جراسا -

انا فتاة عمري 22 سنة حبيت شب وانا سنة تانية جامعة كنت وقتها خاطبة ابن خالي وتركته عشان هاد الشب وصار اكيد كتيييييير مشاكل مع اهلي وكمان ابن خالي كان كتير شكاك فهربت من الموضوع للحب جديد .

بلشت القصة من سنة اولى كان الشب يطلب يحكي ما كنت اقبل لأنه كان بنفس الوقت صاحبة يطلب يحكي معي فحسيتها انها قصة تحدي بين شباب كنت ارفض الا انه صاحبة طلب مرة ومرتين بعدين زهق بس الشب ضل يحاول للتاريخ 7/12/2005 كنت بحالة نفسية عمى من مشاكل خطيبي واهلي .. قبلت احكي وهو اجى قلي انا شهرين وبتخرج وبعديها بسافر انا ما بلعب يا بنت الناس وبدي اياكي بصراحة انبسطت وزي اي بنت انهبلت وحكيتلو طيب ..واكيد ما قلتلو اني خاطبة وهيك اسبوعين كنت متركة خطيبي .. وبعديها حكيتلو اني كنت خاطبة وتركت خطيبي عشانك والسبب الأغلب انه كتير كان يعملي مشاكل معا امي .. هيك بلشنا ومضينا احلى شهرين بالجامعة ما بنساهم لتاريخ 7/2/2006 كان يوم تخريجه حضرته وشفت اهله وحسيت ساعيتها انه جد شاريني وبعديها بيوم سافر عالأمارات .. ضليتني عالوعد انه هو بحياتي وبس كل اشي يصير معي اروح احكي الا كانت غلطتي الوحيدة انه في شغلات قديمة ما حكيتها اله اعتبرها كذب مشيناها .. وشغلات بخاف يتركني اغلطها من غير قصد بس كنت ارجع احكيها يبهدلني وهيك لحديت بطلت احكيلو اشي من خوفي يتركني وعشان احافظ على حبنا .. كنت عمستوى الشباك استاذنة وهو بعيد احكي هو بعيد  انا بحافظ على حبنا عشان هو ما يجي يوم ويخوني ... مضت اول سنه ورجع بكل حب تعاتبنا شوي ورجع الحب والفرحة غامريتنا .. وسافر سنة وبعديها قرر يستقر هون عشنا 8 اشهر كان ما يمر يوم الا ونتخانق وانا كتير بغار وهاد الأشي قلب ضدي وهو كان يقلب كل اشي هو عملة غلط علي ودائما يا سبحان الله انا الغلطانه .وناهيكم عن الشك والغيرة والشتاءم وانا ساكته كلو عشان ما اخصرو وفلانه وفلانه احسن منك والخ من هذه التجريحات . مع العلم اني حكيت لأمي عنه وطبعا لقيت معارضة بس اقنعتها .. وبعدت عن الكل حتى صاحباتي عشان ما يحس اني مقصرة وملتهية بحدى غيرو ا .

المهم بعد كل هاد اجى بيوم بقولو ما بقدر اشوفك عشان مشروع تخرجي والتدريب . ما لقيت الا الرد نكران كل اشي عملتلو اياه وطلعت ولا اشي .. ساعيتها بلحظة ودون تفكير تركته .. اكيد ما اجا القرار من عبث هاد بعد تراكمات كتيرة واهانات منه واني بحياتي ما حكيتلو وما حبيتو يعيني بالمختصر انا ما عملتلو اشي .. يا سيدي شكرا ... بعديها حاول انا كنت خلص مش قادرة ارجعلة لأنه جرحني بحكي كتير كبير .. وهلأ ببعتلي حبيبته الجديدة اتعرف عليها ونصير صاحبات حكيتلها اهلأ وسهلا وديري بالك علية بس بعد بيومين بقولي انا بحبك انتي مو هي قولتلوا لأ ما بقدر اخونها لأنها امنتني بس رجعنا نحكي عادي وبيوم بلشت ارجع اتعلق صرت ابعد وبمرة جرحني بكلمه وغير كلمات التلطيش وانه كل الغلط مني انا رجع يهين ويسب ويسمع حكي رجعت قاطعته وخلص للحتى يبعتلي مسج اني مريضة نفسية ويجب مراجعت الدكتور النفسي ... اهل برأيكم يا قراء "جراسا نيوز " غلطت بشيء في حق هذا الغالي على  قلبي الى اليوم وهل من حقة بعد هه السنوات ان يهين العشرة .. ؟؟؟ اسفه على الأطالة بس حبيت احكي واخلص الى اليوم يلاحقني وانا محتارة ومترددة