آآآآآآآخ يا رمضان


أبو المفاهيم: آآآآآآآآخ.. آآآآآآآآآآآآآآخ.

أبو تعريفة: شو مالَكْ إبْتًتْأخأخْ..؟؟.

أبو المفاهيم: رمضان قرّب.

أبو تعريفة: وين صار؟؟.

أبو المفاهيم: صار عَ الباب.

أبو تعريفة: أي باب فيهم.. هاظ وإلاّ هاظ وإلاّ هاظ..؟؟.

أبو المفاهيم: لا هاظ ولا هظاك.. صار على باب القلب.

أبو تعريفة: طيّب إنت حاب ييجي وإلاّ لأ..؟؟.

أبو المفاهيم: لَهْ يا زلمة.. أي بستنّى فيه من السنة للسنة.

أبو تعريفة: طيّب ليش بتتأخأخلو..؟؟.

أبو المفاهيم: أنا ما بشكي منّو.. بشكي من الجاهة إللي بتيجي معو.

أبو تعريفة: أي جاهة..؟؟.

أبو المفاهيم: تكاليفو ومصارفو.. وتفاصيلو وتحاليلو.

أبو تعريفة: يا رجل مهو شهر عبادة.. سيبك من كل هالشغلات.

أبو المفاهيم: إذا سبتها هي ما بتسيبني.

أبو تعريفة: إللي بينوي بتزبط معو.

أبو المفاهيم: والله كان أروح أختفيلي بمكان ما يعرفني فيه حدا.

أبو تعريفة: وليش هيك.. أقعد في دارك وخلص.

أبو المفاهيم: وين أروح من قرايبي وخواتي وإخواني وإصحابي.. والضيف إللي يجي فجأة.

أبو تعريفة: حاس فيك وكلها مثلك مثلك.. بسْ شو بدنا نعمل؟؟.

أبو المفاهيم: لازم نعمل.

أبو تعريفة: شو رأيك نقدّم استدعا للحكومة نطالب بتأجيل رمضان لحين الأحوال ما تتغيّر؟؟.

أبو المفاهيم: والله الحكومة لو بيطلع بيدها لتعملها.. بس الحمد لله إنو مًشْ بيدها.

أبو تعريفة: طيّب شو رايك نتهاوش مع كل إللي ممكن يجونا.. وهيك يبطلو ييجوا؟؟.

أبو المفاهيم: والله لناكل هوا عَ الأصلي.. إلاّ تلاقي ناس ثانية يتدخلوا ويصلحوا بينا.. وهيك نورّط بتكاليف الصلحات.

أبو تعريفة: أي فَلّسًتْ.. ما ظلْ عندي حلول.

أبو المفاهيم: أنا عندي حل واحد.. إنّي أرفع إيديّ لفوق وأدعي.. يا رب هاظ الشهر شهرك.. عدّيه بخير وسلام.. ولا تحرجنا فيه مع حدا.. يا رب بدنا نعبدك فيه.. وبس.. يا رب كل إللي تجيبو فيه زين.. ولا اعتراض على أمرك.. استسلمتلك بالكامل يا رب.

abo_watan@yahoo.com

 



تعليقات القراء

العندلــــــــــــــــــــيب
حلوة كتييييييييييير
05-08-2009 11:23 AM
بتجنن
عن جد بتجنن
07-08-2009 01:23 PM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات