اصعب حب هوه حب من طرف واحد ....احتمال كبير يكون متعلق مع فتاة اخرى...و لا انصح بمصارحته في حبك له لانه احتمال كبير ان يخسر الصداقة بينه وبين اخوكي

أولا.......... هذا ليس بحب هذا أعجاب قد يرتقي الى الحب اذا كان هناك استجابة ولكن

ما هي آخرته؟؟ حب وبس؟؟؟

ثانيا .. أدبا لا يجوز العبث بموبايل شقيقك .. طابع الأمور الشخصية تختلف من الذكر الى الأنثى

ثالثا ... شو مؤهلاته؟؟ عمره عمله .. وهلم جرا .. حتى نقدر نضعلك أجندة معينة ترتكز على اسس هذه العلاقة .. ربما هو غير مناسب .. أو العكس ...

رابعا : اوووووووووووووووووووووعك تفكري تاخدي رقمة وتحاكيه أو تلرسليله مسجات .. شقيقك اذا عرف ستفقدين صداقتهم .... الموضوع حساس مو سهل ... وربما شقيقك يندفع بأمور لا تحمد عقباه .. فلا زلنا شرقيين تزيننا الأخلاق والمبادئ والأدب ...

شو هاي المشكلة الفاشلة؟؟؟

الحب من طرف واحد مؤلم ......فما اجمل الحب من طرفين ..... قولي له انكي تحبيه ولا تخافي

انا بعرف قديش الواحدصعب يحب صاحب اخوه وخصوصي ازا كان مقرب والاصعب من هيك انه يكون اول حب بحياتك وهو مو عارف
بس انتي لازم تختاري بانك يا تبعدي عنه وتشوفي ابن حلال تاني لانه انتي عمرك 19 واقدامك العمر طويل ومش معقول تربطي حالك من هلأ بشخص مش عارف انك موجوده او لافته انتباهه
مشان هيك فكري بعقلك مو بمشاعرك وخدي قرارك يا بتروحي تحكيله يا امي بتحاولي قدر الامكان انك تنسيه وتوجهي رؤيتك على ناس بيقدرك ورح يحبك
وازن انه انتي بجامعه او كليه هلأ مشان هيك الشباب موجودين حوليكي كتار واكيد اي واحد رح يكون بيتمنى انه يحكيكي

الله يا عصبي تعليقك على الوجع
على راسي

شو هالنصيحه بتقوليلها تشوف شباب تانيه تحكي معها البين يطسك طس بتوجهيها للشباب التانيه البين عليكم على هيك تعليقات

طيب خذي الرقم وارسليليو بالغلط بلكي في نصيب

انا بالاول يا عصبي كنت معجبه فيه كلامك صح بس قد ما اسمعت حكي كويس عنه خلاني احبه من كل قلبي ولاجله ما بحكي مع اي شب بالجامعة..دايما بفكر فيه
1)هو عمره 24 سنه وظيفته اكثر من كويسة بس ما بقدر احكيها لانها كمان وظيفة اخوي.
2)اخوي بعطيني تليفونه عادي يعني انا ما بمسكه بدون ما يعرف(يعني بطلبه منه).
3)انا مستحيل اخذ رقمه واحكيه،لانو اصلا اذا انا اعملت هيك انا متأكدة انها رح تكون علاقة فاشلةوغير الحكي اللي بده ينحكى عني وعن اخوي.ومشكور اخوي على النصائح بس والله بحبه ومو قادرة انساه.

ازا لاحظت اسمي حرة انا
يعني ما بيطلعلك تحكي اي شي
وبعدين شو هالتخلف اللي انت فيه بأي عصر انت خيو
مو عارف انه الايام هاي البنت بتتعرض انها تحكي مع اي شب وبتم الخطوبه على هاد الاساس
انا ما بقولها تروح تخبص مع ولاد العالم انا بقولها الا ما يكون في الشخص المناسب اللي رح يكون بيناسبها ويحبها ويقدرها
والبين يطسك لوحدك
ومو عاجبك التعليقات لا تقرأ ولا تكتب تعليق

البين يطسك رداحه اذا انتي مخبصه مع الشباب لا تخلي البنت تعمل مثلك البنت بنت ناس وتعليقها بقول هيك الباقي عند اذا بتفهمي

تعليق عصبي بروفيشانل اليوم ولو ما سبقتني كنت رح احكي نفس الحكي .
فعلا هاد مو حب مجرد اعجاب وانا اعتقد انه صاحب اخوكي شب امور حليوه علشان هيك بتفكري فيه , ومثل ما حكى عصبي اوعي تحاولي تحكي معه لانه رح تخربي صداقتهم .
بكرة بتكبري وبتعرفي انه هبل ولاد صغار .

بس سؤال موجه لعصبي : انت عارضت انها تلعب بتلفون اخوها وهالحكي صحيح وانا معك بس فهمت من كلامك انه عادي لو الاخ يلعب بتلفون اخته او يتطفل عليه ؟؟؟
ولا فهمي غلط لانه اذا اللي فهمته صح فانت سقطت من عيني

اذا انتي صحبه مع اخوكي واخوكي شب حضاري،،،، وفي بينكم صداقه،،،،، احكيلوا بطريقه غير مباشره انك معجبه فيه لصديقه،،،،، او اسألي اخوكي عنه خاطب بحب اله علاقات،،،، واخوكي لحاله بفهم،،،،، وممكن يساعدك اذا الشب كان كويس ،،،، ممكن لما بيجي على البيت عندكم تفوتي تقدمي القهوه،،،،، او تعملي حالك مش عارفه انه في ضيوف عندكم ودخلتي صدفه ،،،،، يعني احنا البنات ما بتنقصنا الحيله،،،، علىالاقل خليه يعرف انك موجوده ،،،،، بس لا تصارحي صاحب اخوكي،،،،، احسن ليكون في وحده تانيه بحياته ويكسفك،،،،، ويترك صداقة اخوكي،،،،، علشانك،،،،، الحب مو عيب اذا كان في مصارحه مع الاهل،،،،، .

الحب فاشل ويجب ان تقطعي تفكيرك فيه لانك انت الي عايشه بوهم وسراب . بكره بيجيكي نصيبيبك . نصيحتي اشغلي حالك باي شي متل دراستك ازا انت طالبه او مع صاحباتك المهم ما يكون عندك اي فراغ . ؛.......... لقد ظهر اللعبه الخشبيه ؛.... سلامي لفيروس

هسه يا عصبي جاي تحكيلي شو اجيبلك من دبي ؟؟
ليش ما اخذتني معك الله يوخذك
على كل حال جيبلي عبايات حلوات ولا تنسى امي وخواتي دير بالك ما تجيبلهن
اما امك وخواتك بدريش عنك جيبلهن شو ما بدك , دبر راسك معاهن

الى صاحبة المشكلة لا تسمعي كلام الاخ عصبي لانو بعمرو مو حاكي مع بنات عشان هيك بحكي هذا الحكي والله من عالي سماه انو يكون من نصيبك والدنيا اقسمه ونصيب

اذا بدك نصيحتي خليها للظروف اذا فيه نصيب التقيتو واذا مافيه نصيب ربك بعوضك بس التزمي بدينك

والله يا عمي هنياليو

الله لا يوفقك ازا بتحكي علي
اوعك تحكي على البنات مشان ما يجي يوم ينحكى على البنات اللي بيخصوك
بعدين ....
بصراحه مش عارفه كيف بجادل واحد جاهل

احكي لحالك بدك تخلي البنت تهمل وتحكي مع الرجال الله لا يوجه الك الخير يا جاهله والله يكون مع هالبنت بنت الناس اذا عندك عقل بتفهمي الكلام

الي صاحبة المشكله انا بقول انك مفتونه فيه ومش حب شكلك انك من عايلة محافظة اوعي تحكي لاخوكي ولا لصاحبه بس خليه يشوفك بدون قصد ممكن يعجب فيكي ويصير النصيب بس اذا شافك واعمل اشي بكون قلبه مع وحدة تانيه اوالله اعلم

الى صاحبة المشكلة
امني اذا كان في الك نصيب رح تاخديه واكيد الظروف رح تجمعكم
اذا كان اخوك متفهم اشرحيله وضعك وهو بشوف المناسب وبنصحك اما اذا كان اخوك عصبي انس الموضوع واتركيها للظروف
بس اوعك تتعلقي فيه كتير ليجي يوم وتندمي عليه خليك متل ما انت مثال للانسانه العاقلة لانه فعلا باين عليك بنت ناس والله يكتر من امثالك

خلص اسكت مش ناقصني حكي فاضي منك
كل اللي بيطلع منك كلا فاضي وشكلك انت كمان بتحب تتفلسف فجاي تكب فلسفتك علي
روح الله يبعدك عني وعن كل ناس بدك تكب بلاك عليك
وبرجع بقولك ازا مو عاجبك حكيي وتعليقاتي لا تقرأ
وانا مني وعلي لو شو ما حكيت هلأ ما رح اقرأ فازا حاب تغلب حالك اكتب تعليق على كلامي

هو انت رجعتي
اخ لونك ما رجعتي كان على الاقل ما قرأنا تعليقاتك الباردة

صاحبة المشكلة

اذا كان الشاب على هذه الدرجة مما تقولين ... فهو لقطة بصراحة ... ورأيي ان تلفتي انتباهه بطريقة لا تشعره بأنك تلتقطينه .. ممكن يفكر انه هاد طبع عندك مع اي شخص ..وهيك بتخربي الدنيا ...
الحل .. انتظري أية مناسبة تكفل التقاءك بوكأنها بمحض الصدفة ااجعليه هو يلاحظك وما ترمي حالك عليه ...خليه هو ينتبهلك وكانك مو شايفيته ... واذا صار انه صار تجاوب منه .. تابعي بما يرضي الله وبهدف الأرتباط .. اما اذا طنشك ... انسي موضوعه ....هي فرصه وحده ... يا آه يا لأ ...


عصبية ؟؟ شو يختي؟؟ عبي؟؟ لكل عشيرتك؟؟؟ والله؟؟ ولك اقل عباي هناك 50 دينار ... ناسية؟؟ انتي وصلتيني البيت جاهزة مجهزه 1327 دينار ..

بعدين اتفقنا تشلحي الحجاب ... مع انه كسملك مو مشجع على هالتخن ... تضربي .. كلك جاي بالنص ... نفسي أشوف معالم الانوثه عندك .. ولي على حزي .. اللي بشوفك رايحة بفكرك جاي

1) الى ليندا اول شي مشكورة على النصيحة وثاني شي صاحب اخوي مو خاطب بس ما بعرف اذا في وحدة بحياته..لاني لو اسمعت انو خطب يمكن اموت، وثالث شي اذا حكيت لاخوي عنه او فتحت سيرته بطريقة غير مباشرة والله غير يطخني(انتو مو غشمين عن سوالف العشاير) وانا كمان ما بسمح لحالي ادخل عليهم بس والله بحبه ونفسي حدا غيري يحكيله هاذ الشي.


2) الى عصبية وايمان والله انا مو معجبه بشكله بس،انا معجبه بشخصيته وبالكلام اللي بنحكى عنه..هو شخص كثير كويس وانا عارفة انو في شباب احلى منه بكثير بس هو غير شخصيته الحلوة عاكسة على صوره علشان هيك بشوفه احلى واحد بالدنيا.

3)الشي الثالث اللي بدي تعرفوه انو انا بعمري ما امنت بالحب ودايما كنت اشوف البنات بحبوا وبحكوا مع شباب وانا احكي مستحيل اصير مثلهم ودايما احكيلهم شو هالمسخرة قال حب..وهم كانوا يردوا علي بكره بتحبي وبنشوف كيف بدك تعملي، واجيت انا بكل ثقة رديت عليهم وحكيتلهم مستحيل احب..ولكن ما بعرف شو اللي بصير معي.
ومشكورين جميعا على نصائحكم

اختي واستحي ان اقلك اختي لانكي خرجتي عن القانون , قانون العائلة الذي لم يفرق بين صاحب الاخ وصاحب الاخت , وانتي تحسدين اخاكي على صاحبه وتريدين ان تنزعيه منه , الا تستحي على دمك , انه صاحب اخوكي انه انسان بريئ بريئ من اي , ملاحظة انا مريت متل هاي التجربة والحل الذي اخذته هو اني قلت لاخي اني احبه قال اخي لا يوجد مشكلة سوف اقله وانشاء الله بجوزك اياه , فتبين انه حلم بعد تناول عشاء دسم ( دولمة )

مداومه؟؟؟؟؟؟؟؟؟؟؟؟؟؟؟؟؟؟؟؟

انا شب تربطني بصديق علاقه صداقه قويه جدا
في يوم العيد حكت معي بنت بتعيد علي وما عرفتها وعندما اصريت اعرف مين هيه كانت مترددة وبعد الحاح مني حكت انها اخت صديقي وانها معجبه وانها بتحبني من خمس سنوات وهو اول مرة دخلت بيتهم ومن كثرة الحديث عني بين الاهل وعن احترامهم لي رغم اني ما عمري شفتها ولا بعرف اذا عندة خوات بنات
وما كان مني الا اني وضحتلها الامور بشكل كويس بحيث ما اخسر صديقي ولا اكون خائن البيت اللي دخلته حاولت انها تاثرعلي وتحكيلي عن جمالها لكن كنت مصر ع موقفي مع انه البنت كانت تقصد من هذا الحديث هو الزواج
لكن رفضت هذا الاسلوب وفهمتها انه غلط تصرفها واني ما رح اعلق ع الموضوع احترام ل صديقي واخوانها خصوصا انهم يحترموني كثير وفي النهايه بعثت مسج تشكرني ع احترامي لصيقي ونبل الاخلاق ووعدتني انها تمسح الرقم وفعلا من سنه تقريبا لم تحاول الاتصال مرة ثانيه

اعذر فضولي ..... وهل شطبت أنت الرقم؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

لاحظ علامات الاستفهام وحاول قراءة ما بينها .. وان لم تستطع ... احصي كم علامة كتبت

مش عارفه شو بدنا نحكيلك بنجيبها من هون بتروح هناك ،،،،،، طيب كلنا بنات حمايل وعشاير ،،،، اصلا الحمايل والعشاير ناس صحاب الاصول وبعرفوا يتصرفوا وبقدروا ،،،، لانه اخلاقهم بتكون رفيعه وناس مربيين بناتهم على الغالي،،،،، طيب احكي لماما،،،،،، لا تقوليلي انها ماما بتدبحك كمان ،،،،،، الام سر بنتها،،،،، اقعدي معها ،،،،، وقوليلها انك عاجبك اخلاقه ،،،، وانه ما في شباب يهيك اخلاق بهاي الايام الا نادرا ،،،، واحكي بالعموميات،،،،، وبعدين قوليلها شو بيصير يا ماما لو الله يبعتلي واحد متل هاد الشب ويكون نصيبي كأنك بتمزحي ،،،،، وشوفي مامتك شو رد فعلها،،،،، بس حابه احكيلك انه انتي واصل اعجابك فيه الى درجه اعتقدتي فيها انه حب ،،،، لانه بعيد عنك ،،ومش قادره توصلي اله،،،، فصار في تشويق،،،،،، وحب انك تعرفيه،،،، وتخيلتي انك مغرمه فيه،،،،،، بس لازم تحطي احتمالية انه انتي لو حصل وقعدتي معه وحكيتوا يمكن ما يكون ،،،،، قد تخيلاتك ولا طموحاتك ،،،،، ويطلع كله خيال في خيال ،،،، لانه انتي حبيتيه على كلام اخوكي ،،،، يعني رجل بمدح رجل من وجهة نظر رجل،،،،، واحنا البنات حكمناا على الرجال،،،، بكون غير ،،،،وبننظر اله من وجهة نظرنا كبنات،،،، فممكن كتير يخيب ظنك ،،،، ويطلع بالاخير فكرنا الباشا باشا ،،،، طلع الباشا زلمه ،،،،، احنا البنات لو شو ما عملنا لو طلعنا من البيت او قعدنا،،،،بسرداب،،،، لو حلوات،،،،او بشعات،،،،متعلمات،،،، او أميات،،،، بالاخير ما بناخد غير قسمتنا ونصيبنا طال الزمن او قصر لا تفكري كتير بالموضوع اهتمي بدراستك والشعور اللي انتي بتشعري فيه،،، حلو وهاي المشاعر النضيفه والبريئه،،،،لازم تعتزي فيها بتخلي القلب عايش ولما تكبري وتمر السنين بضلك تتذكري هاي اللحظات الحلوه ،،،،،واذا حصل نصيب الك معه بنتمنى الك كل الحب والسعاده ،،،،كله علمه عند الله.

انا ما ارجعت بس كل ما بصحلي بشارك المعلقين وبسأل عن غبائك لاني فقدتك كتير الفتره الاخيره بس هانت عشر ايام وراجعه يا جماعه شو بتحب اجيبلك معي ترى انا وعصبي ابل شهر خطبنا وهلآ باسبوعين عسل بدبي وينك يا عصبيه قال عبايات قال روحي جهزي حالك وارفعي عليه طلاق لانه مبسوط معي وشالك من راسه هههههههههههههه

معقول يا بنت الحمايل والعشايرانه ما شافك ولا مره صدفه مع انك بنت جامعيه معقول ما حكيتي مع اخوكي وهو عنده او بالشغل وما سمعت شي هيك وهيك وقتنا هاد وقت صعب جدا نلاقي حب متل حبك لصديق اوكي او زميله اذا كنتي متاكده من حبك اله انا راي تخبري امك بطريقه انك تمدحي الرجل والله اخلاقه كتير منيحه ومحترم وسوي حالك ما بتعرفي من اي عشيره واسالي اخوكي عنه واعملي حالك غشيمه وحاولي انه يشوفك بالصدفه وربى صدفه خير من الف ميعاد وخليكي هيك طيوبه وتعاملي بنفس طريقتك هاي بحب وبنيه صافيه وخليكي قويه وما تخجلي بكلامك عارفه ليش لانك بدوري على الحلال وبدقي باب البيت وانا بقدر جرئتك وطلبك للمساعده وهاد الشي بدل على صفاء عقلك وقلبك وقوة ايمانك واقتناعك بهذا الرجل بس كل تصرف رح ينحسب عليكي فكري بكل خطوه الف مره قبل ما تقومي فيها لانها محسوبه عليكي من قبل اهلك واخوكي واذا انتي ذكيه رح تقدري ادبري حالك بسياستك ونباهتك احكي للواده او لاختك الكبيره المجوزه او زوجه اخوكي او اي واحد او وحده انتي قريبه كتير منها وبتثقي فيها وموفقه انشاءالله وربنا رح يكون معك لانك انتي الصح سلام هلا بدي اتغدى كبسه سعوديه مع سلطه حاره واووووووووو

بصراحه الرقم شطبته من الموبايل بس كنت حافظه بعقلي لانه سهل رقم شبه مميز


وبدون حلفان؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ

انا فعلا بدبي .... كمان يومين زمان راجع ... وما تتهميني والله جد بصدقوا

يا جماعة والله لا بعرفها ولا بحياتي شفتها ولا رح أشوفها

OVER

شو الحمد لله على السلامه صرت راجع من دبي ولا لسه بس المره الجاي احكيلي بس تسافر بحجزلك انا وين مابدك

حمايل وعشاير وبابا وماما مو زابطه

وين المهندس انس خليه يهندس اليوم ؟؟؟
بس بدي احكيله اني بفهم بالههندسة قد عيلته كلها , بس تعال انت ورجينا عضلاتك خلينا نشوف مين اللي بفهم بالهندسة انا ولا انت

ليش انت زعلان هلأ ولاد الحمايل والعشاير كيف بنادوا اهاليهم هي يما هي يابا عشان تكون مبسوط بعدين الحمايل والعشاير في منهم الاردنيه وفي منهم الفلسطينيه وفي منهم الشوام وفي منهم االارمن وفي منهم الشيشان وفي منهم الشركس والخ كل الناس ولاد حمايل وعشاير وكل واحد حسب ما تربى بنادي على الاب والام بطريقتو تركت التعليق وبلشت بماما هاد منيح ما حكيتلك كيف بنادي ماما وبدلعها كان غط على قلبك.

انتي وصلتيني البيت جاهزة مجهزه 1327 دينار ..... انتهى الاقتباس

هاي ما انتبهتلها الا بعدين .....
لا تردو عليه يا جماعه اصلا انا بس احكيله عصبببببببببببي المؤخر عشرين الف بسكت ولا بستجري يتخنفس , ودهبي كان خمس الاف ديوار والاثاث قدهم .
هه هو اصلا انت بتسترجي تحكي قد ما عليك , ما انا رح ادفعك انت وعيلتك اللي فوقك والي تحتك اذا بنوي وانت عارف

كلامك هلأ ومنيح واسمك ليندا ماشي حمايل وعشاير
بس شو يعني كلمة غط على قلبك
اي لغه هاي لو سمحتي

كأني في واحد قاعد بستجوب في مش مشكله كلمة غط هي كلمه شاميه انا ماما سوريه وبابا اردني واجدادي لماما اصلهم اتراك عندي بحدود 4 جنسيات في عيلتي بشكلوا هويتي لكن الهويه اللي بعتز فيها اني اردنيه بكل فخر ارتحت خلص نسكر محضر الاستجواب .لانها المشكله مش مشكلتي انا المشكله للصبيه الحلوه فوق اللي بتطلب منا انو نساعدها ما بدنا نضيع المشكله الى ليندا ومن ليندا .

وينها المحررة ؟؟؟؟
ليش تعليقي لطويطي ما نشرتيه يعني ؟؟؟؟
ولعصبي كمان ؟؟
مستخسر فيه 50 نيرة للعباية مهو انا اصلا بعرف انك بخيل من يوم يومك وما بطلع من ريشك ريش , بس قسمتي ونصيبي شو بدي اعمل .
اما طويطي روحي حبيبتي روحي لما تكبري بتنافسيني لساتك باللفه ومو خرج جواز , انتي خرج يجيبواك بوظه ويعطوكي باكيت شيبس وبعرف انه عصبي ما ببدلني بكل نساء الدنيا مع انه حاط عينه على ام شلاش جارتنا واللس عبارة عن شوال ابو خط احمر بس هي مجرد نزوة وبتروح .
صح ا عصبي

لا اؤمن بالحب اصلا

بتشكرك كتير
بالنسبه للصبيه صاحبة المشكله انا رأيي انه لسه البنت صغيره على الحب
الايام جايه وما تستعجل خاصه انه من طرف واحد بلاش هوه بكره ما تكون بعينه اصلا
ومعتبرها اخت صاحبه وبس بدون اي مشاعر
على ايش مستعجله عالحب
لو اي وحده حكت معه غيرك راح يصاحبها وانا متأكد
الصدمه احسن من البدايه
انسيه وشوفي حياتك

فعلا انا رايي من راي سلام
لا اؤمن بالحب , مش موجود بهاليومين نهائيا الا في حالات نادرة جدا .
شوفي عاد انتي شو فرصتك تكوني من هالحالات النادرة
يا بتخيب يا بتصيب

مدامتي والله ما ببدلك بنسوان الدنيا كلها ... انتي بوبو عيوني ورموش ألبي ...شو بدك غيرالعبي؟؟ عطور؟؟؟ عطور منيحة ... أت ليست آي كانت سميل ذات باد سملل


ليندا.. تعليقك رقم 39 أروع من أي كلام .. رغم انه عصبي مو سهل يقتنع بآراء بعض المعلقين

امممممممم هاد مو حب هادا مراهقه ودير بالك تعملي اي خطوه تنزل من قيمة اهلك وقيمتك

لا تنسينى من الهدايا .............................وبتحكينى عن مغامراتك

عادي ولا يهمك وشكرا كمان الك ،،، بس انا بقول انه،،،،، كلنا لازم نتذكر واحنا بنعطي النصيحه،،،، انه كلنا اذا مو معظمنا عاش قصة الحب الأول فخلينا نوضع انفسنا مكانها ونفكر بقلبها وبعقلها لحتى نعرف كيف ننصحها ،،، وما نستهين بمشاعرها ولا نحاول نجرحها ،،،،، ويمكن احلى حب ،،،،، بكون هاد الحب،،،لانك بتكتشف لاول مره في حياتك،،،، انه هاد العضو في جسمك اللي اسمه قلب،،،، مش وظيفته بس يضخ دم للجسم،،،، بتكتشف انه اله شغل تاني ،،،، بحكيلك من خلال دقاتو ،،،، انه هو الو وظيفه تانيه،،، هي يحب ويوقع بالحب،،،، وبخليك تسمع دقاته بأعلى صوت عنده وهو بتمرد عليك ،،،، وبسير يدق بوم بوم بوم ،،، لما بتسمع باسم حبيبك ،،، او بتلمحو،،، او بتصادفو،،،، او بتحكي معو،،،، وكيف بحمر وجهك وبتدفق الدم لراسك ،،، لما بنذكر قدامك،،،، ما في اجمل من هاد الشعور العارم والساحر ،،،، بتكون اول مره بنختبر احاسيسنا وبنختبر الحياه عاطفيا،،،، البنوته صاحبة المشكله ،،،، معجبه لدرجة الحب ،،، او بتحب ومعجبه بصديق اخوها من كتر الاطراء عليه ،،،، كلو ،،، احلام الصبا،،،، والشباب ،،،، مرحله وبتعدي عادة بسلام،،،، والبنت بتنضج ،،،، وكله بتحول لمجموعه من الذكريات اللزيزه في تاريخ المرأه ،،،، انا مبسوطه عليها لانها بتحب الحب الطاهر وهي بنت على خلق وعارفه حدودها،،، وعارفه اللي الها ،،، واللي عليها،،،، هي بس مشاعرها متضاربه ،،، مع الوقت بتعرف تتحكم فيها وتسيرها ،،، وتوجهها التوجيه الصحيح ،،، عن جد ،،، صاحبة المشكله بنت لطيفه ومربيه واهلها احسنوا تربيتها ،،، لانها في تعليقها ،،، كانت بتعمل الهم حساب بكل كلمه او تصرف ممكن يطلع منها ان شاء الله الخير والحظ حليفها على طول،،،،،،

كل الشكر لكل المعلقين : ماجد،عصبي،العربي الحر،jordan ،حرة انا،مني،سامر،عصبية،ليندا،تويتي،مستغرب،yousef ، ايمان،رادا،انس وشريكه سامر،حصل معي نفس الموقف،الصامت حين يتكلم،salam ،انا الاصلي....
الشكر اللي كتبوا النصائح واللي ما كتبوا مشكورين جميعا غلبتكم معي

مو انتى نفس الشخص يا نيالك يا فيروس..........طبعا بعد التفكير واتحليل

عن جد شكرا الك كتير يا ليندا على كلامك الحلو والنصائح اللي كتبتيه والله ما قصرتي وانشالله بحاول اخذ نصائحك انتي وكل المعلقين بعين الاعتبار...مشكورين جميعا ما قصرتوا

الارواح جنود مجنده ما تعارف منها تآلف وما تناكر منها تخالف انا واثقه انه يبادلك المشاعر ذاتها وهو الان تائه يبحث عن روحه الى ان يجدك......

غلبتكم معي ..........يا ستي لا غلبه ولا اشي وصباح الخير للجميع

اولا ما هي اسس الاختيار التي من خلالها تختارون قضية لتنشروها على موقعكم الكريم لتتم المشاركة به ومناقشته من قبلنا؟
ثانيا,انا اعتقد ان الموضوع خرج من اطار المعقول,,الى الا معقول؟ يعني كثييييير هيك,,,
بعتقد انو في ناس صارت تراسلكم وتطرح مشاكلها الكو بقصد التسلية لا اكثر ولا اقل,,او بقصد الفضول للتعرف على كيفية وطريقة التفكير لبعض الاشخاص,,,, وهذا الامر سياثر عاجل ام اجل على مصداقيتكم وعلى رسالتكم على اعتبار انكم كما تقولون مرآة الحقيقة.....
*يعني صار الواحد اذا بدو يطلع على السوق صار يطرح موضوعه عندكو عشان نتناقش اذا يطلع على السوق او لأ,!!!!!
*واذا وحدة جوزها التفت التفاته بسيطة والله غضب عليه واجت عينو بعين وحدة لابسة خمار بالغلط صارت تطرح موضوعها كمشكلة متازمة معها!!!!!!!
*واذا بنت سمعت بالصدفة عن صديق اخوها بتبني علاقة لا اروع ولا اجمل وكانها ليلى وهو قيس,,,الله الله,,,انا (((والعياذ بالله من كلمة انا))) بحضر افلام كثير,,بس زي هالفلم انا ما شفت,,,وانا (((والعياذ بالله من كلمة انا))),,,شايف تامني عايف بس زي هيك انا ما شفت,,وهالمشكلة الي طرحتوها فعلا لا تستحق اي شيئ,ولا حتى التعبير والتقدير.
نحن نحترمكم رجاء ابقوا كما عهدناكم,, ورجاء احترموا تفكيرنا وذكائنا,,,و لأني احترمكم كتبت ما كتبت,,,,والسلام

صديقتي العزيزة
انا الي صديقة بنفس عمرك تقريبا
حبت اخو صاحبها وهو حبها واتفقوا انو يطلبها من اهلها
يعني انتي اذا جد بتحبيه انتي بادري
كلمة بكلمة وزي هيك
بس بنصحك انسي الحب كله هاد
لان صحبيتي عرف اخوها وبطل يحكي مع صاحبه وخسروا صداقتهم
من الافضل روحي شوف وتأكدي من مشاعر اخو صاحبك
وبعدي خلي صاحبك يحكي لاخوكي وشوفي شو بصير
وهيك لا اخوكي بزعل ولا بتخسر ثقة ولا ما يحزنون
مع العلم انو لو واحد من اخوانك حب صحبيتك كان انتي ساعديته وزبطتي البنت اله
بس مجتمعنا مجتمع ذكوري متخلف

شو الي بدك اياه بالزبط عشان تفهم صاحبة المشكلة واحنا كمان نفهم؟؟؟
شو بدك تحكي بالزبط عمو,,,
الله يرضى عليكي اعطينا جملة وحدة مفيدة,,,
مرة بتحكيلها بادري ومرة بتحكيلها انسي الحب هاد كلو,,,
بس بدي اعرف شو الي بدك اياه.
مش لو انك (,,,,,) احسنلك

meen a5o sa7bha ?????
momken n3rf so el 8sah ?
lesh l5ba6y ya amorah

sorry for writting in english , bs hek eja 7zy ,ejet 3la jehaz ma bktob 3araby , jam3ah fra6ah sho bdna n3ml

نحن لا نستطيع منع القراء من ارسال قضاياهم ومشكلاتهم.. حيث ان جراسا نيوز منبرهم اولا وبيتهم ثانيا

وبالنسبة للمصداقية فهذه تقع على عاتق القراء ومدى احترامهم للوكالة ولزملائهم القراء

هذا بالاضافة الى اننا وجدنا اننا في جراسا نيوز اصبحنا مجتمعا مفتوحا لعموم القراء ونرحب بكم جميعا وجميل جدا الالتزام والمصداقية من الجميع، وان لا ننسى كذلك الى ان وكالة جراسا نيوز تحتوي على موضوعات متنوعة منها السياسي والاجتماعي والبرلماني والثقافي والصحي ولا باس من ان يكون هناك قضايا عاطفية للنقاش
ودمتم

مع احترامي الك يا معاذ لانك شايف وعايف ومش مخلي وصلت فيك الامور الى انك ما تصدق انو لسه في بنت او بنات في البلد بلاش في الدنيا مأدبات واخلاقهم عاليه لا معاذ لسه في بنات متل البلسم بنات ما تلوثت لسه فيه ان خليت بليت ولا لازم المشكله تكون بحب واحد وانا حامل منو بدي انزل او بدي اخيط عشان نصدق انها مشكله حقيقيه لانهم بنات البلد ما بطلع منهم الا العاطل لا مش هيك البلد مليانه بنات ناس محترمه ومتدينه وبناتها ما بتعرف تخبص مش لهالدرجه اللي بسمعك بفكر بنات البلد على حل شعورهم ومقطعات السمكه وديلها اي نعم في بس لسه فيه اشي نقي بين هالبنات وشكرا.

شو عمو هاي ا
عم الدببة الهي
اسمع انا كل الي قلته انو تبادر اول شي
واذا طلع هو بحبها يروح يحكي لاخوها
فهمت علي يا عمو !!!!!!

الى الاخت صاحبة المشكلة للتوضيح في حال انك اشعرتيه او تكلمتي معه او اي كان الاسلوب . اولا بنسبة 100% سوف تكونين في نظره لا تستحقين ان تكوني زوجته ثانيا / سوف تختلف نظرته لاخوكي وكامل عائلتك ثالثا/ سوف تدور الشكوك في نفسه رابعا / لا يمكن ان يثق بك خامسا / ان كان ينوي الزواج اخر عائله يفكر الارتباط منها وهذه طبيعة الشاب الشرقي . اما نصيحتي لك الابتعاد كليا عن مجرد التفكير به وانتظري نصيبك والاكيد اختي انه ليس حب مهما شعرتي او توهمتي الحب الحقيقي لا ياتي الا بعد العشرة والالفة والمودة والسكن وبدون هذا لا يوجد حب حقيقي نعم يكون اعجاب تعارف توافق خطوبه زواج وبعدها يبدأ الحب الحقيقي لدرجة ان يرى كل الاخر اجمل شيء بالدنيا وهو ليس كذلك . فمن صالحك وصالح عائلتك لا تفكري به اطلاقا .

اسيرة الاحزان ,,,,,,,, لما احكي لقبك بحس حالي مكتئب,,,لانو لقب فاشل,ويدعو الى الفشل,وانا والحمد لله لست كذلك ولا اتمنى ان اكون كذلك,,هذا كله رد على ما كتبتي عني كونك اخطاتي في حقي وانا لم اخطئ معك,,انا كل الي كتبتوا الك انك توضحي كلامك وبس لانو كل كلامك مش مرتبط مع بعضو البعض,وغير منطقي وفاشل مثل لقبك تمام, اما انك تغلطي بهالشكل الغير مؤدب ابدا فلا, انا بالبداية ما اخطات معك,انا حبيت توضيح منك,اما بالنسبة لكلمة عمو كلمة عادية كتير ليش انزعجتي منها يا خالتو,,

تحية الك
كل الي كتبتيه عن فهمي للمور خطأ بخطأ,,,,,
ارجعي على تعليقاتي وافهميها صح وبعدين احكمي
شكرا

تحية الك
كل الي كتبتيه عن فهمي لالمور خطأ بخطأ,,,,,
ارجعي على تعليقاتي وافهميها صح وبعدين احكمي
شكرا

تحياه تانيه الك بس ارجع لتعليقك الى جراسا عن المشاكل وشوف انت شو بتحكي عن صاحبة المشكله هادي لسه في بنات عالم وناس يا معاذ ومش افلام لا مصريه ولا هنديه وشكرا

يبدو اخي العزيز انك عندك مشكله او انك تعاني من شيء وهذا واضح من تعليقاتك فاذا تريد النصيحة كونها في هذه الايام بلاش اطرح مشكلتك في جراسا دون حياء وستجد من ينصحك دون التهكم او الاستهتار فيوجد في جراسا الكثير من الملعقين عندهم ادب الحوار ولديهم من الخبرة الكثير للنصح والارشاد وفي النهاية تاخذ ما تريد من النصائح والقي ما تبقى في البحر . واخيرا الاعتزاز بالنفس جميل ولكن حينما يصطحب الاستهتار بالاخرين يكون عكس جميل .

المعلقين ما قصرو ما خلو اشي ما حكولك اياه
بس بحب اقلك اوووووووووووووووووووووووووووووووووووووووعك تاخدي رقمه وتحكي معه بتكوني غلطتي أكبر غلطة في حياتك ................ ديري بالك

وصحيح ازا حابة ينخرب بيتك ردي ع تعليق رقم( 5 )

اولا من غير الواضح ابدا انك بتعرفني ولو انك بتعرفني ما بتحكي هالحكي, انا لا اعاني من شيئ(اي مجنوناو مختل)انا اعاني من مشاكل في الحياة ومن منا لا يعاني من مشاكل؟كلنا نعاني من مشاكل سواء كانت صغيرة او كبيرة,وانا لا احتاج الى النصيحة في ان اطرح مشكلتي في جراسا او في اي موقع اخر,,لا احتاج النصيحة منك او من اي شخص اخر,,
انا لست متهكما ولا ولن استهزء باحد,
انا معتد واعتز بنفسي كثيرا كون طبيعة تربيتي وطبيعة عملي تملي علي وتجبرني ان اكون كذلك,,,والطبع غلب التطبع,,,
انا مؤدب جدا بالحوار مع الاخرين وهذا امر لااسمح لاحد ان يتدخل به كوني اعرف الادب ومعنى الادب واعرف كيف اتعامل مع الناس,,لذلك ارجو منك الحذر بتوجيه الكلام لي,,,(بدون غلط),,,واخيرا طبيعة عملي كما قلت لك تفرض علي وتجبرني ان اكون دبماسي بكلامي ولكن ليس لوقت طويل!!!!!! عرفت يا استاذ او يا استاذه؟

اخي العزيز بحكم طبيعة عملي ايضا فقد مرت علي الكثير من الحالات التي تشابه حالتك وانا معك هذه الحالة ليست مرضا يصعب حله او جنون لا قدر الله عافانا واياك الله ولكن اخي الحبيب الكثير يصابون بمثل هذه الحالة ومنهم من العظماء والمشاهير وهي ليست عيبا او شيئ تخجل منه . ومن اهم الامور في العلاج لاتدع التناقد يصيطر عليك او خلط الامور فبين الاعتزاز والتهكم والاستهزاء بالاحرين شعرة حاول الا تقطعها مع التحية اخي العزيز . اما بالنسبة للموضوع اعجبني التعليق رقم 63 الخطيب ولكي لا اكرر انصح الاخت صاحبة المشكله اعادة قرائة التعليق 63 بتمعن . مع التحية لصاحب التعليق والجميع .

شكرا الى فيروس ومينا واسيرة الاحزان وزياد الخطيبودانيا،علشان ما اكون نسيت حدا.
وبالنسبة لاخ معاذ انا احترم وجهة نظرك يا اخوي بس هاي مو فيلم وانا بعاني منها ولو ما هيه قصتي والا شو اللي بيجبرني اكتبها وشكرا الك

اعذرني أخي على مداخلتي ... واعذرني على فظاظتي وصلابتي في الرد .. قرأت وبشكل سريع معظم تعليقاتك والردود من الآخرين .. وردودك ...
أولا .. ابن اربد ... ماذا تقصد بها؟؟
تحليل : ضعف شخصية وتلميح للعنصرية ... كلنا أبناء اربد والسلط ومادبا والكرك ومعان وعمان و و و و .... نحن في لحمة واحدة .. لا نميز بين اربد وغيرها لأن أربد ليست لك عزيزي ... اربد لكل الأردنيين ..
نتيجة .................. ما دخلت مخي من هالمنظور والمنطق الهابط بعزو المدن لشخصك .

ثانيا .. لاحظت اسلوب الردح في أول تعليق لك مما يدل على مستوى حاولت فيما بعد باسلوب ضعيف ... تصحيحة بأنك على درجة من الخلق ( وهنا لا اشكك ابدا بخلقك الذي أنت عكسته ) .......... واعذرني ان كانت كلماتي مبهمة ولكن القصد موضوح ... ركز على ما بين سطوري وكلماتي ....


OVER

نعتذر

الله يعين الي بنشر مشكلته على النت بشلخوه اتشلخ ياجماعه الخير خرجتو عن النص وقطعتو البنت ودقيتو ببعض والله صارت تعليقاتكو مثل القصه مشوقه جدا وانا بشكر جراسيا على نشر جميع التعليقات
بس عجبتني الحمايل والعشاير وبابا وماما ويا يبه ويا يامه
بس للعلم اطفالنا بصير عمرهم 5 سنوات وهو يحكي ماما وبابا وبعدين لما يدخل المدرسه بقدره قادر بتحول لكشر وعصبي ودفش وبيتحول حكيه يابه ويمه
بس لما يخشو على النت بصيرو اموريين

نعتذر

بعدك مراهقة لا تهتمي لهيك شغلات

اسرئي رقمو من تلفون اخوكي و ابعتيلو مسج على اساس انو انتي باعتة المسج لوحدة صاحبيتك
و بعدين رني رنة و افصلي و انشالله تزبط

كيف يعني تسرء رقمه بتتخوت انت .......... لو اختك مكان صاحبة المشكلة بتحكيلها اسرئي رقمه وما بعرف شو ؟؟؟؟؟؟؟!!!!

لا تبحثي طريقة لتتكلمي معه لانه لا يجوز وحرام
لا تفكري فيه حتى لا تنهاري

يجب ان تجلبي انتباهه اليكي

قصتك نفس قصة بازبطت مش عرف شو عمل ولاشو الحل