زوجي يقول لي انت خائنة


جراسا -

انا فتاه عمري 26عاما متزوجه منذ 6 سنوات واحب زوجي لكن قبل اشهر قليلة عرف زوجي اني كنت على علاقه حب مع شخص قبل الزواج ومن يومها تغيرت حياتنا فصار الشك هو المسيطر والضرب هو الحاكم والكلام الجارح .

مع اني نسيت الماضي باكمله واريد ان اعيش مع زوجي لكن يقول اني خائنة
ساعدوني مادا افعل؟ هل اطلب الطلاق لا رتاح واريحه ؟

ارجو عدم التعليقات الجارحه



تعليقات القراء

عصبي
ان كنت لا زلت على اتصال مع السابق أنت خائنة ...

كان واجب عليك منذ البداية الأعتراف له أنك كنت على علاقة حب ولظروف خاصة كل واحد راح في سبيلة .. شو اللي خلى جوزك يعلرف عنه بعد 6 سنوات ؟؟ وكيف عرف جوزك؟؟؟ انتي صارحتيه؟؟ والا نفس الشخص اتصل فيكي؟؟؟

لا ألومك بعلاقاتك السابقة .. فأنا كشاب .. أرضى لنفسي كما أرضى لغيري .. بمعنى اذا كنت أعرف بنت قبل الزواج ( علما بأنني لست متزوج --- وهذه ليست بدعوة للزواج مني ) أراعي أن الفتاة قد تتعرض لنفس الموقف وهنا يجب ان أراعي عدم لومها طالما انتهت هذه العلاقة بشرط............. أن لا يكون قد تخللها أية حركات تسيء الى طهارة الفتاة ( قصدي مفهوم طبعا )
عصبيى الزوج هنا مبررة ...
الحل .. امنحيه بعض الوقت ليهدأ .. أزرعي في نفسه الثقة بأسلوبك معه .. الأسلوب اللطيف غير المصطنع .. خليه يحس انه كل شيء بحياتك ..ومع الأيام .. بهدى اذا كان شخص متفهم ..

اطلعي معه جلسات رومنسية خارج نطاق المنزل واذا عندك أولاد حطيهم عند اهلك ساعتين لتعيشي معه جو الرومنسية بين الشاب والفتاة مش كل اشي بينكم .. جيب لبن ، جيب خبز .... اجعليه يشعر أنك لست زوجه فقط .. اجعليه يشعر أنك صديقة وحبيبة وخليلة وصاحبه ووووو .. مشكلتنا أنه مفهوم الزواج أصبح يقتل الرومنسية لدينا لكثرة الهموم والألتزامات ....

واذا لم يتجاوب بحبشي علا علاقاته السابقة والوي دراعه .. لأنه احنا الشباب همنا نمسك ممسك عالبنت أما احنا نخبص زي ما بدنا عادي مو مشكلة ...واجهيه .. بعقلانية ....وبس .. متت وأنا بطبع اصابعي وجعتني .. أفتتتتتتتتتتتتتتتتتتتتتتتتت
13-07-2009 10:29 AM
لهلوبه
اكتشف الك علاقه ماضيه شو نوع العلاقه اذا علاقه جسديه مع واحد تاني تأكدي مو رايح يسامحك ولا يغفرلك ولا بترجع حياتكم متل قبل الرجل العربي ما بغفر اي علاقه للبنت قبل الزواج وخصوصا اذا كان معتز برجولته او صاحب دين بس انتي ما حكيتي كيف اكتشف علاقتك بالرجل الاخر لانه اذا كنتي على اتصال مع حبيبك الاولاني هون المصيبه اما اذا اذا علاقتك كانت عاديه وحب شباب اقنعيه انه ما في بنت ما بتحب ومش بالضروره انها تكون عملت اشي تستحي منه وانه هو كمان حب بشبابه وقبل الزواج وذكريه بانك زوجه مخلصه واقنعي فيه الانسان بداخله وتعاليلو بالحسنى اما اذا مش قادر ينسى وحياتك صارت جحيم معه فاتركيه وخليه يطلق سبيلك لانه الحياه بالشك مستحيله والبيت بيصير خراب فيها .
13-07-2009 10:40 AM
نشمية
فهمي زوجك انو اي فتاه قبل ان تتزوج وقعت في الحب من شخص اخر ولكن نسيتي الماضي فإذا بقي مصرا اطلبي منه الطلاق او هدديه احسن لك :)
13-07-2009 10:42 AM
الحاقد
يعني هسا الله يوفقكم مع بعض
شو بدو بالماضي
كل واحد عندو ماضي
يمكن زوجك عندو ماضي وانتي ما بتعرفي
والي بضرب مرتو مش زلمه
واللهي مابعرف شو احكيلك
فكري وشوفي الحل المناسب
والله يوفقك
13-07-2009 11:04 AM
من الميزان الى نشميه
ليس كل الفتيات وقعن بالحب قبل الزواج
13-07-2009 11:26 AM
العربي الحر
اه كلام الميزان صحيح
13-07-2009 11:40 AM
لياااااان
لازم تعذريه لزوجك لانه بحبك عصب وانجرح واحس بكرامته انهانت لازم كان يكون في صراحه قبل الزواج انا لو بدي اتزوج بصارح خطيبي اني حبيت قبله مش حأكذب عليه لانه كل واحد في بين ضلوعه قلب ولازم يكون حس بالحب او دخل بعلاقه بريئه سايريه واعملي متل ما بئول عصبي وتمسكي بزوجك واذا انتي مش خاينه بالفعل رايحه تقنعيه وبحبك اله تخليه ينسى ويسامح ويتجاوز عن ماضيكي كمان هو على راسه ريشه يحب وينحب وغيره لأ ما اله بأي علاقه الك قبل الزواج واهمها انهاتكون علاقه بريئه انت بموقف صعب الله يكون بعونك ويخفف عنك .
13-07-2009 11:40 AM
امل
لا اشجع عصبي بما قاله ان الفتيات يخبرن ازواجهن بعلاقاتهن السابقه الناس اجناس

ليس كل رجل يتقبل هذا الكلام ويمكن يتقبله لفترة وبعدها يتغير

اختي لم تبيني لنا الاسباب التي عرف بها زوجك علاقتك السابقه يعني انتي هلا عمرك 26سنة

والك متزوجة 6سنين يعني لما اتزوجتي كان عمرك 20سنة كنت طايشه او جاهله وما بصير

يراجعك بشي قبل الزواج مفروض يوم كتب كتابك يوم مولدك بالنسبه اله

حاولي انك ترجعي ثقته فيكي باسلوبك وحاولي دائما ان تتقربي منه وان تكوني واضحة

وصريحه لابعد الحدود عسى الله ان يبدل الشك للافضل وقولي له ان الله يسامح وانه غفور رحيم

انت لا تستطيع مسامحتي

وادعي دائما له بالهدايه وتبدل حاله من حال الى حال
13-07-2009 12:14 PM
تويتي
بصراحه بما انه الشك دخل البه صعبه يغير تفكيره ما في حل الى الانفصال اما بصراحه ازا في اولاد بينكم لازم تسايريه كرمال الاطفال وتتحمليه شو ما صدر منه وبالاقناع ممكن يتغير طبعا لا تكسري نفسك ازا ما في اولاد يعني بكندرتك ارميه ولا تتطلعي وراكي ... والله الولاد بكسرو الظهر وبخلو الوحده تسكت بس عشانهم .... الله يئطع هل الاشكال المريضه الشكاكه
13-07-2009 12:32 PM
ماهر (ابوحمزة)
بداية نتمنى من صاحبة المشكلة الاجابة على هذه الاسئلة
1- كيف عرف زوجك بامر هذه العلاقة.
2- مامدى العلاقة السابقة (هل تعتقيدن بان حبيبك السابق له يد بالموضوع)
3- يبدو ان زوجك لديه معلومات عن هذه العلاقة بانها كانت اكثر من علاقة حب.
نرجو من صاحبة المشكلة الاجابة على الاسئلة السابقة
13-07-2009 12:37 PM
الملاك
أن ما يزعج الرجل سواء كان صبيا أو شابا أو عجوزا أن كان أب أو زوجا أو احا أن يدخله الشك لمجرد الشك فيما يخصه من مجرد أنها أنثى ، لأن الأنثى في الاسلام محلوق مقدس له كيانة وأهميته لا يصح ولا يحق المساس به .
وبالطبع هذا شيئا حس وهذا ما يمزننا نحن المسلمين والعرب الشرقيين عن غيرنا من باقي الأمم .
أختي العزيزة أن هذا الموضوع له حساسية خاصه وما دام أنه عرف عليك ألا تفتحي موضوعة أبدا ولو وصل بك لإنكاره أبدا لأن شكه بموضوع علاقتك السابقه ب 99% أحسن بكثير من تأكيد العلاقة ولو بنسبة 1% منك .
وفي حال فتح مثل هذه المواضيع بوجودك ووجود زوجك يجب عليكي
إهمال هذه المواضيع وعدم النقاس بها وفي حال أخذ رأيك فيها عليكي إظهار مساوئ العلاقات وذمها .
فيه مثل قديم بقول: ما فيه شجرها إلا وهزها ريح . .. ما فيه شب أو صبيه إلا وفي نفسها شي ولكن بإختلاف طبيعة العلاقات ، عليكي أن تتحملي زوجك وان تصبري لعلها سحابه ماره والله يستر على كل ولايا المسلمين .
13-07-2009 12:55 PM
طيب
طيب شوفي يا عزيزتي
إنت من خلال أخلاقك رح يحكم عليكي زوجك
يعني إذا كنتي ملتزمة بصلاتك وحشمتك وأخلاقك الكريمة فلن ينعتك بهذه الصفة
طيب إذا ما كان يوثق فيكي وأنتي على قدر كبير من الأخلاق فعليكي بإخبار والدتك وهي بتنصحك وهي ادرى فيكي منا
طيب انتي ليش عملتي هاي العلاقة اللي ما سببتلك الا المعاناة بمسقبلك
طيب انشالله البنات يقرو قصتك ويعتبرو
طيب بصراحة بعد 6 سنين جاي يشك فيكي والله غربية
ماعندك ولاد طيب
ماشاف اخلاصك اله خلال ال6 سنين
طيب الخلاصة اصبري والأيام حتبينله إنك محترمة بس اعملي متل ما قلتلك وادعيله لزوجك بالهداية
13-07-2009 01:23 PM
خبير
من رأيي ان تطلبي الطلاق وتتزوجي برجل آخر لة اسبقيات خيانة و يقدر معنى الخيانة السابقة حتى ترتاحي
13-07-2009 01:27 PM
الملاك
أين تعليقي يا جراسا؟ إذا ما بنعجب بلاش بنوب أعزائي .
13-07-2009 01:57 PM
عصبية
وهو شو دخله بماضيكي , يعني هو اللي صفحته بيضاء .
عصبي اذا انت بتقول لازم تعترف , هذا خطأ طبعا
لانه اكيد رح يضل يعاير فيها
وهو ما بصير يفتح الماضي
13-07-2009 02:05 PM
الى السيد عصبي
تستحق الاحترام بالنسبة لردودك لانها تظهر مدى الثقافة والخبرة بالحياة شكرا بالتوفيق باذن الله
13-07-2009 02:08 PM
تعليق 4
اكتفى بتعليقك الرائع الماضى صفحات انطوت للابد
13-07-2009 03:04 PM
جرشاوي حر
ليش تحبي الزلمه الاولاني اذا ما تزوجتيه وليش ما حكيتي لزوجك من اول مش عارف شو الحل اثبتي لزوجك حبك الو

مع تحياتي للمعلقين
13-07-2009 03:05 PM
امل
وين تعليقي
13-07-2009 03:28 PM
عدبم الاحساس
راي انك لسه صغيره وبس تكبري شوي راح تتغيري
13-07-2009 03:33 PM
ابويوسف
انا اقول الكذب احباله قصيره والبنت الي بتخبي قصتها قبل الزواج اي الحب برضه في يوم من الايام راح يبين كل اشي انا رايي ان يكون صراحه بين الزوج والزوجه في كل شي ان تتكلم الزوجه عن ماضيها ويتكلم الزوج عن ماضيه قبل الزواج وشرط ان لاتكون الفتاه قد وقعت لاسمح الله ولاقدر في المحضور وفي يد شخص متهور لايهمه الا اشباع رغباته ورخصت نفسها له لاسمح الله فيجب ان تكون الفتاه واعيه بكل تحركاتها وان تنضر للمستقبل وتفكر بانها ستكون زوجه وام اولاد ولن يقبل رجل عنده كرامه امراه رخصت نفسها للااخرين وبهذا تكون الفتاه الرخيصه قد دمرت حياتها ان رغبت بلزواج من رجل له كرامه وشرف اما اذا رغبت بلزواج من شخص لاشخصيه له ولاتهمه كرامه فهذا شي اخر الرخيصه وصاحبه الملذات فاشله فاشله فاشله وانشاء الله تكون صاحبه القضيه او المشكله من البنات التي لم تتجاوز علاقتها قبل الزواج المحضور وانصحها اخير ان تتعامل مع زوجها بلصدق والبراه وان تكون صادقه باقوالها وان تتطابق اقوالها مع افعالها حتى تكسب ثقه زوجها وان تجلس معه الجلسات الرومانسيه الدافئه وتشعره بانه هو حبها الاول والاخير وتحمد الله بانه صار زوجها وابنات مابدهن تعليم لاانهن بعلمن الشياطين دروس وتستطيع ان تجعل الابيض اسود والاسود ابيض واذا رغبت صاحبه المشكله من كل قلب ورب انا عللى ثقه ان تفتل عقله من شروشه واقول هذا الكلام وانا متاكد منه 100% اما اذا بتتعامل معه ند بند فلتنتضر الطلاق او العيش الضنك لاهو مرتاح ولاهيه مرتاحه وبعقد الاولاد بقله عقله وعقلها اصحو واكبرو عن التفاهات
13-07-2009 03:34 PM
الصامت حين يتكلم الى صاحبه المشكله
شو مين حكى لجوزك انتي والا حد من اهلك والا مين بدنا نعرف احكي الصحيح عشان الواحد يعرف يكتب كلمتين تقدري تستفيدي منهم وحبل الشك والغيره كتير طويل ولازم تقصيره بشطارتك ومهارتك ورومنستك وكلماتك الا تخلي زوجك يتقرب منك اول باول واهم شي ما تهملي بنفسك وببيتك واولادك وما تفكري بالموضوع واهم شي ما تكوني عجوله بدك الموضوع ينتهي بسرعه هذا الحكي صعب الموضوع بده طولت بال وصبر كتير واهم شي ما تفتحي الموضوع معه ورح ينسى اول باول انشاءالله وترجعي لحياتك من جديد
13-07-2009 03:34 PM
عصبي الى أمل تعليق 8
لنبتعد عن سذاجتك الآن

أنا قلت اذا كان الها علاقة مع شخص بهدف الزواج وما صار نصيب وكل واحد راح بطريق.. مش انه تكون على علاقة صحبة وقلة حيا

كم بنت تعرفت وخطبت وفسخت ... يعني اذا صار معها شيء من هالقبيل فرص زواجها تنتهي؟؟؟

لا تعارضيني قبل قراءة تعليقاتي بتمعن .... مشكلتك متسرعة جدا ...........
13-07-2009 04:09 PM
هلا عمى الاصلى
شى طبيعى الواحد ببداية حياته بيحب كان شب او بنت وشو يعنى كانت تعرف شب المهم انها تزوجت اللى بتحبوا وبتمنى يكون هوا كمان بيحبها اما اذا هلا بلش هو بهل الحركات بيكون واحد من الاثنين يا اما عم يلعب بديلوا علشان يذلها ويعمل اللى بيحلالوا بهل الحجه اللى ما الها معنى او انو ماسك عليها ممسك صح برجوعها للحب القديم وتكون سهلة المنال للماضى ؟؟؟؟؟؟
فكرى بعقلك وانسى قلبك وشوفى حياتك وين وخصوصا بعد ست سنين اكيد فى اولاد بينكم فكرى بمصيرهم والله يكون بالعون ..
13-07-2009 04:40 PM
عصبي الى مدامتي عصبية تعليق ( 15 )
أحكيلهم ماضيكي؟؟ وكيف تعرفت عليكي ووين؟؟؟ ناسية الجورة اللي في البلد عند سوق الحرامية؟؟

ومع ذلك أعيش اجمل ايامي معك .... بكفي بس أفوت البيت أشوف هالكشه منفشة وولادنا الخمسة بستنوني وهالخنانة نازلة منهم بتعطيني دفعه أني ابطل تدخين واعيش بهالجو البجنن معكم مع سمفونيات الزعبرة الليلية وعزف جعير الاطفال ..

الله يخليلي اياكي عصبية ............ بكفي امك .. امككككككككككككك .. يا الله شو بتحترمني ...

جراسا أرجو النشر للدعابة وتغيير شوبة جو ........
13-07-2009 04:42 PM
تويتي
وين اللعبه الخشبيه عجيب اليوم ما بان .............اظهر وبان عليك الأمان ........ والله عم بدعيلك انشاالله اتكون اشفيت بأذن الله
13-07-2009 05:37 PM
الى طويطي
هيني ......
13-07-2009 07:02 PM
تويتي
والله واهلا وسهلا فيك سبحان الله كيف بتعرف نفسك ...كيف نفسيتك اليوم
13-07-2009 07:34 PM
خالد كناريا
متزوجه من 6 سنوات وما حبك مش معقول لانه لو حبك كان ما شك فيكي اسف بالكلمه اكيد لاحظ عليكي شي بس حاب اسألك من 6 سنوات حبيبك السابق ماشافك ما حكى معك لانه هاي مش غيره هاد شك وربنا يوفقك يارب
13-07-2009 07:49 PM
الى طويطي
نعتذر
13-07-2009 08:52 PM
تويتي الى الجاهل
الله بعلم شو مخبص عشان ما نشرولك .....
13-07-2009 09:35 PM
مني الى جراسا
نزلوا تعليقي لتفكر اني مخبص انا ما قلت غير لا تصبحي على خير
13-07-2009 09:48 PM
عملن
إلى صاحبة المشكلة :
الزواج ارتباط مقدس قائم على أساس التفاهم و الثقة و الإخلاص . عليك أن تجلسي مع زوجك و تخبريه بما أخبرتنا به و بكل جرأة أدبية و صراحة . ليس الحل بالهروب فمدة زواجكما ليست بالقصيرة فعليكما أخذ هذا بعين الاعتبار . كما أنها مدة كافية لتتأكدا من إخلاصكما لبعضكما
13-07-2009 09:49 PM
تويتي الى الجاهل
الله يخليك ازا بدك تئلبها دعاوي فحل عني مو نائصني ....
13-07-2009 10:41 PM
الى طويطي
نعتذر
13-07-2009 11:32 PM
خبير
للحصول على حل لهذة المشكلة ليس لكي الا هيفا- حاولي ان تتقمصي دور هيفاء وهبي امام زوجك يعني بنجية بغنوجه واحكيلة حطللي تليتة باللهجة اللبنانية وان شاء اللة كل امورك بتنحل وما عليكي في الباقي
14-07-2009 07:05 AM
اردنيه فايعه
يا ميزان ويا عربي حر


مو شرط انه البنت تكون واقعه بقصه حب مشان يكون الها ماضي وذكريات


معنة الماضي انه البنت الها علاقه مع اي شب لو كانت مجرد صداقه


يعني مجرد انه البنت كان بتستلطف الشب وحكت معه على اساس اخ او صديق او شخص مقرب

هاد اسمه علاقه بين شب وبنت

مو متل ما انتو فاهمين نوع العلاقه

وسلامت فهمكم اوك

بدون استوعاب جانبي

يكون استوعابكم عقلاني

مع كل الاحترام

طبعا انا اول مره بدخل على الصفحه هاي يعني اعتبروني صديقه جديده

يعني معنى صداقه ها د يعني انه في علاقه بيني وبينكم
وهون معناها انه احنا على علاقه كأصدقاء على هاي الصفحه

يعني العلاقه الها اكتر من تحليل

اوك
والشكر للجميع
14-07-2009 09:27 AM
هبه
عصبي صاير يفهم يا جماعة اول مرة يقراله تعليق في عقل ومنطق لا ورومنسي كمان
14-07-2009 10:32 AM
احل الوحيد والأكيد
اذا كان حبيبك متواجد وقريب ويعرف اسمه وشكله انصحك ان تطلبي الطلاق ولو كنت انت معي طلقتك لأن الي تسمح النفسها تحكي طول اليل مع شب بأسم الحب . والذي هو بنظره تسلية وهماله ان اقل هذا الكلام لأني شب وكل علقلتي السابقة كنت اعتبره تسلية واذا كانت البنت هبله بحصل على شيئ ممتاز منها وخاص بنات اليوم ما بدي اكمل لأني هسع بشنع
14-07-2009 10:44 AM
الحمد لله على نعمة الاسلام
السلام عليكم ورحمة الله وبركاته
اولا: من عمري 18 ودرست بالجامعه اربع سنين كنت اشوف البنات يحبوا وفارس احلام وهي الكلمات يلي ما لها طعمه كانت بالنسبه الي كانت بمخيلتي انا بيوم من الايام بدي ارتبط بانسان وكانت هي الفكرة مسيطرة على كياني والله والحمد لله هلا عمري 25 سنه ولغاية الان ما عملت علاقة مع اي انسان لاني بيوم من الايام بدي ارتبط بانسان فلازم اكون مخلصة لحضرته قبل وبعد الزواج وبنفس الوقت انا بدي واحد متلي ماعمل علاقة سواء صداقة ولا غيره.
ثانيا: بشكر صاحبة المشكلة وبطلب منها انها تجاوب اذا بدهاعلى سؤالي : هل انت نادمة على العلاقة يلي كانت؟ ولا انت مو حابه حياتك يلي صارت جحيم؟
14-07-2009 11:02 AM
عصبي الى هبهب ( هبه )

ششششششششششششششششششششششششش .. بس يا بنت
14-07-2009 11:46 AM
هبه
انت اللي اسكت اللي بسنك ما بستعملوا النت اوكي ماما
14-07-2009 12:04 PM
عصبي الى هبه
هالنبرة مو غريبه علي............................
14-07-2009 12:37 PM
خبير الحياه الاجتماعيه اردني خارج الوطن
مش خطا انه الواحد يكون له علاقات قديمه ولكن الخطا ان يعمل علاقه وهو مرتبط كان الاجدى ان تخبريه بالقصه قبل الارتباط ما علينا لكن يجب عليك نسيان الماضي والزمن كفيل بذلك فانتي الان على ذمه رجل وثانيا يجب عليك ان تحبيه وتشعريه انه ما في حدا بحياتك غير هو بس يثق فيكي فهو راح تختلف معاملته الك وادعيلي
15-07-2009 02:11 AM
من دندن الى صاحبه المشكله
انا مع كل كلمه حكاها الصامت حين يتكلم ................

26-07-2009 08:49 PM
راما الاموره
حبيبتي كلنا النا ماضي
حاولي تشروحي لزوجك انه علاقتك السابقه ماالها وجود هلا بحياتك وانه ماصار اي شي بينك وبينه كله بحدود الادب
واكيد زوجك كان اله علاقات قبل زواجكم
انا براي انك تستغلي اي فرصه زوجك يكون هادي او انتي اعملي جو رومانسي وحاولي تحكيله انك بتحبيه كثير ومابدك تنفصلي عنه ابدا
اما اذا مااتغير شي فالطلاق افضل لطرفين
وانشاء اللله مايصير هيك
بتمنالك التوفيق
28-07-2009 01:53 PM
ابو مراد المعذب
يا سبحان الله لقيت الانسانة الي واقعة بنفس المشكلة الي انا فيها صحيح زي ما بيحكي المثل ان خليت بليت
انا اختي العزيزة شب متزوج وارجوكي وارجوكي نتواصل مع بعض لاني انا اوقعت بنفس مشكلتك
زوجتي اعترفتلي متلك بانها كانت على علاقة قبل الزواج ولغاية الان حياتنا بعذاب مع العلم اني الان عندي تلات اولاد وعمر زوجتي من عمرك ومشكلتها نفس مشكلتك
بس انا حابب اعرف شغلة ليش دمرتي حياتك وليش النسوان سواء انتي او زوجتي دمرتونا اشي صار قبل الزواج معك في داعي تفتحي سيرتو لزوجتك الله يسامحك ويسامح زوجتي على هيك انتم عذبتونا شو بدنا نعمل معكم وليش هيك اعملتو كل واحد بيكون الو علاقة قبل الزواج سواء الرجال او الست بس في داعي تفتحو الاسرار بعد الزواج نفسي اتعرف عليكي واعرف شو رايح يصير بينكم لاني زي ما حكتلك انا بنفس المشكلة انا وزوجتي يا ريت نتواصل ونحكي مع بعض بالتفصيل وتحكيلي عن حالك واحكيلك عن حالي لاني انا بعذاب يا ريت بلقي القينا حل مع بعض الي والك ازتا بدك ببعتلك ايميلي
24-09-2009 12:07 PM
ابو مراد المعذب
يا ريت تحكيلي انتي حكيتي لزوجك والا زوجك عرف لوحدو زي ما حكتلك انا عندي نفس المشكلة بس انا زوجتي خبرتني بالتفصيل الممل عن العلاقة ومحتار ومتعذب من الموظوع بستنى رد منك يا ريت انتي ايجيتي على وجعي ارجوكي
24-09-2009 12:14 PM
swmj1570
يا ريت نتواصل ابو مراد
28-09-2009 09:38 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات