكلة
شفت هل المشكلة الي انا بيها لو بدي ان هيك بده يصير ما جوزت بالمرة
16-03-2015 06:37 PM
الى صاحب المشكله
يا اخي هاي مو حماتك هاي امك
النسيب بيصير ابن والحمايه بتتعامل معاه زي ابنها
عاملها كابن ورحب بوجودها واتعامل معها كانها امك واكثر اكسبها واكسب مرتك ترى مرتك لسه عروسه جديده مش فاهم ليش عاملها عدوتك
رد بواسطة الختيار
تقريباً في كل مشكلة، وفي بداية التعليقات أقرأ تعليق دون لقب وموجه لصاحب المشكلة.
اشعر وكأن المعلقة سيدة لديها بصيرة وفراسة وفطنة.
إذا كان المعلق رجلاً أو كانت سيدة كل الاحترام والتقدير.
شكراً جزيلا
رد بواسطة الى الختيار
شكرا جزيلا ولك كل التحيه والتقدير والاحترام بعض مما عندكم وصدقا لا استحق ثناءك ولكن كل يعمل بأصله الطيب كمثلك وينظر الى الامور بعين خبرته وبيئته والمجتمع الذي يعيش به اقبل تحياتي ايها الحكيم
16-03-2015 06:37 PM
--Zaid--
نعم يا خوي ،،حماتك ،،،حدا بالدنيا بيشتكي من حماته ،،،،اي كيف بدنا نغيش من غيرهم ،،،هاي امك يا زلمه ،،،
عاملها منيح بتعاملك منيح ،،اي انا حماتي لو بتشوفها بتحكي ملاك ماشي على الارض ،،،يسعدك يا حماتي ،
رد بواسطة صاحب المشكلة
ليش انت مجوز بهل العمر يا بني
رد بواسطة --Zaid--
ههههههههه ،،اه متزوج شو شايفني صغير ،،،وبعرف كل شغل الدار ،،،،
اي انا حماتي بتاكلش ورق وكوسا غير من تحت ايد محسوبك ،،،،ولا الملوخيه اي انا موهوب فيها ،،،وعلىراي حماتي نيالي فيك يا زيد يا ريت كل الرجال
16-03-2015 06:38 PM
الى صاحب المشكله
اذا مرتك بتضل هيك و بترد على امها
طلقها و شوف غيرها هيك بتريح راسك
الواحد بتزوج عشان يرتاح مش عشان يوجع راسو بكفي الشغل و قرفو و كمان يجيك المره و قرف امها
رد بواسطة صاحب المشكلة
وان هاذ الي المفكر اعمله ان شاء الله
16-03-2015 06:55 PM
عصام الى السوسنة
انا اليوم كاتب باسمي عصام مع خط (ازرق )لا احمر ولا اسود .!
وصلت سوسنة ولا اعيد .؟
رد بواسطة السوسنة السوداء
ما فهمت شو يعني ازرق اخضر
رد بواسطة رشيقة /السوسنة
سوسنتي ..
ازرق مخضر بيشبه الاحمر المصفر ههههه
رد بواسطة رشيقة
هاااااد المنتحل العاقل سوسنتي
16-03-2015 07:08 PM
الى نقابة المنتحلين
محرر شو مالك عليه صرت منزل فوق ١٠٠ تعليق وما نزل شو السبب بدي اعرف
رد من المحرر:
كل التعليقات يتم نشرها ما لم تخالف المعايير.. متمنيا لكم دوما مزيدا من التفاعل ..
رد بواسطة نقيب رد 1 حول
نقدر لكم مجهودكم الرائع
احسنتم وبارك الله فيكم.

ما هذا الا ضريبه لهذا العمل والمجهود الجبار الذي تقومون به
لكن سنعمل على حل هذه المشكله قريبا
16-03-2015 07:11 PM
ام ريااااااااااااااااااااان
زيد هاد اطلعت ماشالله عنك وانا بعرفش ؛))
يا رب يا رب يبعت لبنتي ريانه عريس في كل صفاتك
مش مثل ابو ريان ييييييييي الله لا يبلى
ما بتمناه لللعدو
ما علينا ؛((
مس سوسو كيفك ؟
عاشق وين بتغيب ؟؟
16-03-2015 07:20 PM
صاحب المشكله الى رقم ٩
اولآ :الله لا يبليك بهيك حماه
ثانيآ : اذا جوزها طفش منها شو بدك اعمل
16-03-2015 07:21 PM
سوبر الى النقيب ( حول ١)
مساء الخير
شو الأوامر وكيف رضاكم عنا اليوم
رد بواسطة نقيب 1رد حول
كله تمام
استمروا على بركه الله
16-03-2015 07:29 PM
رياااااانة
خلص انا بدي اجوز حتى لو واحد مجوز
رد بواسطة ريااااااااانه
ماما يا ماما بدي متل زيد يا ماما
رد بواسطة --Zaid--
" بدي متل زيد " مهو زيد لعبة ليغو بتنباع بالمكتبات بدك زيه !!!
بعدين ما بنصحك
ايدي طرشا
16-03-2015 07:32 PM
ابراهيم حمدان
يعني اذا حماتك هججت جوزها بدهاش تهجج جوز بنتها، على كل حال حاول اولا ان تستعمل الحكمة والاقناع مع زوجتك وحذرها من عواقب تصرفاتها، واذا لم تتجاوب طلقة اولى وارميها عند امها 3 شهور وسترى النتائج..؟؟!
16-03-2015 07:34 PM
ام رياااااااااان
ورصاص لو انها حماتي غير احطاها بالمستشفى المجانين وبخلص
رد بواسطة ام ريااااااااااااااااااااااان
مش مني هاد التعليق ههههههه
رد بواسطة صاحب المشكلة
لعاد شو التعليق رقم ٤ بدي افهم
رد بواسطة الى ام ريان
شو قصتك مع الرصاص !؟
ممكن تغيري هاي الدعوه لو سمحت ، والله بكرها من كل قلبي
كانك بتدعي على الناس بالموووت يا ويلك من الله :(((
16-03-2015 07:35 PM
ام رياااااااااااااااان
سيد عصام
انت هيك على طوووووووووووووول ولا بس بعد العشى هيك :)))
هيك مجرد احساس انه انت كتييييير صعب :((
الله يكون معها للمدام .
رد بواسطة عصام
نوبات نوبات عادي مخفف عليه الدواء شوي الله الشافي
رد بواسطة ام ريااااااااااااااااان
سبحان الله انا البي دليلي :)))
كنت عارفه انه عندك مشكله بالشحنات
ما علينا الله يشفيك ويشفي مرضى المسلمين :((
رد بواسطة عصام
تسلمي يا خيتي ام ريااان الله يخليك انت وريان وريانه
16-03-2015 07:36 PM
السوسنة السوداء الى عصام
يا خوفي غير يصيبك صفار من كثر اخضر واصفر
16-03-2015 07:40 PM
الى زيد
بتوقع والعلم عند الله حدا عامل الك سحر (عمل) لانه انت زماااااااان ما كنت هيك شخصيتك كانت اقوى بكثيير
ليش اتغيرت شو صار معك !!.
معقول انت زيد المغرور ؟؟!!
انت فاهم مبدا الزواج غلط مش هيك يا زيد ...
رد بواسطة --Zaid--
لا تستعبطي
انا وانتي عارفين كثير منيح انه التعليقات اللي فوق مش مني
كوسا محشي ودوالي!! اذا وانا عزابي ما طبخت بدي اطبخ لما اتجوز !!
ع العموم تذكرتك .
رد بواسطة الى زيد
لو بدك الصح يعني انا توقعت انه ممكن يكون مش انت !!
بس شو حكيت ههيك بيني وبين حالي اذا فضل شاكر تغير زيد ما بده يتغير .؟!
يعني عادي ما تزعل
بس عن جد انت اتغيرت مش عصبي مثل ايام زمان ..
16-03-2015 07:43 PM
الى ريااااانة رقم ١٧
خلص انا جاهز وامي بدور على عروس
16-03-2015 07:57 PM
ام ريااااااااااااااااااان الحقيقيه
هههههههههه
انا براءه من كل التعليقات اللي فوق
منتحل يقصف عمرك ما الزك ههههههه
رد بواسطة الى ام الرور
اموت يعني ليش هيك يا ام الرور
يقصف عمري ؟؟؟؟!!!!:(
رد بواسطة ام رياااااااااااان
بعييييييييد الشر عنك
16-03-2015 07:59 PM
الخبيثة
انا عندي الك الحل في علاج بالصيدليه اسمه ناروماج شو بعمل هالعلاج يا ترى ؟
بعمل ارتخاء بعضلات الوجه من الساعه 7 صباحا لساعه 10 ليلا بتحكي لحماتك هاد علاج لحتى ما يصير معك هشاشه لانه انا بحبك وبخاف عليك
16-03-2015 08:12 PM
الخبيثة
هههههههههههه وصلت الفكره يا صاحب المشكله هههههههههههه اول ما كان في مجال للضحك بالتعليق الاول ههههههه هون بضحك عن التعليقين ههههههههه
16-03-2015 08:13 PM
ام ريااااااااااااااااااان
منتحل ازا حضر الماء بطل التيمم وخلص انا اجيت
يلا تع خد شلن وروح اشتري ههههههه
اه وبالنسبه للتعليق اللي باسم ابو ريان فبحكي يا ريت ..ياااااا ريت كل الحموات مثل ست الحبايب
الله يخليلي اياها يااااا رب
16-03-2015 08:19 PM
رشيقة
مساء الخير للجميع
دون استثناااااء
رد بواسطة ريااااااااانة
مساء الخير
رد بواسطة ابو الليث
هلا مساء الورد والياسمين
16-03-2015 10:05 PM
رشيقة
اخي
الشغلة بيدك انت شو يعني منت قادر على مرتك انك تمنعها ترد ع امها في امور تخص حياتكوا...الفرس من الفارس وفهمك كفاية
16-03-2015 10:07 PM
ابو الليث
مساء الخير
الحل بيدك اخي الكريم ويثني على كلام رشيقة انه الفرس من خيالها احكي لزوجتك امامك حلين اما امك وضلك عندها على طول لاني ما بحب المشاكل واما انا وممنوع تحكي مع امك
رد بواسطة صاحب المشكلة
الله يبعث الك حماه مثلها
رد بواسطة ابو الليث
صدقني اخي الكريم انه حصلت معي مشكله في البيت والسبب حماتي صدقني اني طردتها من البيت وما دخلت بيتي الا بعد 3 سنوات بس زوجتي عقلها كبير وعرفت انه امها غلطانه
وبعد هيك هله من اروع ما يمكن
رد بواسطة صاحب المشكله
لانها خافت من خراب بيتها
رد بواسطة رشيقة
ههههههههه
والله منت قليل ابو الليث
تحياتي الك..
16-03-2015 10:53 PM
الى صاحب المشكله
لو لسانك مع حماتك مثل ما بترد على المعلقين ما بلومها فيك لو شو ما تعمل بتستاااااااااااااااااااااااااهل اكثر كمان
رد بواسطة صاحب المشكلة
صدقني انني احتفظ بحق الرد لنفسي ولا اسمح ان ارد عليك حتى لا ينزل مستواي لهذه الاشكال
16-03-2015 11:26 PM
صاحب السعادة
سيدي اوﻻ ﻻ تحمل زوجتك فوق طاقتها وﻻ تجعلها وابنك تدفع ثمن اخطاء اﻻخرين.. خذها باللين من القول وحاول ان توصل لها الصوره وما يمكن ان تؤول اليه اﻻمور اذا هي لم تكن بقدر المسؤولية .... يتبع
17-03-2015 01:14 AM
صاحب السعادة
وعليها ان تمسك بالعصى من الوسط فلا تعصيك وﻻ تغضب والدتها بذلك تحافظ عليكما معا.. حاول التقرب الى حماتك ببعض الدبلوماسية والمسايرة واكسب ودها لعل الله يجعل اﻻمور تسير باﻻتجاه الصحيح بدون ضحايا او مشاكل
17-03-2015 01:16 AM
السوسنة السوداء
كل التعليقات مش مني ه

هلا بس دخلت الموقع

صبااااح الخير
رد بواسطة رشيقة
صباح الورد
17-03-2015 05:50 AM
السوسنة السوداء
محرر


صباح الخير
رد من المحرر:
صباح الورد
17-03-2015 05:51 AM
البطاينة
صباح الخير يا اصدقاء
رد بواسطة رشيقة
مساء النووور والزهووور
17-03-2015 08:17 AM
رشيقة
ابو الليث
صباح الخيرات والمسرات
رد بواسطة ابو الليث
هلا وغلا الله يسعد هالمسا
17-03-2015 09:28 AM
رشيقة
ريااانة
صباحك سكر انت ورياااان وام ريااان وابو ريااان وعائلة وعشيرة رياااان
منوريييييييين...... :)
رد بواسطة رياااااانه ورنيم ورنان وريان وعشيرة
صباح الخير
17-03-2015 09:29 AM
مبتلاه
يا ترى لو زوجتك بتعاني من امك ممكن تشكيك لحدا كل انسان لازم يحط نفسه او يتخيلها مقابل الوضع اللي فيه شريك حياته والصبر مطلوب على شان ابنك وما بتعرف يا اخوي العمر الطويل لمين
17-03-2015 09:37 AM
واقعيه
ليش نفترض سوء النيه ممكن تكون خايفه ع بنتها وخايفه تمر بنفس تجربتها وممكن امها ما تكون طفشت زوجها متل ما البعض بيحكي ...يعني هلا كل الرجال ملائكه ... حسس حماتك وبنتها بالامان وهيه رح ترتاح وتريحك
17-03-2015 09:43 AM
اياد
احكي لأبوها اذا كان زلمه ، أو أي شخص بتشوفه زلمه وقد الموقف
17-03-2015 09:49 AM
Jannat alrefaee
شو قصة الحموات بهاالعاده ... هدد زوجتك وامها انها ازا ضلت على هاد الحال رح تخرب بيت بنتها ..... وشوف
رد بواسطة @ أمـيـر ألأحــزان @
عن جد اشي مزعج شو هاد

ما علينا شو اخر اخبارك ؟؟؟
رد بواسطة Jannat alrefaee
منيحه اخباري الحمدلله ..
انت شو اخبار حماتك لساتها حشريه متل اول ولا خفت شوي
رد بواسطة @ أمـيـر ألأحــزان @
هههههههههه كل الي عندي 3 حماوات ومشاء الله عليهم مثل العسل وانتي كيف وضع حياتك :)
17-03-2015 09:52 AM
الختيار
صباح الخير لأصدقائنا المعلقين والمعلقات الأكارم.
مثير للإهتمام ثباتكم بالرغم من محاولة المندحش التفريق بينكم.
مساعدة الآخرين قيمة عليا لا يمكن ان يتبناها الحاقد والجاحد والشرير والعياذ بالله.
رد بواسطة الى الختيار
صباح الخير يا جدوووووه
اخذت الدواء السكري والضغط
رد بواسطة رشيقة
صباح الورد
رد بواسطة الختيار
بعد أن قرأ القراء والمعلقون تعليقك الذي كنت ترغب في أن يتأكدوا بأنك إنسان محترم وناضج وناجح أتى بمفعول السحر.
حيث أنك أظهرت ماهية نظرتك لكبار السن في محيطك ومن تلامس حياتك حياتهم.
كل الاحترام لهم.
رد بواسطة ههههههههههه
شو دخل السحر بدي افهم
رد بواسطة الختيار
اراهنك على انك سوف تذكر هذا العليق في أقرب وقت.
وربما تتخيل انك مستثنى من تناول هذه الأدوية قريباً.؟
أسأل الله سبحانه وتعالى ان يستثنيك عندما تشاء.
أما في حال لم تتكون لديك المشيئة، إبقى في الصف.
رد بواسطة الختيار
رشيقة
صباح الفل والياسمين.
17-03-2015 10:13 AM
سفير الاحساس
شوف احكيلك امك بتتدخل بحياتكو ولا لا احمد ربك اذا لا .
النقطه الثانية اذا ام البنت بتتدخل انا بنصحك تفهم مرتك انو اذا ضل الوضع هيييك رح اطلقك فهي اذا بتحبك وبدها اياك رح تصير ما تعطي الاهتمام لامها
رد بواسطة الختيار
صديقي العزيز
لا استطيع ان اتخيل ان رجلاً من الممكن ان يقترن بإمرأة لا تعطي الاهتمام لوالدتها وينجب منها اطفالاً وتغرس فيهم هذه الفضيلة.
إذا لم يهتم ويحترم والدتها لن تهتم وتحترم والدته.
دورة الحياة
رد بواسطة سفير الاحساس
المقصود يا اخي الختيار انو حسب ما بحكي بطلت مرتو ترد عليه وبترد على امها لم اقصد بعدم الاهتمام الترك كليا الام واجب اطاعتها بس انو ما تكون هي صاحبة القرار ببيت زوج بنتها بتمنى تكون وصلت
رد بواسطة Jannat alrefaee
عذرا للتطفل ....
الختيار ... الام هي الاساس وعلى العين والراس لكن هناك حدود لتدخل الام في حياة ابنتها ولا يحق للأم ولاحتى غيرها التدخل الا بنصائح او مشوره..وعليها الاجتهاد لارضاء امها بعيداعن الضر
رد بواسطة سفير الاحساس
هادا الي بقصدو الاهل بشكل عام يا جنات الهم كل الاحترام والاطاعه بس الشخص لما يتزوج سواء البنت او الشب المفروض ما يصير في تدخل انا لولا تدخل امي وحبي الها ما نخرب بيتي وبيت زوجتي سابقا بس الحمدلله
رد بواسطة الختيار
الكريمةJannat
الزوج والزوجة تربيا في محيطين مختلفين وكل منهم لديه قيم مختلفة وقواعد تلبي احتياجات تلك القيم. وكما ذكرت انت يجب ان تكون هناك حدود. وعلى كلى الطرفين ذكر قيمه وحدوده التي يعرفها ويحاور
رد بواسطة Jannat alrefaee
طبعا والمفترض من الزوجين الاحسان للام معنويا وممكن ماديا لتفادي الاذى ... وطبعا غياب الوعي والقيم والاخلاق يزيد من الامور سوء
رد بواسطة Jannat alrefaee
يؤسفني سفير ما قرأت...اعانك الله على بر والدتك ورزقك الله حظ الدنيا والآخرة ....
17-03-2015 10:38 AM
سفير الاحساس
افهمت علي انا مشكلتي مش زيك انا امي كانت تتدخل وخربت بيتي بس بتضل امي على كل حال مش موضوعنا الحل بايدك وايدها التهديد وعدم التنفيذ وان شاء الله موفق بس ما بنصح ابدا بالطلاق لانو صعب عالتنين
17-03-2015 10:40 AM
بالامس
بالأمس جراسا نشرت فيديو لعريس قبل قدمي امه في عرسه ثم احتضنها وطاف بها ارجاء الصاله وهو يحتضنها بكل قوه
لمثل هذا الشاب تتوق الامهات
ولمثله تتوق الزوجات
ابكانا وهز مشاعرنا لله دره. (م)
17-03-2015 12:01 PM
القبطااان
ياصديقي كل ما زاد عن حده انقلب ضده واعتقد ما بحل هالموضوع غير زوجتك مع امها لكن بلطف ,,, خلي زوجتك تعرف انك بتحبها وبتخاف عليها مثل امها واكثر , ارفع مستوى الثقه وساعتها بنتهي الموضوع
رد بواسطة الختيار
لايك قبطان
يا سلام عليك كلام في مكانه تماماً.
مساء الورد.
17-03-2015 12:38 PM
ام حسام
شو دور امك انت خليها تزوركو كل يوم بتبطل حماتك تيجي عندك بتصير تخاف
17-03-2015 02:31 PM
عدي المناصير
كل تحيه لصاحب المشكله
اخي الحبيب صارلك 4 شهور متزوج ومن الطبيعي يكون فيه خلافات بين الزوجين بهذه المرحله
ما تخلي زوجتك تحس بالفراغ والملل
بتقدر تطلع معها يوميا لتغيروا جو باجواء هادئه زيارات عائليه
17-03-2015 03:56 PM
عدي المناصير
تذكر قول الحبيب المصطفى عليه الصلاة والسلام " رفقا بالقوارير "
أكثر من قول لا حول ولا قوة الا بالله
اترك التلفزيون على قنوات القرآن الكريم
اصحى انته وزوجتك لصلاة الفجر جماعه
صدقني رح تتغير حياتك
رد بواسطة رشيقة
لااااايك

لا حول ولا قوة الا بالله العلي العظيم
17-03-2015 04:00 PM
ابو الليث
رشيقه
مساء الورد والياسمين
17-03-2015 10:03 PM
رشيقة
صباح الانوار والأزهار. ..
ويوماً مليئاً بالتفاؤل والرضى بإذن الله
18-03-2015 06:02 AM
LORD
الحل انو ترحل مكان بعيد احسنلك
18-03-2015 07:57 AM
دغري
نصيحتي ألك تمسك ايد مرتك وبتروح على أمها وبتحكيلها هي بنتك عندي يلا انبسطي
رد بواسطة LORD
شو دخل البنت ؟ يروح عند امها ويقلها استحي على حالك بلاش ما ....
18-03-2015 10:14 AM
النكد ؟
نيالك عارف شو المشكلة بس الله يعيني لأنه يلي عندي بتشتغل من تحت لتحت الشيطان ما بطلع معها براس .والله كرهوني بابني نفسي أطلقها
رد بواسطة رمز الحريه
حاول تصلح واذا ما زبطت طلق احسن ما يكثرو ولادك بعدين تندم
18-03-2015 01:20 PM
رمز الحريه
اسمع نصيحه اخوك اولا بدون زعل حماتك لو شايفه انو انت صارم بقرارك ما بتعمل هيك تانيا بتحكي لزوجتك اذاحكيت مع امك تلفون او استقبلتيها ببيتي بطلق هيك بتخلص من وجع هالراس
19-03-2015 10:58 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات