فاتورة الرئيس .. قيس قبل ما تغيص !


يا رجل هذا المبلغ من عقلك ... معقول هذه فاتورة سكنك ... فاتورة عن شهر .. ولا سنة .. ولا عن كل عمرك ... يا هملالي ما حدا قدك ... اصرف وكيَف ولا يهمك ... ما دام في ناس بتدفع عنك ... ولا تتأثر بحكي الناس ولا تحرق دمك ... أصلاً قطعوا الكهربا عنا عشان تضل جاية عندك ... على مهلك يا شعب على مهلك ... أصلاً الرئيس كل الليل سهران من أجلك ... بس بصراحة الناس فاقعة منك ...... !

شاطر بس تقول يا شعب اربط الحزام على خصرك ... وكل قرار بتبعة تصريح ... 70 % من الشعب لن يتأثر بمسار التصحيح ... ورفعت سعر الكهربا على الناس ... بس يمكن فاتورتك مش مقياس ...

13000 دينار ... قيمة فاتورة الرئيس عن سكنه بالدار ... يارب سترك يا جبار ... شعب عايش حالة دمار ... محروق بنار الأسعار ... لا كهربا ولا غاز ... ولا حتى في جرار ... الواحد تطلع روحه ليجيب الدينار ... هؤلاء هم الكبار ... رواتب بالقنطار ... ومصروف عالي بكل استهتار ... مزايا ورواتب وبدل جلسات ... وأكيد كله مقابل العمل والإبداع والانجازات ... وهات يا قلبي غثا وهموم هات ... !



تعليقات القراء

طبوش
انا ضد القيل والقال ، لكن فعلاً تناقلت الأخبار ان فاتوره لشهر واحد لسكن الرئيس قاربت ال13000 دينار ، بالله عليكو مش رقم كبير، اليوم بيطلع ما يقارب 433 دينار فقط ثمن محروقات ، ، الساعة بتطلع ب18 دينار. الله يرحمك يا وصفي التل. وصفي التل الله يرحمك ويرحم اللي خلفك ، ويجعل مثواك الجنة. إن شاء الله.
29-12-2013 09:27 AM
يا هلا
يا سلام لما الكاتب اسير شاعر من ورى فاتورة الكهرباء الي خاصه بالرئيس فما بالك هذا واحد من هاالوطن الي قاعده فاتوره بالزيد مديونيه وترفعها المسؤليه حتى اتغطي الميزانيه حتى تلحق فاتوره الباشاويه والي بلاش كثر منه ولو سوالك تخمه ما في غير مش لقي شمعه يضويها ولا ينسى مافيها الوالد بقول هات الدينار حتى نشعل شعلة نار وانوفر هاالكهربا حتى تكفي الوزراء وأكيد كله مقابل العمل والإبداع والانجازات لخدمة هالمواطن الغلبان الي سار في النسيان يا هلا يا هلا يا هلا
29-12-2013 09:39 AM
الى يا هلا
خاف الله يا زلمه ذبحت اللغه العربيه وين تعلمتها يا خوي
رد بواسطة شكلك مقهور
اتعلم تكتب بعدين بتذم الي اكبر منك
29-12-2013 10:58 AM
ابو ربيع
حرام فعلا يكون فاتورة سكن الرئيس الحكومة بهيك مبلغ خيالي ممكن يعطي كهربا لاكثر من 100 منزل في الاردن
بس والله لا في رقيب ولا حسيب غير الله سبحانه وكل شي عنده مسجل
29-12-2013 12:42 PM
يعني صدقتوا
انه الفاتورة بهالمبلغ ؟؟؟ حد شافها فيكوا؟؟؟ شو كاين فاتح مصنع بالدار!!! "يا أيها الذين آمنوا إن جاءكم فاسق بنبأ فتبينوا"
29-12-2013 02:12 PM
الى رقم 5
نعم الفاتورة موجودة ومعروضه على المواقع الاخبارية وهي بنفس الرقم تقريبا
واذا رئيس الحكومة عنده غير ها الحكي يطلع يرد على الناس وينفي الحكي
29-12-2013 07:46 PM
؟؟؟؟؟؟؟؟؟
............
29-12-2013 08:20 PM
انور المحارمه
كبر مقتا عند الله ان تقولوا مالاتفعلون........... شبعنا تصريحات وتنظيرات ووطنيات مزيفه... هل يستطيع مسؤؤل حكومي ان يوضح لنا هذا الرقم ولماذا ومن المسؤؤل؟؟؟
30-12-2013 11:40 AM
طالب حمد
وهات يا قلبي غثا وهموم هات ، يا هملالي . صح لسانك محارمة
30-12-2013 11:49 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات