مشكلتي مشكلة


جراسا -

سوف أطرح عليكم مشكلتي باختصار شديد و أتمنى أن أسمع رأيكم الصريح، أنا شاب من منطقة الشمال، توجد لدي مشكلة أصبحت تؤثر على نفسيتي و تؤرقني جدا.

أعاني مشكلة الصلع المبكر، فأنا ما زالت شابا صغير -26 سنة - كنت على علاقة عاطفية بفتاة و فكرت جديا بأن أخطبها لكنها رفضتي بحجة أن صديقاتها يقلن لها بأني أصلع و بأن الاخرين سوف يستهزؤن بها.


أصبحت أعاني وضعا نفسيا مترديا و أصبحت أعاني القلق بأني لن أجد فتاة تقبلني هكذا .


ترى هل أنا أفكرا كثيرا في هذه الموضوع، هل جميع الفتيات يفكرن هكذا؟ و هل جميعهن يردن الارتباط برجل فائق الجمال؟..

 أرجوكم أخبروني فأنا أعاني، وأشعر بالخف من مشكلتي شكرا لكم.



تعليقات القراء

الى صاحب المشكله
اقلك ومن الاخر ارفشها برجلك ولا تتطلع وراك
البنت او الست اللي بتستنى رأي الغير باختيارها بتكون تافهه
على اساس هي ملكة جمال الكون وبتشبه انجلينا جولي بتلاقيها مقحار طابون وفيها عيوب القطط الفاطسه
رد بواسطة صاحب المشكله //محمد
المشكله انا خايف انه كل البنات هيك تفكيرهم ...
خصوصا الصبايا الجميلات منهم ...
مع العلم انه حتى زراعه ما بينفع معي ...
رد بواسطة السوسنة الى صاحب المشكلة
عفوا
بشوفك عندك مشكلة قضت على جمالك
وبدك وحدة جميلة
مافي داعي تاخذ ملكة جمال خذ عادية
02-03-2015 03:03 PM
قمر
خليك واثق من نفسك انت رجل والرجل مو مهم كتير شكلو
اصلا الصلع والشيب صار موضه هالايام
وكتير في شباب بدون شعر وتزوجو احسن بنات
رد بواسطة صاحب المشكله //محمد
شو اهم شي بالرجل يا قمر بالنسبه الك انتي ؟؟؟
02-03-2015 03:21 PM
عاشق فلسطين
الى صاحب المشكله
مشكلتك بسيطه جدا صديقي
مش هالسبب انو ترفضك بالعكس عادي جدا
ازا كانت البنت بتحبك بترضى فيك و لو انك اعمى او مكرسح
ما في داعي ترد على صاحباتها
02-03-2015 03:27 PM
عاشق فلسطين
و بعدين يا صديقي هسا صار في علاج للصلع
في دوا اسمو صن بيرست صاحبي كان اصلع و استعملو و بعد شهر او شهر و نص اختلف و صار يطلعلو شعر و هادا الدوا شفتو بالتلفزيون و جابو و فعلا انو ممتاز
رد بواسطة صاحب المشكلة //محمد
مزبوط ياللي بتحكيه وسالت عنه للعلاج
لكن هاد بينفع في حالات الصلع الغير وراثي....
انا سالت يمكن 10 اطباء ...
وكلهم بالاجماع انه ما في امل ...
رد بواسطة السوسنة السوداء
الصلع الوراثي مابنفع معه دواء لانه مافي اصلا جذور للشعر
لكن ممكن الزراعة
02-03-2015 03:28 PM
الخبيثة
اذا سبب الصلع غير ناتج عن احد الامراض الوراثية فبامكانك تعتبر ما في اي مشكلة عندك عيش بالحياة طبيعي وغالبية الرجال يصيبهم الصلع لا هو عيب ولا حرام وووين المشكلة
02-03-2015 03:42 PM
عاشق فلسطين
صديقي الصلع مش عيب
لا تقلق و لا تخاف يعني عدم المؤاخده بدك تكون احسن من الضرير او من الصم و البكم كل شي باراده رب العالمين اتوكل على الله
02-03-2015 03:51 PM
رشيقة
عزيزي
اذا انك منحرج من حالك وبين اصدقاءك ومجتمعك، ﻻزم تقوي شخصيتك،فأنت رجل والرجل ما بعيبه شئ الا قلة دينه وسمعته واخلاقه..بالنسبه للعروس..والله بتلاقي بدل المئة الف..توكل على الله. .مشكلتك بسيطة
رد بواسطة السوسنة الى رشيقة
عفوا كيف الرجل ياحلوة مابعيبه شي
مثل ماهو عم بدور عجميلة
والبنت كمان من حقها تاخذ شخص يعجبها
رد بواسطة رشيقة
بعدين خليك ستايل..
اانت ما بتشوف البدي غارد في المسلسلات كلهم صلع والله شكلهم حلو واقوياااااء وفاردين عضلاتهم...
ههههههههه بمزح لا تزعل...
رد بواسطة صاحب المشكله //محمد
طيب رشيقة ....
رد بواسطة رشيقة
ماشي يا سوسنة هو راح يلاقي بنت على كيفه وتعجبه ويعجبها...
والي مو عاجبها ترووووح تدور على ابو الشعر الجميل..
يا بنت الحلال الزلمو ما فيه شئ..شومالكي..
02-03-2015 04:00 PM
--Zaid--
هاي وحدة تافهة ما بتلزمك
يا زلمة كيف قدرت تتحمل تفاهتها طول هاي الفترة ؟؟
دور ع العقل بتلاقي .
رد بواسطة صاحب المشكله //محمد
زيد انت اصلع ؟؟؟
المشكلة القلق والتردد سيطروا ع عقلي ....
لكت بصير خير ان شاء الله وربك كريم ...
شكرا كثير الك زيد ...
رد بواسطة رشيقة
اه والله بتنظر هاي البنت لحكي الناس على امر انا بعتبره بسيط
رد بواسطة السوسنة السوداء
لا هو مابده عقل بده جميلة
ويمكن هي جميلة لهيك اتحملها
والجميلات يرفضن الصلع هاد رايه
02-03-2015 04:18 PM
الى صاحب المشكله
والله اللي مستحي من صلعه انا بالنسبه الي كست ما بستاهل افكر فيه ولا ارتبط فيه ولو لحظه
من امتى صار الصلع مشكله شو صاير بالدنيا وين الشخصيه وين الرجوله وين الصفات النبيله اللي ما بعجبها بستين داهيه
رد بواسطة صاحب المشكله //محمد
انا مش مستحي منها...
انا مصدوووووووووووم بس ....
02-03-2015 04:18 PM
--Zaid--
اسمع بلا طول سيرة
البني آدم شخصية وثقل وركازة
لا تحكيلي شكل ولا شعر ولا طول
واعجاب الاخرين بينبع من اعجابك بنفسك
ف شوف شو وضعك مع حالك وعدل امورك .
رد بواسطة رشيقة
100 لااااايك
رد بواسطة --Zaid--
منورة رشيقة .
02-03-2015 04:24 PM
صاحب المشكله //محمد
قمر وينك ؟؟
ما جاوبتيني ع سؤالي لو سمحتي
02-03-2015 04:34 PM
مدام؟؟
شو بدها بالشعر . انا جوزي اصلع وهيو عايش ؟؟
رد بواسطة صاحب المشكله //محمد //مدام
انتي اتزوجتيه اصلع ؟؟؟؟
ولا بعد ما تزوجك صارت معه الحاله ؟؟؟؟
رد بواسطة رشيقة
مدام انت رجل على حد علمنا هون...بجوز انت الاصلع مداااامو
رد بواسطة مدام؟؟
لا والله اخذته اصلع وحليوه . وانا مدام ياست رشيقه . وليش بدي استرجل من شو خايفه . بس واحد طلع اشاعه اني زلمه . وهاي القصه
رد بواسطة رشيقة
Ok
02-03-2015 04:36 PM
رشيقة
سوسنتي
الناس اذواااق
لو تشابهت اذواق الناس لفسدت البضاعة في الاسواااااق
02-03-2015 04:40 PM
صاحب المشكله ///محمد ///السوسنة
الله يسامحك جرحتيني كثييييييييييييير
هيك رايك انه الصلع قضى ع جمالي ؟!؟!
02-03-2015 04:41 PM
عاشق فلسطين
يسعدلي مساكو يا كل احبابي
كوين
رشيقه
السوسنه السوداء
سالي
ابو الليث
جنات
رد بواسطة Jannat alrefaee
يسعدلي فلسطين واهلها ... مساالشهد
02-03-2015 05:05 PM
مشكلجيه..
الجمال جمال الروح ...بعدين اخر موديل لحلاقه ع الصفر ...
بحس انه الشب الاصلع مغري ومثير ..
يلا عيش ..هاد رأي بنت مزه مثلي :)
رد بواسطة صاحب المشكله ///محمد
يا عيني عليكِ مشكلجيه رفعتي معنوياتي 180 درجه فوق الصفر ....
الله يسعدك ....
02-03-2015 05:06 PM
السوسنة الى صاحب المشكلة
والله انا بكره بالرجل الصلع... الكرش...القصر
هاد رايي
لكن مثل ماحكت رشيقة اختلاف اذواق
وممكن الصلع يكون حلو عالبعض

لكن بدي احكي شي انت غلطان انك مهتم لوحدة حسبت حساب الناس وما اهتمت الك
م
رد بواسطة صاحب المشكله ///محمد
يا الهي يا سوسنة كل هاي الصفات عندي والحمدلله ....
شو عملتي يا سوسنة ....اااااه يا راسي ....
رد بواسطة رشيقة
ههههههههه
سلاااامة رأسك
سوسو حبيبتي خلص خفي عليه.
02-03-2015 05:17 PM
السوسنة السوداء/ صاحب المشكلة
صاحب المشكلة
انا انتقي كلمات تعليقاتي من كلمات المشكلة وردود صاحبها
02-03-2015 05:21 PM
السوسنة السوداء
رشيقة

صح الناس اذواق
وذوق الي حبها مابدها اصلع حرة هي
رد بواسطة الى السوسنه
بس بما انها كانت على علاقه معه وهو اصلع ايش افرقت انه تتزوجه وهو اصلع شو يعني كانت بتستنى انه يسمد صلعته وينبت الشعر مثلا بالربيع؟
02-03-2015 05:22 PM
السوسنة للمحرر
محرر
بتمنى ترد وتحترم كلامنا
انت منزل 2 مشكلة بنفس الوقت
وين نعلق
رد من المحرر:
وين فيكم تعطه حلول علقه
02-03-2015 05:24 PM
عاشق فلسطين
يسعدلي مساء كل احبابي
رشيقه
كوين
سالي
السوسنه السوداء
ابو الليث
جنات
محرر
و الجميع
رد بواسطة رشيقة
مساء الورد

انت ليش كاتب سلااام مرتين عاااشق

يلا انا رديت هون لان اسمي بالأول. .:)
رد بواسطة Jannat alrefaee
مساالفل والورد ...
02-03-2015 05:37 PM
مدام؟؟
صاحب المشكله انت بتحكي كان في علاقه عاطفيه بينكم وصارت تسمع لصاحباتها . لو انها بتحبك ماسمحت لحدى بس هي ماحبتك من اول . وبعدين مهي بتعرف انك اصلع مو جديد عليها شو الي تغير يعني
رد بواسطة صاحب المشكله //محمد
مدام انا فاهم شو قصدك انا هاي البنت نسيتها بعد ما دمرتني وحطمت نفسيتي اكم شهر ....
لكن كنت حاب اعرف شو راي الصبايا بهيك موضوع ...
للستقبل يعني ....
وعندك مشكلجيه وقمر بيرفعو المعنويات
رد بواسطة مدام؟؟ صاحب المشكله
هل هي جميله . اشرحلي عن شخصيتها وانا بعطيك الحل وبحكيلك ليش تركتك . وبريح بالك ؟؟
رد بواسطة مدام؟؟
بدك تعرف ليش رضيت فيك بالاول وبعدين بطلت . وليش ضلت معك . هل انك بتصرف عليها وبطلت . او انت وجهك مو حلو . وصار الصلع حجه بالنسبه الها . هل فيك عيوب ماذكرتها . مافي انسان كامل . الكمال لله تعالى . وهي
رد بواسطة مدام؟؟
الكمال لله . وهي ماعيوبها . جرب وصل الها كلام واجرحها فيها . ابحث عن عيب فيها . مع انه الحب اعمى . جرب وصللها انه الها ريحة انفاس ؟ جرب طلع عيب واجرحها . لاتحكي انا مو هيك ؟؟
02-03-2015 06:08 PM
لى صاحب المشكله
يعني انت بتستنى برأي البنات
المهم انت رأيك بنفسك بحالك
لك انا بعرف واحد شايف حاله ارجل رجل بالدنيا واحلاهم وافهمهم واجملهم ايده مقطوعه ووظيفته رائعه وجنتلمان وشخصيه ومتزوج قمر 14
رد بواسطة صاحب المشكله //محمد
تعزيز الثقه بالنفس شيء جميل ....
رد بواسطة الى صاحب المشكله اخر مره لانه الحكي الكتير بوجع الراس
الثقه بالنفس بتيجي من الداخل
لا بتنباع ولا بتنشرى ولا بتنعطى ولا هي حسنه ولا صدقه جاريه
اللي واثق من نفسه وشايف حاله شي كبير محدش بهز ثقته بنفسه
مو بيستنى الناس تعطيه الثقه بنفسه
02-03-2015 06:41 PM
الخبيثة
انا بعرف واحد هو مش اصلع نهائي وصغير بالسن بس دايما حالق عالزيرو ههههههه مثل ما حكت رشيقة الناس اذواق بالشكل يعني القصير واله كرش شو يساوي والبنات نفس الشيء
رد بواسطة رشيقة
خبوثة حبيبتي لا تقوليني شئ ما حكيته...انا الكرش عندي خط احمر ما بحبه بنووووب...الصلع .القصر على راسي بس الكررررش ﻻﻻ مع احترامي للكروووش
02-03-2015 07:15 PM
نصري
زوجتي من سنتين بتحكيلي... متى رح تصير اصلع ع لاآخر؟ .. لانو هيه تتخيلني اصلع أحلى..
ولانو كل اعمامي واخواني عنا صلع وراثي..
كثير من جمال الرجل بيكون في صلع الرأس.. مش دايما الشعر للرجل جمال أخي.
02-03-2015 07:18 PM
--Zaid--
صاحب المشكلة
لا مش اصلع بس صرلي مدة يا بخفف يا بحلق ع الصفر ومش شايف انه شعري هو اللي بثبت وجودي
ويا سيدي اذا كان الشعر هو اللي بثبت الوجود ،،ف بلا منه ،، خذها مني هاي تافهة تفكيرها محصور بالسشوار
رد بواسطة رشيقة
بتعرف هو الصحيح كونه صلع بصلع يحلق على الزيرووووو......حتى مين ما شافه بفكره متبع المووووضة
02-03-2015 07:33 PM
مدام؟؟
في حلقه مفقوده . ليش رضيت فيك من البدايه .في شي انت مابدك تحكيه ؟
رد بواسطة صاحب المشكله //محمد //مدام
يا مدام لا حلقه مفقوده ولا شي....
كل ما في القصه انه البنت حدا لعب بعقلها ...يمكن غيره يمكن حسد يمكن شي اخر الله اعلم ....
ما علينا خلص اللي كل شيء بينا انتهى ....
02-03-2015 08:07 PM
صاحب المشكله //محمد //رشيقه
المفروض اضحك مثلا هههه ولا شو مش فاهم ؟؟؟
رد بواسطة رشيقة
مثل ما بدك اذا شفت حالك بدك تضحك وبحاجة للضحك ليش لا...ﻻ تكبرها يا طيب..
رد بواسطة صاحب المشكله //محمد //رشيقه
من فتره طويله وانا بتابع التعليقات بجراسا ....وما قرات الك اي تعليق الا وكان فيه سخريه .....
ع كل حال بتمنى الك التوفيق ...
رد بواسطة صاحب المشكله //محمد //رشيقه
من فتره وانا بتابع تعليقاتك بجراسا كلها لا تخلوا من السخريه والانتقاد ع كل حال بتمنى الك الافضل ....
رد بواسطة رشيقة
أولا من راقب الناس مات هما......

تانيا انا بشو سخرت منك.....

ثالثا شكراً على الدعاء الي بالتوفيق. ..
أخيراً. .انا بحب المرح والمزح..هاد مو لاني كتييير سعيدة والحمد لله.
ولكن تخيف وترويح عن نفسي.!
رد بواسطة رشيقة
على كل اذا حاسس اني جرحتك بشئ بعتذر منك...
انا بسحب كل حكيي معك..
02-03-2015 08:28 PM
قمرر
عمو المحرر في تعليق الي مو راضي ينزل ليش؟؟؟
رد من المحرر:
ارجو ااعادة ارسلة وشكرا ..
02-03-2015 08:54 PM
قمرر //// الى صاحب المشكلة
لازم تلبس باروكة بس تيجي تجوز وبعدين قيمها
رد بواسطة صاحب المشكله ///محمد //قمر
شو انك خفيفة دم ومهضومه يا قمر ...
رد بواسطة قمر
يامنتحل مسكتك
بليززز ماتنتحلني
هيك بنصير قمرررين
مابنفع
طيررررر من هوون
02-03-2015 09:03 PM
قمر الى zaid
حضرتك كيف بتحكي معي هيك بالمشكله السابقه وانا هلاء انتبهت لردك
اذا اسلوبك هيك بالواقع رح تكون عندك ١٠٠٠مشكله
وحتى لو ماكنت اصلع ولا بنت بترضى تتزوجك
انت مشكلجي
رد بواسطة --Zaid--
بحكي بالطريقة اللي بدي اياها
لما يكون ردك مستفز بدك توخذي اللي في النصيب
ويا ستي اذا في يوم اجيت اخطبك لا توافقي .
رد بواسطة السوسنة الى زيد
اصلا المشكلة السابقة مكررة علقنا عليها لمتنا
بستغرب وجود صاحب برد عليها
رد بواسطة قمر
بس فهمني انت ليش معصب
انت شو دخلك في وانا بعلق متل مابدي
وتعليقي مافي شي
مش فاهمه عليك!!!
انت متل يللي بتطاوش مع حالو
تعليقي مافيه شي بالمشكله السابقه
المشكله فيك انت
رد بواسطة --Zaid--
امسي على هالمسا
رد بواسطة قمر الى zaid
والله جد !!!!
02-03-2015 09:12 PM
البيوت اسرار
سلام الله عليك اخي الفاضل...إقتناعك بنفسك و ثقتك بنفسك هي من تعطيك ثقة الاخرين..الصلع ليس عيب..والكمال لله..مقياس الجمال يفترق..مشكلتك انت اخترت الفتاه الخطأ.دعك من علاقات عاطفيا و اطلب بنت ناس محترمه
رد بواسطة صاحب المشكله //محمد
جزاك الله خيرا اختاه ،،،ووفقك لما يحبه ويرضاه ،،،
رد بواسطة البيوت اسرار/صاحب المشكلة
واياكم اخي الله يفتحها عليك و يسهل أمورك..
02-03-2015 09:35 PM
السوسنة السوداء
عاشق


مساااااااء الخير
02-03-2015 09:52 PM
ابو الليث
انا شايف ما في مشكله لانه الصلع اصبح موضه
وهاي البنت نعقده وراح تلاقي الف غيرها توكل على الله
رد بواسطة صاحب المشكله //محمد//ابو الليث
وانا شايف انه كلامك درر ...
لعله خير اخي الكريم ،،
شكرا لك ...
رد بواسطة ابو الليث
لا شكر على واجب اخي الكريم بتمنالك التوفيق
02-03-2015 09:58 PM
السوسنة///زيد
في معلقة ماعجبني تعليقها عالمشكلة السابقة
مابترضى لاخوها هيك بنت ليش
هل هي ملكة جمال مثلا كاملة مكملة

فعلا لايظلم المراة الا المراة الام والاخت بدهم وحدة كاملة لابنهم
بتمنى يشوفوا حالهم اول
رد بواسطة --Zaid--
والله يا سوسنة مجتمع بناقض حاله
لما حكت ما بترضاها لأخوها تمنيت اقابله شخصيا ل الاخ سبايدر مان .
و زي ما بحكيلك مفكرة حالها شيريل كول .
رد بواسطة قمر
في شي اسمه حريه الرأي
صاحب المشكله طلب راينا بصراحه
وانا اعطيته
ومتل ما انا بحترم تعليقك ورأيك
لازم انت تحترمي تعليقي ورأي
مفهووم :))))
رد بواسطة السوسنة الى زيد
كلامك انا بحترمه زيد وصحيح 100%
رد بواسطة السوسنة السوداء
قمر
انت حرة حكيتي رايك
واحنا حكينا راينا
ماصار شي
رد بواسطة قمر
اكيد انا حره :))
لكن طريقتك غلط سوسنة
مع احترامي لا الك
رد بواسطة السوسنة الى قمر
انا مقتنعة لطريقتي اقل مافيها مابامر الناس امر
شوفي شو كتبتي الي
مغهوم
وكانك بتخاطبي شخص صغير او اقل درجة
رد بواسطة قمر
حتى انت سوسنة
طريقتك بالكلام معي مش منطقيه
بتحكي لزيدفي معلقه
مع انه بتعرفي اسمي
ليه ما كتبتي قمر ؟؟
رد بواسطة السوسنة الى قمر
مش نقص من قدرك
لكن ماحبيت تزعلي
رد بواسطة قمر
حصل خير يا سوسنة
كلنا هون اصدقاء
02-03-2015 10:13 PM
السوسنة/صاحب المشكلة
اكثرشي تكرهه المرأة بالرجل انه بلا شخصية
انت وين شخصيتك وحدة عملتك مسخرة لصلعك مع صاحباتها
وبعدك بدك اياها
فعلا هلا عرفت ان الرجال مساكين
02-03-2015 10:18 PM
mais
ترا عادي لو اصلع مو الكل البنات زي بعض اتطلع على اصابع ايدك ما بشبهو بعض , بشان هيك دورلك على بنت الحلال الصح الي بتهتم بالاخلاق مش بالصلع وابصر شو , صلي استخارة وبي يوفقك
02-03-2015 10:21 PM
السوسنة///زيد
بستغرب الام لما بتروح تدور لابنها بدها طول بياض نحافة صغر سن تعليم وظيفة
وكمان الاخوات بتدخلوا
والمشكلة اذا الام بدها هيك لابنها طيب تشوف بناتها ماحد رح ياخذهم
بتذكرني بسندريلا وزوجة ابوها وبناته
رد بواسطة --Zaid--
اللوم على اللي بسلمهن رقبته
ههههههههههههه التشبيه قتلني .
رد بواسطة السوسنة السوداء
ههههههه
مابعرف زيد اجا عبالي هاد التشبيه
02-03-2015 10:33 PM
السوسنة السوداء 1
صاحب المشكلة
انا ماكان قصدي اثبط عزيمتك
مافي حد كامل
الكمال لله وحده
ويمكن الصلع حلو عليك وتكون بشعر مش حلو
المشكلة مش هون
رد بواسطة صاحب المشكله //محمد السوسنة
الكلمه مثل الطلقه سوسنة اذا طلعت ما بترجع اختي الكريمه
02-03-2015 10:38 PM
البيوت اسرار/ المحرر
يسعد مساك اخي في مشكلات سابقة وجدت أشخاص بكتبوا تعليقات بلقبي..كيف ممكن أمنع هذا الإنتحال..ودمت بخير سيدي
رد من المحرر:
ان شاء الله سنسأل المختص لدراسة امكانية منع تكرار الاسماء او انتحالها
02-03-2015 10:40 PM
السوسنة السوداء/صاحب المشكلة 2
المشكلة انك شاري وحدة مش مقتنعة فيك
ممكن تلاقي احسن منها
بتعرف لو حبتك بتوافق
عليك لو كنت اسوأ انسان
لاتحكي حد لعب بعقلها
اذا مقتنعة مافي شي بغيرها
رد بواسطة الى السوسنة
يعني الي بفهمة انك موافقة عليه
رد بواسطة السوسنة/ الى السوسنة
الى السوسنة

انا مابدور على زوج هون
وضد اني اتعرف عشخص بهاد العالم الافتراضي
وانقله لارض الواقع
جمال هاد العالم يبقى هيك نتخيله بخيالنا
يمكن لو انتقل لارض الواقع ننصدم فيه
رد بواسطة --Zaid--
ع اساس الزلمة معه جرب وما في بنت بتوافق عليه !!الشب ما شالله عنه بس هو مش عارف قيمة حاله .
رد بواسطة السوسنة الى زيد
زيد
====

صباح الخيروالله كلامك زعلني

شو شايفني ولا شي
برأيك سألوا وحدة ما الها قيمة واقل مستوى لهيك رديت على كلام الي وجه الي التعليق
02-03-2015 10:41 PM
السوسنة السوداء
يا ابن الناس
ماحكيت شي
انا مابحب الصلع بس غيري بحبه وهي اراء
وانا رديت عليك لانك حكيت البنات الجميلات مابياخذوا اصلع
حكيت الك انت بتدور عالجمال وكمان البنت حقها تدور عشخص حلو مش اصلع
رد بواسطة صاحب المشكله //محمد
جزاكِ الله خيرا ووفقكِ لما يحب ويرضى
رد بواسطة --Zaid--
هو لو ينسى قصة الصلع بتزبط اموره
بس الموضوع مسيطر على تفكيرة لدرجة انه مستكثر البنت الجميلة في حاله لانه اصلع .
محمد لا تحكي جملة" بنت ما بتقبل فيي " بل " انا ما بقبل فيها " تعزيزا ل الأنا عندك .
رد بواسطة السوسنة الى صاحب المشكلة
هاد لصاحب المشكلة عند 39
رد بواسطة محمد //زيد
كلامك منطقي جدا اخي زيدولك مني كل الشكر والمحبه والتقدير على مجهودك الرائع في حل مشكلتي ومساعدتك لي لتجاوز هذه المشكله بكل ثقه وعزيمه
بارك الله فيك
02-03-2015 10:55 PM
السوسنة السوداء
محرر

الجميع

تصبحون على خير
02-03-2015 11:12 PM
جويل الى محمد
حموده تعا لعندي ما حاد فيو يحللك المشكل ياللي عندك الا انا
ناطرتك حموده
رد بواسطة صاحب المشكله //محمد
هههههههههههههههه مشكلتي وصلت لبنان
رد بواسطة --Zaid--
سمعت بوزعوا مشكل
طيب عبرونا
02-03-2015 11:19 PM
--Zaid--
قمر
انزعجتي من طريقة تعليقي ؟؟ قسيت عليكي مزبوط ؟
هاد جزء من قسوتك تجاه البنت اللي حكيتي عنها " ما برضى فيها لأخوي "
اوصفي شعورك لو حكيتلك " انا ما بقبل فيكي "
رد بواسطة قمرالى zaid
مش جاي على بالي اليوم اوصفلك شي
لبكره يا زيد
ماشي
رد بواسطة قمر
عفوا بس
نسيت احكيلك يا( كيفانج تاتليتوغ)
رد بواسطة السوسنة الى قمر
قمر

صباح الخير

مهند مافيه ولا شيء من الجمال
طبعا هاد رأيي
بشعر انه مخنث بعيد كل البعد عن الرجولة

جمال الرجل مش بالعيون الملونة والشعر الاشقر
02-03-2015 11:22 PM
سفير الاحساس
الى صاحب المشكلة احكيلك شغلة شغلت الصلع مو مشكلة ابدا بالعكس الايام هاي صار الواحد يروح ويصلع حالو على اساس موضة وانت اذا البنت الي بتحبك زي ما بتحكي وتقدمتلها ورفضتك هاي ما بتلزمك ابدا لانها ....يتبع
03-03-2015 07:26 AM
سفير الاحساس
ما وقفت معك بمشكلتك فكيف رح تكون هني بحياتك مع وحده زيها يعني(حب على كيفك واتزوج على كيف امك)رد على مجرب
وانت لساتك شب وما في اكتر من البنات ما تخاف يعني المشكلة مش عندك عند صديقتك لا تحمل حالك هم
03-03-2015 07:29 AM
Jannat alrefaee
انا بعرف انها موضه حلق الشعر ... بعدين ازا ماخدتك لشكلك مابدك ياها ...
03-03-2015 09:34 AM
قمرالى زيد وسوسنه
تعليقي مافيه شي بالمشكله السابقه
صاحب المشكله سال اذا برضى لاخوي هيك بنت وانا جاوبت بصراحه
ليش زعلت يازيد وهاد واقع لانو ماحد بحب البنت السمينه وكبيره كمان
عكل الله يبعتلك وحده من الاوزان الثقيل
رد بواسطة --Zaid--
لا يا شيخة !!!
ريحيلي حالك لاني خاطب
وبلاها دعاوي النسوان ،، بكرهها
03-03-2015 10:09 AM
عاشق فلسطين
لكل الغاليين على قلبي
صباح الخير يا احبتي
كوين
رشيقه
السوسنه السوداء
سالي
جنات
ابو الليث
المحرر
و الجميع
اسعد الله صباحكو و يجعل ايامكو كلها خير يا رب
رد بواسطة سفير الاحساس
شكرا لعدم ذكري
صباح الفل والعنبر والياسمين
03-03-2015 10:22 AM
عاشق فلسطين
سلام خاص جدا جدا جدا و كبير جدا جدا جدا

لسفير الاحساس

كلو و لا تزعل يا تاج راسي

احلى صباح لاحلى سفير احساس
يسعدلي صباحك
رد بواسطة سفير الاحساس
حبيبي يا عاشق الله يسعدك والله كلو بالعشم بالاطياب
على راسي
03-03-2015 11:03 AM
سفير الاحساس
بيبي يا عاشق الله يسعدك والله كلو بالعشم بالاطياب
على راسي
رد بواسطة عاشق فلسطين
:)
03-03-2015 11:53 AM
عاشق فلسطين
الى السوسنه

مساء الخير
03-03-2015 01:05 PM
السوسنة الى قمر
قمر

هو اكبر واسمن منها
مابصير تخربي عالبنت وهو مقتنع فيها حرام حطي حالك مكانها
يمكن عندك عيوب بتحبي الناس تحكي عنك
03-03-2015 02:23 PM
--Zaid--
السوسنة
له يا طيبة ،، كلامي ما كان الك ويسعد مساكي
رد بواسطة السوسنة الى زيد
طيب زيد
شكرا للرد
03-03-2015 03:08 PM
لمياء خالد
يا اخي توكل على الله ولا تعب حالك بالتفكير كتييير ، وعلى فكرة كتيييير بنات بحبو الشب الاصلع يعني الموضوع مو مستاهل تتعب نفسيتك عشانو وه.وهاي البنت اصلا تافهه كتير وما بتستاهل انك تفكر فيها
03-03-2015 07:44 PM
لمياء خالد
ما بتستاهل تذكرها بأي موضوع من مواضيع الحياة
فعلا البنات اللي متلها ما الهم وصف لانها ئئل من تافهه حتى التفاهه ما وصلتها . لا حول ولا قوة الا بالله.
توكل على الله.
03-03-2015 07:51 PM
اردني مغترب
استاذي العزيز الصلع مش عيب و بدي احكيلك اشي انه الصلع هالايام موضة راح يساويك وزير او مدير تنفيذي ، خليك اصلع ، اول و آخرا راح تصلع ، و المثل بقول اللي من اوله يام ما احلاه - اكيد اسمعت بهذا المثل
04-03-2015 07:45 AM
فلسطينية
الى صاحب المشكلة
اعتقد ومع احترامي بأنه البنت لما تتطلع على هيك اشياء بالرجل بتكون تافهة ولو بتحبك عنجد ما كانت حطت هيك سبب
انابنت وباعتقادي الرجل بشخصيته واحترامه واخر شئ الجمال او الشعر
احترامي
04-03-2015 10:19 AM
علي فريحات
اخي الحبيب يوجد علاج بعون الله وهاذا رقمي0772232182
04-03-2015 10:25 AM
القبطااان
يازلمه صار موديل هسه الصلعه واذا مش عاجبها بتعجب مليون وحده غيرها ,, روح عالجامعه بتلاقيهن زي سلاة الخضره نقي واستحلي ,, بس تقول الها بدك تخطب بتبيع الدنيا ههه هيك البنات
05-03-2015 10:23 AM
شمهوريوش ملك الجن
اسمع خيووووووووه ولك هاي مش مشكله عظيمة لانه الصلع هالايام مثل ما قال اخونا صار موظه وبعدين البنات بطلن يسالن عن الصلع اهم شيء المصاري واله لو معك مصاري وشكلك مثل القرد غير البنات طوابييييييير
05-03-2015 12:17 PM
شمهوريوش ملك الجن
بعدين خيوووووه والله الجن عندي بالمملكة مصلعين كيف الانس واذا جدك اصلع وابوك اصلع وخالك وعمك جاي بدك مني شاليش وغره ههههههههههه
05-03-2015 12:19 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات