15-07-2009 09:23 PM
خطبت ولكن!!!
جراسا - مشكلتي بالنسبة لي " مهمة جدا " لذلك أرجو من الجميع عدم السخرية وابداء الـرأي الذي قد يساعد اخت لكم .... والله يجزيكم كل خير .
عمري 32 عام ... لم اتزوج من قبل , متعلمة , واعمل في شركة صغيرة , جميلة الحمد لله ومن عائلة بسيطة لكن رائعــة ومحبوبة , الحمد لله ملتزمة وبسيطة للغاية.
من 4 شهور خطبت شاب عمره 36 عام ... طيب واهله ناس طيبين الحمد لله , مشكلتي ( وارجو عدم فهمــي خطأ ) انه خطيبي أقل مني في كل شيئ .... في الثقافة , من ناحية مادية , من ناحية اجتماعية ... حتى في عمله , فهو يعمل كمراسل في احدى الشركات !
أفهم أن العمل ليس عيب و أنه في الاردن لا فرص ممتازة للعمل !! لكن مرااسل ... !!
علما بــأنه قد اخفى هذا الامر عندما تقدم لي , وفيما بعد لم أرغب بمراجعته خوفا " على مشاعره ولو كنت اعلم من البداية انه مراسل لاختلفت امور كثيرة .
لا أقول بأني انســانة عالية ورفيعة المستوى .... أنا متوسطة وعادية , لكنه أقل مني جدا ... حتى اني أشعر أن ثقته بنفسه قليلة وخاصة عندما اكون متواجدة !!
أحاول أن اكون منطقية جدا في نظرتي له , دائمــا" أبحث عن ميزات فيه وهي للحق موجودة .
لكن موضوع ثقته بنفسه يقلقني جدا .. وخاصة انه قد تصدر منه تصرفات محرجة احيانا حتى امام الناس !! كــأن يمزح بطريقة تافهة و محرجة !! أو يرمي الاشياء على الارض بطريقة يعتقد انها كوميدية وخفة دم , لكنها فعليا" مــحرجة لي و لأاهلي !
أدرك أنه ربما خجول ويحتاج لبعض التشجيع و زيادة الثقة فيه ,, لكني صراحة متعبة ولا استطيع بذل المزيد من الجهد بعد الان !!
الموضوع الاهم ألان .. انه مديون جدا " , حتى أنه لايستطيع تدبير تكاليف حفل الزفاف ,حاولت اقناعه بأن لا نقيم حفل زفاف لكنه رفض !!
والله انا لست مادية ابدا " ... وسأبقى اعمل لمساعدته ان شالله ... لكنه مديون لفترة طويلة ( تقريبا ل7 سنوات قادمة بسبب قرض قديم ) ! وهذا القرض تقريبا يستنزف اكثر من نصف راتبه و راتبي انا قليل ... بالكاد سيساعد !!
اعرف ان الله تعالى يرزق من يشاء ... وان المال ليس اساس الحياة الزوجية ...
لكنها 7 سنوات !!
أقول لنفســـي احيانا بأن أترك الامور كما هي !! واحيانا أقنع نفسي بأن اترك خطيبي و أعيش حياتي كما كانت .. !!
أفوض أمري لله تعالى دائما .. وما زلت للان أستخير الله في امري معه .
تحياتي للجميع
اختكم المفوضة امرها لله .
مشكلتي بالنسبة لي " مهمة جدا " لذلك أرجو من الجميع عدم السخرية وابداء الـرأي الذي قد يساعد اخت لكم .... والله يجزيكم كل خير .
عمري 32 عام ... لم اتزوج من قبل , متعلمة , واعمل في شركة صغيرة , جميلة الحمد لله ومن عائلة بسيطة لكن رائعــة ومحبوبة , الحمد لله ملتزمة وبسيطة للغاية.
من 4 شهور خطبت شاب عمره 36 عام ... طيب واهله ناس طيبين الحمد لله , مشكلتي ( وارجو عدم فهمــي خطأ ) انه خطيبي أقل مني في كل شيئ .... في الثقافة , من ناحية مادية , من ناحية اجتماعية ... حتى في عمله , فهو يعمل كمراسل في احدى الشركات !
أفهم أن العمل ليس عيب و أنه في الاردن لا فرص ممتازة للعمل !! لكن مرااسل ... !!
علما بــأنه قد اخفى هذا الامر عندما تقدم لي , وفيما بعد لم أرغب بمراجعته خوفا " على مشاعره ولو كنت اعلم من البداية انه مراسل لاختلفت امور كثيرة .
لا أقول بأني انســانة عالية ورفيعة المستوى .... أنا متوسطة وعادية , لكنه أقل مني جدا ... حتى اني أشعر أن ثقته بنفسه قليلة وخاصة عندما اكون متواجدة !!
أحاول أن اكون منطقية جدا في نظرتي له , دائمــا" أبحث عن ميزات فيه وهي للحق موجودة .
لكن موضوع ثقته بنفسه يقلقني جدا .. وخاصة انه قد تصدر منه تصرفات محرجة احيانا حتى امام الناس !! كــأن يمزح بطريقة تافهة و محرجة !! أو يرمي الاشياء على الارض بطريقة يعتقد انها كوميدية وخفة دم , لكنها فعليا" مــحرجة لي و لأاهلي !
أدرك أنه ربما خجول ويحتاج لبعض التشجيع و زيادة الثقة فيه ,, لكني صراحة متعبة ولا استطيع بذل المزيد من الجهد بعد الان !!
الموضوع الاهم ألان .. انه مديون جدا " , حتى أنه لايستطيع تدبير تكاليف حفل الزفاف ,حاولت اقناعه بأن لا نقيم حفل زفاف لكنه رفض !!
والله انا لست مادية ابدا " ... وسأبقى اعمل لمساعدته ان شالله ... لكنه مديون لفترة طويلة ( تقريبا ل7 سنوات قادمة بسبب قرض قديم ) ! وهذا القرض تقريبا يستنزف اكثر من نصف راتبه و راتبي انا قليل ... بالكاد سيساعد !!
اعرف ان الله تعالى يرزق من يشاء ... وان المال ليس اساس الحياة الزوجية ...
لكنها 7 سنوات !!
أقول لنفســـي احيانا بأن أترك الامور كما هي !! واحيانا أقنع نفسي بأن اترك خطيبي و أعيش حياتي كما كانت .. !!
أفوض أمري لله تعالى دائما .. وما زلت للان أستخير الله في امري معه .
تحياتي للجميع
اختكم المفوضة امرها لله .
تعليقات القراء
سامر عبسة
اختي في الله انصحك بأن تكملي المشوارلانه من طبيعة كلامك انك تحترميه , وما بتعرفي شو الدنيا بتخبيلك والفلوس مو كل شي بحياتك
15-07-2009 01:45 PM
استوفيسكيسو
نصيحة ما تكملي الطريق معه ، واختصري الوقت ، في ناس كتير بكونوا متفئين وغير الحب اللي بكون بينهم ، لكن الحياة اختلفت حاليا، ونسبة الطلاق كتير مرتفعة عنا وهاد الشي لاسباب مادية واجتماعية . وشو عرفك يمكن الله يرزئك بشب يكون افضل منه
لا تستعجلي الامور
لا تستعجلي الامور
15-07-2009 02:03 PM
حاقدة
حبيبتي اسمعي ازا من اولها مش ئادر على مصروفك ، كيف بعدين فكري منيح ، في بيت واجار وفي اولاد وفي وفي وفي..كتير ناس هالايام بطلئوا عشان مش ئادرين على مسؤوليات هالحياة، والزواج مسؤولية كبيرة كتير، فسيبك منو، وبعدين الزلام ما بنزعل عليهم ابدا هم لئيميين جدا، وما بفكروا غير بحالهم
15-07-2009 02:07 PM
الى سامر عبسة مني انا
كيف الفلوس مش كلشي... هالايام هاي والله معك ارش بتسوى ارش ، ما معك بضلك ذليل ، اي روح بلا حكي فاضي ، هلا انت بلا تحكيلي كيف لما بكون معك مصاري وكيف لما ما بكون معك مصاري... والعالم والناس بتنتحر ليش هالايام مش من الحياة الصعبة، بكرة بدها سيارة وبيت وعيال من وين هدول مش كلو بدو مصاري
15-07-2009 02:14 PM
الى صاحبة المشكلة
بسم الله والصلاة والسلام على رسول الله
ام بعد
فانا شلب تجاوزت ال 36 من العمر كنت في ما مضى راسب توجيهي
اما بالنسبة للوضع المادي فكان راتبي لا يتجاز ام 150 دينار وكنت اعمل بوظيفة عامل نظافة
وعندما اصبح عمري 27 عام تعرفت على بنت حلال ( زوجتي) وكانت قد انهت دراستها الجامعية وهي جميلة للغاية وصاحبة دين فلم تعترض علي وعلى اوضاعي وتزوجنا
فشجعتني للدراسة فاخذت الثانوية ثم التزمنت بالجامعة
اما الان والحمد لله فاعمل في نفس الشركة التي كنت فيها عامل نظافة بوظيفة رئيس قسم
وراتبي يتجاز750 دينار
يا اختي ان الله بفعل ما يريد فتوكلي على الله ان كان خطيبك من اهل الصلاح والفلاح
ارجو ان تعذريني على ما ساقول
اولا انت تبلغين من العمر 32 عاما وهذا ليس رقم سهل يعني باقي لك من عمر الانجاب الصحي 5سنوات
ثانيا من الصعب ان تجدي شاب غير متزوج يبلغ من العمر 36 عام واذا وجدتيه فانه يبحث عن فتاة عشرينية
توكلي على الله وفوضي امرك للملك القدوس وانشاء الله تستطيعي ان تغيري فيه ما تكرهين وندفعيه الى ما تحبين
والله من وراء القصد
ام بعد
فانا شلب تجاوزت ال 36 من العمر كنت في ما مضى راسب توجيهي
اما بالنسبة للوضع المادي فكان راتبي لا يتجاز ام 150 دينار وكنت اعمل بوظيفة عامل نظافة
وعندما اصبح عمري 27 عام تعرفت على بنت حلال ( زوجتي) وكانت قد انهت دراستها الجامعية وهي جميلة للغاية وصاحبة دين فلم تعترض علي وعلى اوضاعي وتزوجنا
فشجعتني للدراسة فاخذت الثانوية ثم التزمنت بالجامعة
اما الان والحمد لله فاعمل في نفس الشركة التي كنت فيها عامل نظافة بوظيفة رئيس قسم
وراتبي يتجاز750 دينار
يا اختي ان الله بفعل ما يريد فتوكلي على الله ان كان خطيبك من اهل الصلاح والفلاح
ارجو ان تعذريني على ما ساقول
اولا انت تبلغين من العمر 32 عاما وهذا ليس رقم سهل يعني باقي لك من عمر الانجاب الصحي 5سنوات
ثانيا من الصعب ان تجدي شاب غير متزوج يبلغ من العمر 36 عام واذا وجدتيه فانه يبحث عن فتاة عشرينية
توكلي على الله وفوضي امرك للملك القدوس وانشاء الله تستطيعي ان تغيري فيه ما تكرهين وندفعيه الى ما تحبين
والله من وراء القصد
15-07-2009 02:20 PM
إبن البادية
يا اخوان كونوا محضر خير ,, ليش هيك , وشو هو المراسل مش بني آدم ؟ حقه انه يتزوج والدين مش عيب , ثلثين الشعب مديون وطفران , والرزق عند رب العالمين و ماراح يموت حدا من الجوع , للأخت الفاضلة لازم تتفاهمي معه إنه يخفف دمه شوي بالمزح ,, مسكين مبسوط كثير ,, وعلى تصرفاته ووضعه المالي السيْ بظل أحسن بكثير من الزعران اللي معهم مصاري . واالله يرزق الجميع .
15-07-2009 02:28 PM
مش شايف حدا قدامي
طيب لو خطيبك غني وبشتغل مليونير بتوخذي ولا لأ؟ اذا المشكلة هي مشكلة مادية لا اكثر ولا اقل,ولا احد يستطيع ان يساعدك في هذا الامر انتي من سيرتبط معه لا احد غيرك,,, انتي من سيتزوجه لا احد غيرك,ومن يعطيك ويملي عليك ما تفعلي فهو انسان متخلف وغبي ويريد فرد عضلاته,وسيعلق فقط حتى نرى فصاحته بالكلام ومنطقه العذب,لا اكثر,ولن يقصد مساعدتك لان هذه المشكلة حلها بيدك انتي,انتي فقط
15-07-2009 02:31 PM
الملاك
دخل الخليفة عمر بن الخطاب _ رضي الله عنه المسجد ،فسكت الخطيب ووقف الجالس ، فأستاء عمر رضي الله عنه من ذلك فذهب لفوره إلى المنبر ونادى الناس وقال : لقد رجعت بذاكرتي إلى الماضي ، ووجدتني كنت أرعى غنما لبني مخزوم بحفنة من تمر ، فاذا ما توانيت يوما أي لم أذهب جرى ورائي الخطاب بعكازته ، وقال من أين اطعم خالاتك ؟
فقال له عبدالرحمن بن عوف : ما زدت على أمير المؤمنين على أن قصرت بنفسك ، فقال عمر أنتم الذين حملتموني على ذلك ،،، أردتم أن تزرعوا شجرة الكبر فأردت أن أنزعها من جذورها .
فقال له عبدالرحمن بن عوف : ما زدت على أمير المؤمنين على أن قصرت بنفسك ، فقال عمر أنتم الذين حملتموني على ذلك ،،، أردتم أن تزرعوا شجرة الكبر فأردت أن أنزعها من جذورها .
15-07-2009 02:35 PM
تويتي
من غير ما تستشيري اي حد المنطق بقول والحقيقه الي انت عايشتعا بتقول افسخي الخطبه احسن الك واله ولا تخافي نصيبك بيجيكي شو يعني عمرك 32 ما رح تخرب الدنيا
15-07-2009 02:39 PM
مخاوي الذيب
توكلي على الله وأكملي المشوار , خطيبك يعمل بوظيفة محترمة وبكفي إنه راتبه حلال ,, الشغل مش عيب ,, العيب إنه الإنسان ما يشتغل ويظل يتسكع بالشوارع . . وإذا كان مديون فأغلبية الشعب مديون .. والله يوفقك ويرزقك إنتي وخطيبك , والرزق على رب العباد ,, وبانسبة للأخوات اللي قاعدات ينتقدن ويلقلقن كلهن أكذب من بعض وفاضيات أشغال وشعارهن خذ حكي وإزرع بصل .
15-07-2009 02:40 PM
دانـيـا
هلأ اهلك ما سألو عن الشب قبل ما تخطبو ؟؟؟؟؟ المفروض عرفتو عنه كل صغيرة وكبيرة وسألتو عنه بشغله المزعوم ؟؟؟؟
المهم هاد قرار مصيري ما حد بيقدر يساعدك فيه لانه انتي اللي بدك تتحملي مش اي حدا غيرك
ازا عندك قدرة تتحمليه وتتحملي وضعه ما في مشكلة
بس من كلامك فهمت انه الشب نزل من عينك وهاي مشكلة اكبر من وضعه المادي ......
ضلي استخيري وان شالله ربنا يختارلك الأفضل
المهم هاد قرار مصيري ما حد بيقدر يساعدك فيه لانه انتي اللي بدك تتحملي مش اي حدا غيرك
ازا عندك قدرة تتحمليه وتتحملي وضعه ما في مشكلة
بس من كلامك فهمت انه الشب نزل من عينك وهاي مشكلة اكبر من وضعه المادي ......
ضلي استخيري وان شالله ربنا يختارلك الأفضل
15-07-2009 02:40 PM
صاحبة المشكلة
اخواني اشكركم جدا على ردودكم السريعة .... الله يجزيكم كل خير
لكني احب ان اذكركم بأن المشكلة ليست فقط مـــادية كما قلت سابقا " ... بل هي في ثقته بنفسه
و في بعض تصرفاته , وفي بعض ظروفه ....... فلا تحكموا عــلي بــأني مادية !
**
15-07-2009 02:56 PM
امل
اختي صاحبة المشكلة
ما تمرين به هو حال الفروق الاجتماعية والنفسيه بينك وبين خطيبك لذلك يجب التفكير دائما قبل اي خطوة للارتباط بالانسان المناسب لانه بصراحه قرار مصيري وانا اوجه نداء للبنات انه عند الارتباط التفكير جديا وليس فقك التفكير بلون البدله وباي صالون ستحجزي انا بحكي واقعنا
وبعد الخطبة وعند الجد تفتح ابواب المشاكل ولا نعرف كيف نتصرف
ابقي معه وحاولي ان تستبدلي سماذجته وفقدانه ثقته بالافضل انا برائئ ما دام الحب موجود انتهى كل شي بغض النظر عن الفوارق الاخرى ، افتحي قلبك وتحدثي معه وحاوريه وناقشيه اذا عنده اسلوب حوار ويفهم كلامك ومناقشتك ، ابقي معه ولا تتركيه فهو بحاجتك مادام الحب موجود
والله الموفق
ما تمرين به هو حال الفروق الاجتماعية والنفسيه بينك وبين خطيبك لذلك يجب التفكير دائما قبل اي خطوة للارتباط بالانسان المناسب لانه بصراحه قرار مصيري وانا اوجه نداء للبنات انه عند الارتباط التفكير جديا وليس فقك التفكير بلون البدله وباي صالون ستحجزي انا بحكي واقعنا
وبعد الخطبة وعند الجد تفتح ابواب المشاكل ولا نعرف كيف نتصرف
ابقي معه وحاولي ان تستبدلي سماذجته وفقدانه ثقته بالافضل انا برائئ ما دام الحب موجود انتهى كل شي بغض النظر عن الفوارق الاخرى ، افتحي قلبك وتحدثي معه وحاوريه وناقشيه اذا عنده اسلوب حوار ويفهم كلامك ومناقشتك ، ابقي معه ولا تتركيه فهو بحاجتك مادام الحب موجود
والله الموفق
15-07-2009 03:23 PM
شاب اردني
بصراحة انا لو مكانك كان انهيت الموضوع معه
وذلك لعدة اسباب:
السبب الأول وهي المشكلة المادية..حسب ما انا فهمت انه هو ما راح يقدر يعيشك على المستوى الي انتي كنتي عايشة فيه وهاي مشكلة بحد ذاتها
السبب الثاني وهي المشكلة في اختلاف مستوى الثقافة..ومستواه الثقافي اقل منك كيف انتي راح تقدري تعيشي معه وتتصرفي تصرفات هو ممكن يفهمها غلط او انه تفتحوا موضوع وتخليه يشارك فيه يعني..اكيد راح يحكي شغلات ما الها دخل
السبب الثالث ديونه..كيف بكرا راح يقدر يفتح بيت وهو عنده 7 سنوات دين انتهى عمره وهو لسا بسدد فيه
هلأ انتي لك الخيار بالموافقة او الرفض وهاي عشرة عمر يعني في شغلات هو راح يتنازل عنها وانتي راح تتنازلي عنها عشان تقدروا تعيشوا مع بعض
ولك الاحترام
وذلك لعدة اسباب:
السبب الأول وهي المشكلة المادية..حسب ما انا فهمت انه هو ما راح يقدر يعيشك على المستوى الي انتي كنتي عايشة فيه وهاي مشكلة بحد ذاتها
السبب الثاني وهي المشكلة في اختلاف مستوى الثقافة..ومستواه الثقافي اقل منك كيف انتي راح تقدري تعيشي معه وتتصرفي تصرفات هو ممكن يفهمها غلط او انه تفتحوا موضوع وتخليه يشارك فيه يعني..اكيد راح يحكي شغلات ما الها دخل
السبب الثالث ديونه..كيف بكرا راح يقدر يفتح بيت وهو عنده 7 سنوات دين انتهى عمره وهو لسا بسدد فيه
هلأ انتي لك الخيار بالموافقة او الرفض وهاي عشرة عمر يعني في شغلات هو راح يتنازل عنها وانتي راح تتنازلي عنها عشان تقدروا تعيشوا مع بعض
ولك الاحترام
15-07-2009 03:25 PM
هلا عمى الاصلى
انسى موضوعه وشوفيلك واحد اقل شى بحبك يقدرك ويقدر يحميكى من غدر الزمان ؟
15-07-2009 03:31 PM
ابن البادية
الأخت الفاضلة ,, بإمكانك الجلوس ومعه وإخباره عن كافة تصرفاته وعن ثقته بنفسه ,, ولكني اقترح مكالمته عبر الهاتف والتصارح معه بأنك لا تحبين أسلوبه ,, كل إنسان يحاول إنه يعوض نقص عنده بمجال معين بشىء آخر ,, ويبدو أنه أخونا هنا يتصرف بغرابة , أقترح أن تصاريحيه بما يجول بخاطرك وبدون جرح مشاعره وسوف ترين أنه قد تغير ,, الخطوبة والزواج شيء جديد على كل إنسان وأعتقد أن ما يحدث معه هو عبارة عن ردة فعل وطريقتك المثلى بمعالجة تصرفاته هي أن تزيدي من ثقته بنفسه .
15-07-2009 03:48 PM
الى ابن البادية من مخاوي الذيب
والله إنك تحكي صحيح ,, وأضيف على ما قلت للأخت الفاضلة بأن تكون صريحة ومتسامحه بنفس الوقت ,,
15-07-2009 03:52 PM
مازن
انا مع تعليق رقم 12 في انو ما سالتو عنو قبل ما توافقوعليه؟ اهل البنت بسألو عن الشب وبروحوا على مكان شغلو وبسالوعن كل صغيرة وكبيرة لكن انتي غلطتي لانك وافقتي قبل ما تجمعي عنو اكبر قدر من المعلومات . كمان هو غلط لانو المفروض يحكي كل اشي بصراحة عن شغلو و راتبو واذا كان عندو التزامات مادية. لانو هذا زواج يعني مش لعبة .
يعني الطرفين غلطانين .
برضو بالنسبة للاخ صاحب التعليق رقم 6 انا بأيدو بموضوع انوعمرك صار 32 وباقي لك 5سنوات من عمر الانجاب الصحي وانو صعب تلاقي شب عمرو مش متزوج ولو لقيتي راح يكون بدور على بنت عشرينية. لذلك انا بنصحك انك تتجوزيه وما تظلي تتشكوني ومعيشة حالك بدوامة وما تكبري الموضوع يعني حاولي تتحملي نتيجة غلطك انك وافقتي عليه بدون ما يكون عندك معلومات كافية عنو وتحاولي تغيري فيه بعض الصفات الغير محببة واكيد راح يستجيب لك ويصير افضل.
بالنسبة للأمور المادية ما في داعي للقلق لانو ربنا يرزق من يشاء ويا ما ناس وضعهم المادي كان سيء وبعدين الله يسرها معهم وبالنسبة لشغله المراسل ممكن انو يغيرها ويدور على اي شغل ثاني خصوصا انو راتبو قليل ( يعني مش نهاية العالم) ممكن يشتغل اي اشي ممكن واحد من قرايبو يشغلو عندو في تجارة مثلا او ممكن يبيع في محل مثلا او ....
يا اختي والله العظيم انو المصاري مش كل اشي وانو اهم اشي البساطة وراحة البال , انا مهندس وراتبي عالي كثير ووضعي المادي ممتاز جدا وخطيبتي دكتورة لكن والله العظيم انا مش مرتاح ومش سعيد وكلها مظاهر بمظاهر وايتيكيت وبرستيج كذاب.
بتمنالك التوفيق
يعني الطرفين غلطانين .
برضو بالنسبة للاخ صاحب التعليق رقم 6 انا بأيدو بموضوع انوعمرك صار 32 وباقي لك 5سنوات من عمر الانجاب الصحي وانو صعب تلاقي شب عمرو مش متزوج ولو لقيتي راح يكون بدور على بنت عشرينية. لذلك انا بنصحك انك تتجوزيه وما تظلي تتشكوني ومعيشة حالك بدوامة وما تكبري الموضوع يعني حاولي تتحملي نتيجة غلطك انك وافقتي عليه بدون ما يكون عندك معلومات كافية عنو وتحاولي تغيري فيه بعض الصفات الغير محببة واكيد راح يستجيب لك ويصير افضل.
بالنسبة للأمور المادية ما في داعي للقلق لانو ربنا يرزق من يشاء ويا ما ناس وضعهم المادي كان سيء وبعدين الله يسرها معهم وبالنسبة لشغله المراسل ممكن انو يغيرها ويدور على اي شغل ثاني خصوصا انو راتبو قليل ( يعني مش نهاية العالم) ممكن يشتغل اي اشي ممكن واحد من قرايبو يشغلو عندو في تجارة مثلا او ممكن يبيع في محل مثلا او ....
يا اختي والله العظيم انو المصاري مش كل اشي وانو اهم اشي البساطة وراحة البال , انا مهندس وراتبي عالي كثير ووضعي المادي ممتاز جدا وخطيبتي دكتورة لكن والله العظيم انا مش مرتاح ومش سعيد وكلها مظاهر بمظاهر وايتيكيت وبرستيج كذاب.
بتمنالك التوفيق
15-07-2009 03:56 PM
زعلان و مش فاهم !!!!
أنا مع مصارحته لكن إذا كان راسه ناشف و مابده يتغير إخلعيه عالبكير و إذغ بدك تعطيني تلفونه وأنا أحكي معه وافهمه إنه دمه ثقيل أنا جاهز ,,, واذ في حواليك عروس أكون لك من الشاكرين , ,
15-07-2009 03:56 PM
إلى حاقدة من زعلان ومش فاهم
أنا أعزب !!!
15-07-2009 03:58 PM
عصبي الى النابغة دانيا
( هلأ اهلك ما سألو عن الشب قبل ما تخطبو ؟؟؟؟؟ المفروض عرفتو عنه كل صغيرة وكبيرة وسألتو عنه بشغله المزعوم ؟؟؟؟ ) ............ انتهى الأقتباس
قناعتي أن صاحبة المشكلة ليست بحاجة الى عتابك في هذه المرحلة ...
المفروض ..وكان لازم ... وسألتو ... ونبشتو ... هي ليست بحاجة الى هذه المهاترات اللامسؤولة ... اشي صار وانتهى ... لا يجوز التجريح والعتاب .. مو ناقصة هي
الحل .... عدم التكافؤ في ظروف كثيرة ... عواقبه مستقبلا الفشل ... والمشاكل ... العواطف هنا لا تفيد ... التكافؤ أحد الأسس الهامة في نجاح العلاقة الزوجية ... أما الأجراء ... مو من اختصاصي .... لأنه مفهوم
قناعتي أن صاحبة المشكلة ليست بحاجة الى عتابك في هذه المرحلة ...
المفروض ..وكان لازم ... وسألتو ... ونبشتو ... هي ليست بحاجة الى هذه المهاترات اللامسؤولة ... اشي صار وانتهى ... لا يجوز التجريح والعتاب .. مو ناقصة هي
الحل .... عدم التكافؤ في ظروف كثيرة ... عواقبه مستقبلا الفشل ... والمشاكل ... العواطف هنا لا تفيد ... التكافؤ أحد الأسس الهامة في نجاح العلاقة الزوجية ... أما الأجراء ... مو من اختصاصي .... لأنه مفهوم
15-07-2009 04:14 PM
زعلان مش فاهم
يا ناس يا عالم بدي عروس !!!!!!
15-07-2009 04:33 PM
عصبي الى ( ام خشوم )
أخالفك الرأي 100%
لا تركزوا عالحب دائما .... فكروا بالعقل ... مشان الله ... العقل استعملوه ...
لا تركزوا عالحب دائما .... فكروا بالعقل ... مشان الله ... العقل استعملوه ...
15-07-2009 04:40 PM
غيوره
عزيزتي صاحبة المشكله
انا بشوف انك محتاره حابه هالرجل وبنفس الوقت حابه ترتبطي بواحد احسن منه وبتسوقي مبررات لنفسك على امل حد يشجعك ويقولك اتركيه .
الرجل ما عيبه شي والشغل مش عيب وقرشه حلال وبحبك ورايدك بس هو رجل على نياته
انتي بتقدري تخليه يترك الاشياء اللي انتي ما بتحبيها بطريقه لطيفه وتنبهي بكل حب عليها وتعلميه على طباعك بطريقه غير مباشره وعلى الاشياء اللي انت بتحبي تكون في الرجل اللي بخصك .
من الناحيه الماديه الرزق على الله وما بتعرفي بوقفتك جنبه الله يفتحها عليكم مع اني من الناس اللي بآمن بضرورة انه يكون الرجل كفؤ للمرأه نفسيا واجتماعيا وماديا ويوفرلها الحياه الكريمه .
هادي حياه زوجيه طويله بدك تفكري صح وتشوفي بتقدري تعيشي معه في ظل الحاله اللي هو فيها صحيح بحبك بس اذا دخل الفقر من الباب فل الحب من الشباك ما في واحد بقدر ياخد هاد القرار الا انتي بدها جلسه تفكير مع نفسك وتشوفي مستعده لتحمل صعوبة الحياه معه ولا لأ وبدي احكيلك شغله انتي في سن هلأ حرج بعد شوي فرصك بالزواج بتقل وبالانجاب اذا حاسه انه ساعتك البيولوجيه بتقولك انه لازم اتزوج فتوكلي على الله واذا حاسه انك ما بتقدري تتزوجي واحد وتبني معه حياتكم لبنه لبنه وبهاد العمر بعتقد انه صعب فبلا منه
يعني لامتى بدك تشتغلي لتصيري ختياره .
هاد قرارك وحياتك ما واحد منا رايح يعيش معك ولا يعاني عنك بالتوفيق سيدتي.
انا بشوف انك محتاره حابه هالرجل وبنفس الوقت حابه ترتبطي بواحد احسن منه وبتسوقي مبررات لنفسك على امل حد يشجعك ويقولك اتركيه .
الرجل ما عيبه شي والشغل مش عيب وقرشه حلال وبحبك ورايدك بس هو رجل على نياته
انتي بتقدري تخليه يترك الاشياء اللي انتي ما بتحبيها بطريقه لطيفه وتنبهي بكل حب عليها وتعلميه على طباعك بطريقه غير مباشره وعلى الاشياء اللي انت بتحبي تكون في الرجل اللي بخصك .
من الناحيه الماديه الرزق على الله وما بتعرفي بوقفتك جنبه الله يفتحها عليكم مع اني من الناس اللي بآمن بضرورة انه يكون الرجل كفؤ للمرأه نفسيا واجتماعيا وماديا ويوفرلها الحياه الكريمه .
هادي حياه زوجيه طويله بدك تفكري صح وتشوفي بتقدري تعيشي معه في ظل الحاله اللي هو فيها صحيح بحبك بس اذا دخل الفقر من الباب فل الحب من الشباك ما في واحد بقدر ياخد هاد القرار الا انتي بدها جلسه تفكير مع نفسك وتشوفي مستعده لتحمل صعوبة الحياه معه ولا لأ وبدي احكيلك شغله انتي في سن هلأ حرج بعد شوي فرصك بالزواج بتقل وبالانجاب اذا حاسه انه ساعتك البيولوجيه بتقولك انه لازم اتزوج فتوكلي على الله واذا حاسه انك ما بتقدري تتزوجي واحد وتبني معه حياتكم لبنه لبنه وبهاد العمر بعتقد انه صعب فبلا منه
يعني لامتى بدك تشتغلي لتصيري ختياره .
هاد قرارك وحياتك ما واحد منا رايح يعيش معك ولا يعاني عنك بالتوفيق سيدتي.
15-07-2009 04:58 PM
عصبية
انا مع دانيا الحق عليكو من الدباية ولا حد بيجي يخطبك وما بتسالو عنه , هذا كذاب من البداية
اذا حاسه حالك مو مرتاحيتله اتركيه احسن الك وخاصة انع معك مية عذر لذلك واهمها انه كذب مو عليكي بس , على عيلتك كلها
؟
اذا حاسه حالك مو مرتاحيتله اتركيه احسن الك وخاصة انع معك مية عذر لذلك واهمها انه كذب مو عليكي بس , على عيلتك كلها
؟
15-07-2009 05:32 PM
عصبي إلى حاقده
أرجو إلتزام الأدب في حديثك عن الرجال وإن كنتي قد فشلتي في حياتك مع رجل أو اثنان أو تلاثة أو أربعه أو خمسه ....لاحظي التعداد فأنا أقصد إيصال معنى الفشل،فهذا مرده حقدك وضياعك ويا جراسا رجاء فلتروا هالأشكال اللي بدخلوا كوفي نت ساعتين بدينار والثالثه مجانا
15-07-2009 05:38 PM
عصبي إلى عصبيه مدامتي
أنا كنت صريح معك ومع أهلك من البدايه وقلت أني بنشرجي وأبوكي إجا وعير عجلاته وتأكد شخصيا،حبيتك من أول بلف،وإنتي متي موت علي لأنه ما إجاكي أصلح مني،أنا مش ناسي كنترول باص البقعه عين الباشا اللي طلبك قبلي،حتأخر حبيبتي لا تستنوني عالعشا وخلي ابنا فنيخير يمر عجدته
15-07-2009 05:54 PM
جراسا نيوز
نرجو الالتزام بادب الحديث مع مخاطبة الغير سواء مع المعلقين او مع ادارة التحرير.. ودمتم
15-07-2009 06:11 PM
جرشاوي الى حاقده
احنا مش حاقديين
15-07-2009 06:38 PM
اما شغله
الموضوع كله ع بعضه سخيف
15-07-2009 06:44 PM
ابويوسف
انا من طرحك للمشكله ارى انك صاحبه خلق ودين واذا وجدت في هذا الشخص بانه قد يصلح من تصرفاته فتوكلي على الله واكملي المشوار لعلى ياتي من صلبه ولد الله يعوضك به وفي حالات كثيره الله سبحانه وتعالى عوض كثير من الصابرات وطمن قلوبهم باولاد يفتخر اهلهم بهم ولاتنسي اختي المحترمه بان عمرك 32 عاما والفرص تقل امامك بلنسبه للزواج انصحك بلتوكل على الله اذا شعرت به انه متدين اوبسيط يمكن بلنصح والارشاد ان يتقبله وانا متاكد والعلم عندالله بذلك ان يعوضك الله بعدالته فهو العادل والله يجيب العواقب سليمه ويسر امور خلقه
15-07-2009 06:50 PM
الصقر
انتى اختارى الله واقدمى على الامر وسيقدر الله لكى الخير مع انى ارى والله اعلم انه الهدف هو سداد ما عليه من دين -جربى وحاولى ان تقولى له انا ليس لى علاقه بما عليك من دين بس بهدوء وشوفى شو رح يكون مقوقفه وعلى اثرها ربك يقدملك الخير
15-07-2009 07:21 PM
الى امل
انا معجب بافكارك يا اخت امل اتمنى لك التوفيق ... عندي سؤال ما هو عمرك؟
15-07-2009 07:28 PM
الملاك
بداية الكمال لله ،،،،،
أختي : إن ما ذكرتيه في موضوع خطيبك كل شئ مكمل للآخر فالجميع يؤكد بأن أي عمل حلال ليس بعيب أو أن يقال الفقر مش عيب وهذا صحيح وأكيد ، ولكن لا تقال مثل هذه الكلمات إلا عندما يكون مستوى طبيعة العمل أو المستوى المادي دون الوسط وكل هذا يؤدي إلى تعانيه أنتي من كيفية تعامله وتصرفاته لإن ما يحيط خطيبك بساطته ومكانته لا تؤهله حتى يرتقي لعلي المكانة فسامحيني على صراحتي . ولو عكست لك صورة أخرى لتوصيل الفكره فلو أن خطيبك غني وله وظيفة مرموقة كمنصب عال فلن يقوم بأعمال تخجلين منها لأن جميع مستوياته لا تسمح له بأن يتنازل عن مكانته بجميع تصرفاته ..
أخيرا أختي ليس من الصعب جدا تغير السلوك لأن السلوك تعلم وتعليم وليس من الصعب أيضا الإستغناء عن بعض التي تعود عليها والتي ترين بأنها مخجله والصعود درجة درجة ليست متعبة ولا بد لك من المتابعه والله الموفق ..
أختي : إن ما ذكرتيه في موضوع خطيبك كل شئ مكمل للآخر فالجميع يؤكد بأن أي عمل حلال ليس بعيب أو أن يقال الفقر مش عيب وهذا صحيح وأكيد ، ولكن لا تقال مثل هذه الكلمات إلا عندما يكون مستوى طبيعة العمل أو المستوى المادي دون الوسط وكل هذا يؤدي إلى تعانيه أنتي من كيفية تعامله وتصرفاته لإن ما يحيط خطيبك بساطته ومكانته لا تؤهله حتى يرتقي لعلي المكانة فسامحيني على صراحتي . ولو عكست لك صورة أخرى لتوصيل الفكره فلو أن خطيبك غني وله وظيفة مرموقة كمنصب عال فلن يقوم بأعمال تخجلين منها لأن جميع مستوياته لا تسمح له بأن يتنازل عن مكانته بجميع تصرفاته ..
أخيرا أختي ليس من الصعب جدا تغير السلوك لأن السلوك تعلم وتعليم وليس من الصعب أيضا الإستغناء عن بعض التي تعود عليها والتي ترين بأنها مخجله والصعود درجة درجة ليست متعبة ولا بد لك من المتابعه والله الموفق ..
15-07-2009 07:46 PM
دانـيـا
انا ما عم بلومها ولا عم بحاول اجرحها كل اللي عم بحكيه انه الغلط وقع عليهم التنين
هاي وجهة نظري حكيتها ما فرضتها ع حدا
تسلميلي يا عصبية شو انك فهمانة
هاي وجهة نظري حكيتها ما فرضتها ع حدا
تسلميلي يا عصبية شو انك فهمانة
15-07-2009 07:53 PM
امل الى34
شكرا الك و ع اعجابك .................... بالنسبه لعمري فهو 43
15-07-2009 08:12 PM
لولو
نصيحة اخت لأختها (( لا تفسخي خطبتك ))
اذا كان الشب ملتزم صلويا ومؤدب , توكلي على الله والله اللي بيرزق
و بالنسبة لثقته بنفسه , انت اللي بامكانك ترفعيله اياها عن طريق انك ما تبينيله انه ادنى منك يعني تطيعي وتتواضعي امامه , والله يوفقك
اذا كان الشب ملتزم صلويا ومؤدب , توكلي على الله والله اللي بيرزق
و بالنسبة لثقته بنفسه , انت اللي بامكانك ترفعيله اياها عن طريق انك ما تبينيله انه ادنى منك يعني تطيعي وتتواضعي امامه , والله يوفقك
15-07-2009 08:16 PM
الملاك
إلي أمل : العمر المديد إن شاء الله .
إلى الغيوررره : وينك أيتها الحمامة البيضاء .
إلى الغيوررره : وينك أيتها الحمامة البيضاء .
15-07-2009 08:31 PM
مراقب عن كثب
تابعت التعليقات واثار اعجابي رد المعلقه غيوره رد مقنع وسرد بطريقه سلسه بارك الله بك اخت غيوره .
15-07-2009 08:33 PM
حلال المشاكل
حبيبتي منيح بعمرك هاد لاقيتي واحد
يعني لزقي فيه
يعني لزقي فيه
15-07-2009 09:03 PM
فيروس الى امل
العمركله ان شاالله...........عنجد الخبره حلوه
15-07-2009 09:15 PM
ماهر (ابوحمزة)
بداية هو اخفى عنك طبيعه عمله ، فترة الخطوبة فترة تجربة ، حاولي معه في هذه الفترة التغيير من بعض صفاته وتوجيهه التوجيه المنطقي الصحيح ، حاولي ان ترفعي من معنيويته اذا احسست ان هنالك استجابة وتحسن اكملي المشاور والا الحل الاخر.
اعطيه مثلا مهلة لنهاية العام (كمان خمسة اشهر ) وخلال هذه المدة انصحيه بالعقل وحاولي معه.
كل التوفيق لك
اعطيه مثلا مهلة لنهاية العام (كمان خمسة اشهر ) وخلال هذه المدة انصحيه بالعقل وحاولي معه.
كل التوفيق لك
15-07-2009 10:29 PM
عصبي
يا اخوان شو اللي بتحكوه؟؟ أنا قناعتي ا نه اذا الشب مستحي من حاله ما اله لزوم علما بأن العمل مو عيب أبدا... بس ما بني على باطل فهو باطل ...
الموضوع مو موضوع انه كذاب .. الموضوع انه اذا صارح ما أظن تقبله البنت .. بس مو مبرر .. لأنه اذا أنا مثلا بنشرجي ... وبحكي اني مهندس.. معناته انا مو مقتنع بنفسي ... والله لو مهما كانت وظيفتي لا يمكن اشي يهز ثقتي بنفسي ...
وباجي بحكي.. أنا بنشرجي .. بنفع والا لأ؟؟؟ أكون صريح ورجل ...
بكرر .. التوافق والتكافؤ الأجتماعي ضروري .. عكس هيك .. سيبونا من المشاعر الفاضية ..خليكو واقعيين ... ولو البنت نفسها مقتنعه ما حطت مشكلتها هون .. لأنها عايشة بصراع...والصراع هاد مبرر ( بضم الميم )
وبالأخير .. اذا ربنا كاتبلهم نصيب .. والله لو بنضل نعطي آراء سلبية .. الا تاخده ...
الموضوع مو موضوع انه كذاب .. الموضوع انه اذا صارح ما أظن تقبله البنت .. بس مو مبرر .. لأنه اذا أنا مثلا بنشرجي ... وبحكي اني مهندس.. معناته انا مو مقتنع بنفسي ... والله لو مهما كانت وظيفتي لا يمكن اشي يهز ثقتي بنفسي ...
وباجي بحكي.. أنا بنشرجي .. بنفع والا لأ؟؟؟ أكون صريح ورجل ...
بكرر .. التوافق والتكافؤ الأجتماعي ضروري .. عكس هيك .. سيبونا من المشاعر الفاضية ..خليكو واقعيين ... ولو البنت نفسها مقتنعه ما حطت مشكلتها هون .. لأنها عايشة بصراع...والصراع هاد مبرر ( بضم الميم )
وبالأخير .. اذا ربنا كاتبلهم نصيب .. والله لو بنضل نعطي آراء سلبية .. الا تاخده ...
15-07-2009 10:49 PM
الكنار الى عصبي @ alknar_84
يا اخي والله الواحد ها الايام ما هو مسدق وهو ييجي عريس للبنت مشان يخلص بس الواحد ما لازم يرمي البنت على مين ما كان لازم يسال ونبش ويتحرى كل اشي
هاي عشره عمر مش لعبه عريس وعروس وبعدين كل واحد اروح على دار اهله
وبعدين يا جماعه التفاهم مطلوب من الطرفين ولازم يوخذ بعين الاعتبار التقارب الفكري اقل شي
والماده بتنحل مع انها اشي مهم بالحياه
عصبي يا اخوي داخل على الله ثم عليك بدي اياك بموضوع وما راح حد اساعدني غيرك
والله املي فيك اكبير اكثير بس مش عارف كيف احكيلك
مشكلتي اكبر من تجمهات اليوهوووو والهت ميل والسكايبي ومكتوب
وكل هذول بتلاقي مشكلتي
يا الله لو تعمل معي معروف ما بنسالك اياه طول حياتي
مع تحيات الذكرى في عالم النسيان
الكنار
هاي عشره عمر مش لعبه عريس وعروس وبعدين كل واحد اروح على دار اهله
وبعدين يا جماعه التفاهم مطلوب من الطرفين ولازم يوخذ بعين الاعتبار التقارب الفكري اقل شي
والماده بتنحل مع انها اشي مهم بالحياه
عصبي يا اخوي داخل على الله ثم عليك بدي اياك بموضوع وما راح حد اساعدني غيرك
والله املي فيك اكبير اكثير بس مش عارف كيف احكيلك
مشكلتي اكبر من تجمهات اليوهوووو والهت ميل والسكايبي ومكتوب
وكل هذول بتلاقي مشكلتي
يا الله لو تعمل معي معروف ما بنسالك اياه طول حياتي
مع تحيات الذكرى في عالم النسيان
الكنار
16-07-2009 12:51 AM
من نور
انا ما بشجع على خربان البيوت لازم تقعدي مع خطيبك وتحكيلو كل هادا الحكي
وتتفتهمي معو ازا حسيتي انو ما في امل تتفاهمو ولا بشي اتركيه
اما بلنسبه للفروق بينك وبينو هادي مشكله كبيرة وحتضل معاكي طول عمرك لازم
تتفاهمي معو بلكي تلاقو حل انتو التنين ويكون القرار يلي بدكم تاخدوه بيناسبكم انتو التنين
وتتفتهمي معو ازا حسيتي انو ما في امل تتفاهمو ولا بشي اتركيه
اما بلنسبه للفروق بينك وبينو هادي مشكله كبيرة وحتضل معاكي طول عمرك لازم
تتفاهمي معو بلكي تلاقو حل انتو التنين ويكون القرار يلي بدكم تاخدوه بيناسبكم انتو التنين
16-07-2009 02:23 AM
فيروس الى صاحبة المشكله
هلا اذا شخصيته مش مش عجبيتك وحركاته مش مريحه الك وانتي مش شابقه في ابو اولادك بضل هاي قناعتك الشخصيه وهاي شغله نسبيه .......طبعا هاد بعيدا عن الناحيه الماديه
وما في حدا ممكن يقنعك اذا انتي في داخلك مش مقتنعه............الحل اولا صلى صلاة استخاره وصدقيني انها كتير مهمه بعدين حاولي تشوفي تجاوبه مع التغير الي بك اياه هلا ممكن انه يكون ذو شخصيه ضعيفه وبحاجه لحدا يمثل قدوه اله.................لا تنسينى من الدعاء
وما في حدا ممكن يقنعك اذا انتي في داخلك مش مقتنعه............الحل اولا صلى صلاة استخاره وصدقيني انها كتير مهمه بعدين حاولي تشوفي تجاوبه مع التغير الي بك اياه هلا ممكن انه يكون ذو شخصيه ضعيفه وبحاجه لحدا يمثل قدوه اله.................لا تنسينى من الدعاء
16-07-2009 05:18 AM
فيروس الى تويتي
بدي اسئلك عن رايك في الكريكاتير المنشور لعماد حجاج الليوم في جريدة الراي طبعا انا علقت عليه وحاب اعرف رايك يتعليقي
16-07-2009 07:16 AM
امل الى تعليق 37
شو صايرين تكتبوا وتردو باسمي اذا ما كان نفس
الشخص الي بعمل بسال وبجاوب لحاله
هذا ليس بتعليقي
الشخص الي بعمل بسال وبجاوب لحاله
هذا ليس بتعليقي
16-07-2009 08:13 AM
حاقدة
صباح الخير على الجميع، وبحب احكي لعصبي من المنظور اللي بصير بالدنيا هيك طلع معي ومش معناه اني فشلت بعلاقاتي ، الحمدلله ما عندي فشل بالمرة ، بس هيك بشوف اللي بصير حوالينا بالدنيا
16-07-2009 08:37 AM
الى جرشاوي من حاقدة
انا ما ئلت حاقدين ، ئلت انانيين
16-07-2009 08:41 AM
الى زعلان ومش فاهم من حاقدة
طب شو بدك يعني ازا اعزب ايش اعملك
16-07-2009 08:46 AM
حاقدة
التوافق اولا واخيرا ، سواء بالمادة او المؤهل او الزرووف المحيطة، وغير هيك بهاد الوئت ما بزبط الا ازا كان الزلمة وضعه افضل ما في مشكلة
16-07-2009 08:52 AM
الأسمر
على رأي المثل
"صحلها جوز كالت عنه إعور"
ايش يعني مراسل؟؟؟ عيب؟؟ ولا حرام؟؟ ولا بدك ياه حرامي يعني مشان يكون راقي؟؟
يا ناس اتقو الله اذا سيدنا محمد عليه اشرف الصلاة والسلام كان يرعى الغنم وما من نبي الى رعى الغنم وهم اشرف البشر على الإطلاق ,,, طيب بالمناسبة السعيدة بس لو نعرف انت من وين !! بديش اقولك يرحم جدك ....
لا حول ولا قوة الا بالله
"صحلها جوز كالت عنه إعور"
ايش يعني مراسل؟؟؟ عيب؟؟ ولا حرام؟؟ ولا بدك ياه حرامي يعني مشان يكون راقي؟؟
يا ناس اتقو الله اذا سيدنا محمد عليه اشرف الصلاة والسلام كان يرعى الغنم وما من نبي الى رعى الغنم وهم اشرف البشر على الإطلاق ,,, طيب بالمناسبة السعيدة بس لو نعرف انت من وين !! بديش اقولك يرحم جدك ....
لا حول ولا قوة الا بالله
16-07-2009 08:57 AM
الامل
ابعدي عنه بالش هالمغامرة اذا بتحسي انه اعلى منك ابعدي احسن والله يوفقك
16-07-2009 09:11 AM
فوفو
يا اختي يا صاحبة المشكلة في مثل بيقولوا الكبار بالعمر بهيك ظروف قال شو ابنك على ما ربيتيه وزوجك على ما عودتيه وازا بالفعل انتي مو فارقة معك الفلوس انتي بتقدري تغيري هدا الإنسان بأسلوبك وبطريقة حلوة بدون ما تحسسيه وبتقدري تقوي شخصيتو وتخليه يثق بنفسو اكثر يعني بس يتصرف قدام الناس تصرف محرج لا تحسسيه انك محرجه منو او فيه بالعكس بينك وبينو فهميه انو انتي بتحبي انو يكون غير هيك وانو يكون راكز والو هيبة قدام الناس ومن هالكلام بس بطريقة حلوة والله يوفقك
16-07-2009 09:40 AM
الى تعليق 28 و29 من حاقدة
هاي وجهة نزر ، ليش بتسموها ئلة ادب، رجاء انتقاء الكلمات وبعدين انا ما حددت شخص بعينو انا كان كلامي عالعموم
16-07-2009 10:04 AM
فيروس
شكلهم جراسيا بصحو متاخر لهلا ما في تعليقات .........صباح الخير
16-07-2009 10:05 AM
الى فوفو من حاقدة
بئول المتل من شب على شي شاب عليه، وعمر الزلمة اللي بتحكي عنو صاحبة المشكلة 36 سنة يعني خلص وئت اعادة الهيكلة راحت،
16-07-2009 10:30 AM
الى الحاقده
يا صباح يا فتاح يا كريم ايش هالردح من على الصبح لسانك اعوذ بالله منه وبعدين شو زروف هاي يرحم جدك تلاقيكي قاعده في براكيه زينكو وعامله حالك مدنيه بلا لقلقه زايده قاعده رداحه مثل النسوان
16-07-2009 10:46 AM
حاقدة
والله انا شايفة يا فيروس كمان المعلقين نايمين
16-07-2009 10:49 AM
الى فيروس
المتخلفين على اشكالها تقع
16-07-2009 10:55 AM
غريب الى فيروس
جريدة الراي ما بتنشر لعماد حجاج انتى قصدك الغد
16-07-2009 10:59 AM
تويتي الى فيروس
صباح الخير يا فيروس بصراحه ما شفت التعليق بس اشوفه بخبرك
16-07-2009 10:59 AM
الى طويطي
ليش انتي عندك رأي كلك على بعضك ما بتعرفي الخمسه من الطمسه مش طبيعي الاعاقه
16-07-2009 11:13 AM
عصبي
أعتذر عن التعليق لضيق الوقت ....
مشغول جدا .....
مشغول جدا .....
16-07-2009 11:28 AM
فيروس الى تويتي
الكريكاتير منشور بجريدة الغد لا ابو محجوب وشكرا لغريب على التصحيح
16-07-2009 11:29 AM
فاتن
ان تنهي العلاقة الان افضل من الطلاق عندما ترى البنت ان الرجل اقل منها لن تحترمه طوال العمر ولا بدد انه سيشعر بذلك مع الايام وستنقلب حياتك جحيم فكري جيدا قبل اتخاذ القرار ولا تقسي عليه لانه اقل منك فهذا حظه من الحياه
16-07-2009 11:31 AM
عصبي الى الكنار
يا اخي .. اليوم بفتح المسنجر وبستضيفك مع اني عاملك بلوك .. بس بفتحه شوي كرمالك
16-07-2009 11:35 AM
تويتي الى الجاهل
بتعرف والله عم تثبت للكل انك جاهل ومعقد ياريت ازا عندك شي مفيد تحكيه وازا ما عندك احكيلي والله بدبرلك شغل عندي يلا بتحمل هبلك وغبائك وبشغلك شوفير عندي وبتريحيني من السوائه وانا بحكي معك بجديه ياريت اتردلي خبر بركي بتنحل عقدتك...........
16-07-2009 11:40 AM
الى حاقده من جرشاوي
عفوا انتي ما افهمتيني انا عارف انك ما قلتي حاقدين بس انتي بتحكي عن حالك حاقده وانا ما حكيت عن حالى اناني وعلى فكره خيبتي املي كنت متوقع انك تفهمي
16-07-2009 11:40 AM
الى 60 من حاقدة
اللفز سعد، وشو نائصهم يلي اعدين في زينكو، احسن من كتير ناس اعدين في أصور
16-07-2009 11:51 AM
الكنار الى عصبي
والله انك زوق على راسي والله تسلم
بس استعجل قبل فوات الاوان وتقع الفاس بالراس
ودخيلك ليش عاملي بلوك؟؟؟؟؟؟؟؟؟؟
ومنوين بعرف ايميلك
مع تحيات الذكرى في عالم النسيان
الكنار
بس استعجل قبل فوات الاوان وتقع الفاس بالراس
ودخيلك ليش عاملي بلوك؟؟؟؟؟؟؟؟؟؟
ومنوين بعرف ايميلك
مع تحيات الذكرى في عالم النسيان
الكنار
16-07-2009 12:15 PM
الى حاقدة من زعلان ومش فاهم
إنتي على راسي من فوق .. شكلهم غيرانين منك ,, ما تسألي عنهم .
16-07-2009 12:19 PM
زعلان ومش فاهم
شو السيرة يا جماعة الخير ,, من مبارح وأنا أدور على عروس وما حدا معبرنا ؟؟ عحساب كلكم فاضيين أشغال . على دوري بطل في حدا . أنا جد زعلت هسا .
16-07-2009 12:21 PM
الى سامر عبسة
والله كلامك جواهر ...وكلك فهم
16-07-2009 12:27 PM
حاقدة
بصراحة هاي الزاوية زاوية فشة غل،
16-07-2009 01:06 PM
عصبي الى الكنار
يخوي .. حط شو بدك مني هون .. عادي .. كلنا عيلة وحدة .. لا تستحي .. واسلوب الفاس بالراس خلاني أصر على وضعك بلوك .. فش اشي بهالدنيا كلها اسمه فاس بالراس ...
أسلوب ما بمشي معي
أسلوب ما بمشي معي
16-07-2009 01:41 PM
عصبي الى حاقدة
فشي ... فشي غلك دادا .. بلا ما ينسد عندك شريان ليلة هالجمعه...
سألوا شخص عنده جمال ... جمال هنا نوع من الدواب ... قالوله .. شو تعلمت من الجمل ؟؟ ( كون الجمل من أحد ميزاته الصبر
رد عليهم وقال .................................... الحقددددددددددددددددددددد
سألوا شخص عنده جمال ... جمال هنا نوع من الدواب ... قالوله .. شو تعلمت من الجمل ؟؟ ( كون الجمل من أحد ميزاته الصبر
رد عليهم وقال .................................... الحقددددددددددددددددددددد
16-07-2009 01:58 PM
الصامت حين يتكلم الى صاحبه المشكله
ليش يا اختي ما تتواضعي شوي وما تفكري تفكيرك هاد انه مش متعلم وانه مراسل اذا انتي بتحبيه حبي حقيقي الافضل الك واله انك تحتويه وتحكي معه على انفراد تام بكل شي مو عاجبك فيه مو غلط الانسان يوجه الانسان الا بحبه ويرفع من مقامه خليكي معي وحطي حالك محله وهو المتعلم وانتي بتحبيه وهو بحبك شو رح تعملي انتي وهو شو رح يعمل انا بتوقع اذا كان تفكيره متل ما بتفكري رح يحاول مرات ومرات عشان يرفع من قيمتك وشانك قدام الجميع انا راي خذي بايده وعلميه الاتيكيت وعدم المزح لانه الفقر وقله الحيله بتخلي الانسان يعمل حركات بفكرهو خفة دم بس هو ما بحس فيها الا بعد فترة طويله اتقربي منه وفهميه انه هيك بعجبني وهيك ما بعجبني سايسيه واصبري عليه فتره ورح تكوني مبسوطه اذا بلش يجاوب معك ورح تكوني اسعد امراة بالدنيا لانك اعرفتي تعلميه بس لا تحكميه وتمشيه على كيفك اعطيه حقه كرجل امام الكل وبالبيت وبدون سيطره وتلعن اهله على الفوته والطلعه ويطلع بالاخير امبهدل وانتي تسخطي عيشته خلي كل شي بالعقل وبالميزان وبامكانك تعلميه هاي هيك وهاي هيك بس بينك وبينه وعاتبيه بحنيه عشان ما تجرحي شعوره ورجوليته وصدقيني احلى شي لما تشوفي تعبك قدامك وانك اكسبتيه وانجحتي بتغير الانسان الا بتحبيه والله يوفقك قولي يا رب
16-07-2009 05:41 PM
hekmat
يا اختي العزيزة انا بشوف انه عدم المؤاخذة انه انتي كبيرة بالعمر وممكن هالفرصة تكون مناسبة بالنسبة لعمرك .. لا تنظري للمال ولا للدين ولا للتعليم
لانه
كل الاردنين مديونين حتى حكومتنا مديونة ولمئات السنين
وكل الاردن وضعهم زفت بس مع هيك عايشين كل يوم بيومه وبحاولو تكون حياتهم افضل .. ما بتعرفي يمكن ربنا يرزق هالشخص بشغل احسن وتتحسن اوضاعه وانتي اكيد رح تساعدية وتحسنو وضعكم ايد وحدة ما بتزقف
بالنسبة لموضوع انه محرج يمكن انتي بتشوفيه محرج ببعض التصرفات الي انتي ما تعودتي عليه لاكن بالتفاهم والحوار اقنعيه بوجهة نظرك انه يحسن من رزانته قدام العالم مشان يكون اب ممتاز مستقبلا وقدوة لولاده
يعني مشكلتك ما بدها تفكير .. كل شي بهون اهم شي انتي تكوني متخذة قرارك عن وعي وما تغصبي حالك عليه..والله هالايام الواحد ما بده غير السترة تزوجي واستري حالك احسنلك من كل الدنيا وبعد هيك كل شي بهون
لانه
كل الاردنين مديونين حتى حكومتنا مديونة ولمئات السنين
وكل الاردن وضعهم زفت بس مع هيك عايشين كل يوم بيومه وبحاولو تكون حياتهم افضل .. ما بتعرفي يمكن ربنا يرزق هالشخص بشغل احسن وتتحسن اوضاعه وانتي اكيد رح تساعدية وتحسنو وضعكم ايد وحدة ما بتزقف
بالنسبة لموضوع انه محرج يمكن انتي بتشوفيه محرج ببعض التصرفات الي انتي ما تعودتي عليه لاكن بالتفاهم والحوار اقنعيه بوجهة نظرك انه يحسن من رزانته قدام العالم مشان يكون اب ممتاز مستقبلا وقدوة لولاده
يعني مشكلتك ما بدها تفكير .. كل شي بهون اهم شي انتي تكوني متخذة قرارك عن وعي وما تغصبي حالك عليه..والله هالايام الواحد ما بده غير السترة تزوجي واستري حالك احسنلك من كل الدنيا وبعد هيك كل شي بهون
16-07-2009 05:42 PM
nidal imran
معلم الرجال بطال والطبع مطبوع وحبره مثل الوشم واياكي انقاذ هذا الزواج انقذي نفسك والفليله ثلثين المراجل
16-07-2009 07:04 PM
عصبي
رفع أسعار المشتقات النفطية ...
16-07-2009 07:13 PM
عصبية الى عصبي
حتى لو اجيت على العشا ما رح تلاقي اشي يوكله , شو انا فاتحيتها اوتيل بتيجي اخر الليل وجه الصبح وبدك عشا كمان انا بس لو اعرف انت وين بتروح كل يوم ؟؟؟
انا خلص بطلت اتحمل هالعيشة , داير على راسك كل يوم وبعدين ؟؟
والرجاء من المحررة النشر , لا تتمقطعيلي اشي من تعليقي بليز علشان ينفهم
انا خلص بطلت اتحمل هالعيشة , داير على راسك كل يوم وبعدين ؟؟
والرجاء من المحررة النشر , لا تتمقطعيلي اشي من تعليقي بليز علشان ينفهم
16-07-2009 07:32 PM
فيروس
مسا الخير للجميع........................عطله ممتعه
16-07-2009 10:21 PM
طولي بالك
يا عمي انتي ليش معقديتها هيك ... ما كل الشباب مديونة دخيل الله ...والله لو كل البنات بفكرة مثلك ما حدا بيتجوز؟؟؟ بس انتي في موال براسك ... بعدين ما تنسي عمرك 32 سنة يعني خلص راحت عليكي احمدي ربك اجاكي عريس والزلمة راضي لا وبدو يعملك عرس يعني لا مخادع ولا بطيخ مثل مال العالم قاعدة بتزن فوق راسك... اتركك منهم ومن الشيطان براسك واتوكلي على الله شو 7 سنين ما احنا بنعيش 60 سنة واحنا مديونين ما بخلص الدين الا بعد ما نموت بيسقط بموجب القانون الله يخلف عليه ويكثر خيرو.... صلي على النبي وتوكلي على الله والله مبين عليه ابن حلال وبالنسبة للمراسل ساعديه ليخلص دراستو ويزبط وضعو ............................... وينتا العرسسسس
19-07-2009 09:54 AM
خافي الله
أي مليح الي لقيتي واحد يضبك ما انت معنسة لازمك ختيار مش شب
19-07-2009 01:31 PM
خاطب جديد وكبير بلعمر
الزلمه كذاب وهاض عيبه الوحيد نصيحه تنهي الموضوع معه(خليكي معززه مكرمه)
20-07-2009 10:46 AM
الى رقم 87
انت اللي اتقي الله ولا تجرح في مشاعر البنت وكل البنات اللي بعمرها ومو متزوجين , شو هالحكي . دخيل الله شو انك دفش بالحكي !
20-07-2009 11:10 AM
ابن الاردن
الجيزه ولا العنوسه
20-07-2009 11:16 AM
مجربة l
انصحك يا اخت امت بفسخ الخطبة لسبب عدم ثقتة بنفسة والفارق الاجتماعي بينك وبينة مما سيسبب لك الكثير من المشاكل هذا ما اعاني منة واللة الحياة لا تطاق
20-07-2009 04:15 PM
ام رأفت
حبيبتي ما بني على باطل فهو باطل ان تقريبا نفس القصه بس اختلاف بسيط حدثت معي مرتين ولكن الثانيه كانت الطامه الكبرى في حياتي
انصحك مدام انتي على البر
الله يرزقك احسن منه
انصحك مدام انتي على البر
الله يرزقك احسن منه
20-07-2009 05:46 PM
حكيمة جدا اخدي براي ولا يهمك حدا
ياختي الزواج سترة مستحيل تلاقي حد زي ما بدك بكرة بتعودي على الصفات الي انتي بتحبيها والواحد بعد ما يتزوج بياخد من صفات خليلة اتي عدلية وفرمتية بالعقل ولا تطلقي ولا عبالك واذا شفتي الامر ميؤوووس منة افسخي ولا يهمك بما انك32 سنة وموظفة وخطبتي بهاد السن معناها انتي امورة وبنت ناس وعالم بجيكي فرص احن وما يصيبكم الا ماكتبة اللة لكم
19-08-2009 01:40 PM
أكتب تعليقا
الرد على تعليق |
تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه. - يمكنك تسجيل اسمك المستعار الخاص بك لإستخدامه في تعليقاتك داخل الموقع |
|
| الاسم : | |
| البريد الالكتروني : | |
| التعليق : | |
وانتي يلي رح تعيشيه معه مو سنه او سنتين انتي عايشة معه عمر بحال
وانتي مو مضطرة ابدا تكملي حياتك وبيكون مصيرك معه مجهول
مابعرف بس برأيي بنصحك ماتكملي معه انتو لسه باول الطريق
وبالنهاية القرار لالك