هل من امل ؟؟؟؟؟؟؟


جراسا -

انا فتاه ابلغ من العمر20 احببت شخص لحد الجنون وهو احبني كثيرا لكن فجأه تغير كليا من غير سبب وبدون مقدمات وبعد فتره كلمني وقال لي ان كل شيء بيني وبينه انتهى وبدون ما يحكي شو السبب وحاولت اعرف شو السبب اكتشفت انو واحد من اصحابه حكى عني اني بحكي معه وانا على علاقه معه بس انا (والله العظيم ) عمري ماحكيت معه ولا قعدت معه بس اكتشفت اانو صاحبه بحبني وبدو اياني عشان هيك خرب علاقتي مع حبيبي وبعد فترة حبيبي اتعرف على بنت على التلفون وصار يطلع على جامعتها وهي تيجي على جامعتنا ولما واجهت حبيبي حكالي انا بحب هاي البنت وبدي اتجوزها وانا وانتي ما في امل نرجع لبعض حتى ولو 1% بس انا لسى عندي امل انو نرجع بس انا بلاحظ عليه رغم انو حكى انو مافي امل نرجع لبعض بس هو بعدو بسأل عني صديقاتي وبضل يطلع علي ويراقبني وين بروح وين باجي .

وانا مازلت احبه كثيرا ولا استطيع ان احب غير ولا بنساه لحظه وحده



تعليقات القراء

وحده
اتعرف ع بنت ع التلفون؟؟؟؟حلو
ما بدك ياه حاولي تنسيه اصلا لو بحبك و واثق فيكي كان ما صدق صاحبه او ع الاقل كان سالك
بس شكله بتسلى ومش متمسك فيكي من الاساس.
12-06-2009 01:56 AM
مروة
خليكي هيك بس لاتعطيه عين صدقيني رح يرجع انشالله
12-06-2009 02:18 AM
كناريا
صدقيني انه هو بحبك كمان وبموت فيكي وعمل الحركه هاي عشان يغيظك ويشوف حبك إله بس وصدقيني كمان انه هاد إحلى حب في الدنيا عارف ليه انا بحكي هيك لانه صار معي نفس القصه وخذي نصيحتي واجهي صاحبه قدامه عشان الثقه تكون موجوده دائما واكيد دائما فيه امل
12-06-2009 02:26 AM
شيطان أبو معكوس
نعتذر
12-06-2009 09:02 AM
غريب
اولا يا عزيزتي الزمن كفيل بانه يخليك تنسي حبيبك انا مجرب هالحكي لما كنت بعمرك
وهلأ بعد 10سنين صارت مجرد ذكرى (حزينة او جميلة مو مهم )

تانيا اللي بيبعك بيعه وكرامتك اهم لاترخصي حالك
اذا فقد الانسان كرامته ما بسوى اشي واتوقع كلامي واضح
12-06-2009 09:49 AM
الماجد
انا بإعتقادي انو الجامعات لطلب العلم و التعلم مو للحب و العشق و الكلام الفاضي
12-06-2009 10:26 AM
Shap
هاي كلها قصص فاضيه شو يعني وحده حبت واحد وتركها كله كذب ومهزله لو عندها وازع ديني مابتحكي هالحكي بس خساره بنات العرب صارو ازود من الغرب وصدق الله في محكم كتابه( ان الاعراب اشد كفر ونفاق )
12-06-2009 11:28 AM
المحامي محمد من الرمثا
انا قرات مشكلتك .. بس صدقيني يا عزيزتي ما في حدا بيستاهل بالدنيا دمعة . واتذكري ان الي ببيعك بيعة والي يشتريك اشتريك . الله يوفقك يا رب وانا اتمنالك حياة سعيدة من كل قلبي والبنات هذه الايام وحتى الشباب بحبووو الشخص الي بيضحك عليهم وشكرا
12-06-2009 11:29 AM
امير
مع كل الاحترام الك المشكله مش انو هو بحكي مع غيرك المشكلة هي انو معظم بنات مجتمعنا بعانوا من فراغ روحي وعاطفي يعني الاصل عمرك 20 سنة فلازم هلا يكون تفكيرك موجهه نحو اتجاهات جدا مختلفة عن ماهو الان
نصيحة فكري بحالك ومستقبلك ودراستك
12-06-2009 12:11 PM
محب صادق
الي باعك بيعيه بارخص سعر
12-06-2009 01:52 PM
المتهسهس
انا بحكي نبعتلك عليه شباب يطبشوا ويطبشوا البنات معه وهيك بتكوني مبسوطة ان شالله
12-06-2009 04:46 PM
العاشقة
كل الرجال من طينه وحده
شو بدك تعملي والله يجازي اللي كان السبب
12-06-2009 09:23 PM
بلا حب بلا وجع قلب
3njd ma bdek kol had el7ob..lano ma fe mno 3'er wj3 elras o b3den ana jrbt el7ob ldrjh elmoot o b3den kol she entha o bkol sholh .......fla t7kele b7bo o ma b7b 3'ero o b3den ele 5l2o 5l2 3'ero...f5te n9e7te ma bdek el7ob ....o tere balk 3la 7alk o drastek a7selk...lesa bkeeer 3la hek ashya2
13-06-2009 12:47 AM
laith
25retk 2tl2y wa7d 27san menohhh o 7e7byeh 2ktr
13-06-2009 03:16 AM
العنيد
طنشيه وتعرفي على غيره يكون صاحب دين
استعيني بشخص اسمه اسماعيل الفقيه ابوقصي يمكن يساعدك
13-06-2009 12:01 PM
كناري الى كناريه
تعليقاتك تعجبني كتير
13-06-2009 02:03 PM
رائدة
الجامعة مو لهالحكي الفاضي
نتعارف ونتفارق نتعارف ونتفارق ونتزوج ونتطلق وزنا وعرفي و و و و و و
الجامعة للدراسة والعلم مش الوقوع من جورة لجورة
البنت حلاوتها بثقلها
ليش بترخصن حالكن ؟؟؟؟وبتركضو ورا شباب زهقو منكن ورموكم ؟؟
اللي بتتنازل عن كرامتها بتستاهل
والله فتت عالجامعة وتخرجت منها انا وصديقاتي وما حاكينا شب ولا تورطنا
حتى ماكياج ماكنا نحط
شو اللي صاير لهالبنات ؟؟؟؟؟
الله يسترنا دنيا أخرة
13-06-2009 02:05 PM
عبود
تحية للماجد
مع كل الحترام


وتحياتي لكل بنت محترمة بتركضش ورا شباب صايعين
13-06-2009 02:07 PM
Hm
انا متااكد انوه لسا بحبك وإلا ما اهتملك اصلاً ..

ولكن سوى كم حركة عشان يشوف حبك إله وشو حتعملي بهيك موقف ...

وحتى إذا زودها انا متاكد ان لساتوه بحبك ..

وكتتير من الشباب بسو هالحركات عشان يشوفوا الطرف الثاني شو بعمل .. واحيانا بسوها للمل إلي موجود باعلاقة فبحاول ان يستفز ويقهر الطرف الثاني لتنشيط العلاقة ..

-_-_-_-_-_-_-

وانا بنصحك بعد ما يرجعلك تسويها في .. عشان يعرف عذابك ( طبعا إذا كان بحبك اكييد خيتغذب زيك واتوقع اكثر ) ^_^ ..

يلا دمتي بخير .. د

Hm

13-06-2009 06:13 PM
محب الاسلام
قال الله :{ إِنَّ الْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ وَالْقَانِتِينَ وَالْقَانِتَاتِ وَالصَّادِقِينَ وَالصَّادِقَاتِ وَالصَّابِرِينَ وَالصَّابِرَاتِ وَالْخَاشِعِينَ وَالْخَاشِعَاتِ وَالْمُتَصَدِّقِينَ وَالْمُتَصَدِّقَاتِ وَالصَّائِمِينَ وَالصَّائِمَاتِ وَالْحَافِظِينَ فُرُوجَهُمْ وَالْحَافِظَاتِ وَالذَّاكِرِينَ اللَّهَ كَثِيراً وَالذَّاكِرَاتِ أَعَدَّ اللَّهُ لَهُم مَّغْفِرَةً وَأَجْراً عَظِيماً } ..
فإذا أردت ..
النجاه ..
فاتصفي بهذه الصفات ..
إن كنتِ ..
صادقه في البحث عن السعاده ..
فأنا أدلك على الطريق ..
وكلنا يبحث عن السعاده ..
والله ..
لن تجدي السعاده ..
إلا في طاعة الله ..
إلا في الحياه مع الله وفي مرضاته ..
السعاده ..
في التوبه ، والأوبه ..
وفي الاستغفار من الحوبه ..
ستجدينها..
في دموع الأسحار ..
وفي مصاحبة الصالحات الأبرار ..
ستجدينها ..
في بكاء التائبات ..
وفي أنين المذنبات ..
ستجدينها - أي السعاده - ..
في الخشوع ، والركوع ..
وفي الانكسار لله ، والخضوع ..
وفي البكاء من خشية الله ، والدموع ..
السعاده ..
والله ..
في الصيام ، والقيام ..
وفي امتثال شرع الملك العلام ..
السعاده ..
في تلاوه القرآن ..
وهجر المسلسلات والألحان ..
وربكِ باسط يده لكِ بالليل والنهار ..
يفرح بالتائبات ..
ويفرح بمن أتاه ..
وهو قريب ممن دعاه ..
حليم كريم ..
يغفر الذنب ..
ويستر العيب ..
اطرقي الباب ..
وسيُفتح لك ..
سيري على الطريق ..
ستشعرين بالفرق العظيم ..
وسترين النتيجه بنفسك ..
اللهم احفظ فتياتنا من الفتن ما ظهر منها وما بطن ..
اللهم دلَّ الحائرات ..اللهم من حادت عن الطريق ..
فردها إليك رداً جميلاً ..
اللهم وفقهنَّ لتوبة نصوح واستقامه على الحق يا ربّ العالمين ..
اللهم اغفر ذنب المذنبات ..
واقبل توبة التائبات ..
وفرج همَّ المهمومات ..
واكشف كرب المكروبات ..
اللهم ثبت الصادقات واجعلهنَّ راضيات مرضيات ..
تقيات نقيات خفيات ..
اللهم حبب لهنَّ الإيمان وزينه في قلوبهنَّ ..
وكره لهنَّ الكفر والفسوق والعصيان ..
واجعلهنَّ يا ربي من الراشدات ..
اللهم من أرادنا وفتياتنا بسوء فأشغله في نفسه ..
واجعل تدبيره تدميراً عليه ..
اللهم زين فتياتنا بالإيمان والعفه والحياء والحجاب ..
اللهم حبب لهنَّ الحجاب ..
وكره لهنَّ التكشف والسفور ..
وفقهنَّ لخير الدنيا والآخره يا عزيز يا غفور ..
اللهم اجعل اجتماعنا مرحوماً وتفرقنا بعده تفرقاً معصوماً ..
أستغفر الله العظيم ..
وصلى الله على محمد وعلى آله وصحبه وسلم ..
وامحو يا رحمن وزري
عشتُ في الدنيا حزينه
مصحفي ملَّ ابتعادي
في حمى الشهوات ضعتُ
ينقضي ليلي بذنبٍ
قالت الفتيات أنتِ
قلدي تيك الجميله
ثم طرتُ بلا حياءٍ
أُطلق الطرف كحيلاً
لكن اليوم إلهي
قد علمتُ الآن حقاً
قد علمتُ الآن حقاً
إنني لله أسعى
زفرات الصدر قالت
آه يا رباه آه
أنت تغفر للعصاه
كم شكت مني الصلاه
عنه في كل اتجاه
سرتُ في درب الغواه
فوق شاشات أراها
هل تريدين الحياه!
واخلعي عنك العباءه
للهوى أقفو خطاه
أو أُصاحب كل لاه
تبتُ في ليل القساه
كيف ترتاح الفتاه
كيف ترتاح الفتاه
أرتجي منه رضاه
آه يا رباه آه
وأنقذ اللهم الغارقات ..
14-06-2009 05:01 AM
اردني
قصص كلها مسخرة وقلت حيا شو هالموضوع المهم والي امدمرك حبيتي وهو مابده اياكي شفتي شو المسخره والمهزله اهتمي بأشيا اكبر من هيك وارفع من هيك وارجوا من جراسا عدم عرض متل هيك مهزله لانه وبسراحه ما الها اي معني او فائده عالفاضي والله
14-06-2009 12:17 PM
روان
الامل بالله كبير
14-06-2009 01:31 PM
نجم سهيل
السلام عليكم ورحمة الله وبركاته،،،،،،،،،،،


عن أبي هريرة رضي الله عنه قال: قال رسول الله صلى الله عليه وسلم:
((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة».
--------------------

قال اللغوي ابن منظور: «الرويبضة: هو العاجز الذي ربض عن معالي الأمور وقعد عن طلبها، والغالب أنه قيل للتافه من الناس لُِربُوضِه في بيته، وقلة انبعاثه في الأمور الجسيمة».

يبين الرسول صلى الله عليه وسلم أموراً ستصير في مستقبل الأيام وهي حاصلة في واقعنا المعاصر، منها: أن يتمكن التافه من الكلام، وكأن الأصل أن لا يتكلم إلا العاقل الحكيم،
ومما يزيد المشكلة عمقاً ومساحة أن يكون هذا وأمثاله ممن يتناول أمور الجماهير فيساهم في تضليل الرأي العام، وتوجيه العامة إلى مستوى طرحه كتافه قاعد متقاعس، أو على ضعفهم فوُسِّد أمرهم لرويبضة.

يصف الرسول صلى الله عليه وسلم الزمن الذي يصول فيه الرويبضة بالسنوات الخدّاعات، ذلك لأن الأمور تسير خلاف القاعدة، فالصادق يُكذَب والكاذب يُصدَّق، والأمين يُخَون والخائن يُؤتًمن، والصالح يُكمَّم والتافِهُ الرويبضة يُمكن.


هل نحن الان في زمن الرويبضة ..؟؟؟
14-06-2009 07:13 PM
المتهسهس
الى محب الاسلام : سلام الله عليك
الله يقوي ايمانك ما شالله بجوز قعدت ساعه وانتا بتنسخ وهادا شي مبارك منك لانك اكيد بتحب الاسلام والله يسدد على طريق العقبه خطاك .
14-06-2009 07:29 PM
برنس الزرقاء
اسمعي علي اذا ما بدو اياكي بلاش منو عادي لا تزعلي
ادعيلو ربنا يوفقه كوني احسن منه
وانشا الله اذا لسا بحبك يرجعلك اليوم قبل بكرا
15-06-2009 09:16 AM
فلسطين
وانا بعمرك مريت بنفس التجربة بس الي اكتشفتوا بعد فترة انو ما كان فيه حب لانك انتي هلأ بعمر 20 يعني نهاية فترة المراهقة .. احياناً حبيبتي بنكون فاهمين مشاعرنا غلط ... وبعدين واحد شك فيكي مرة صدقني رايح يشك فيكي الف مرة .. لازم تعرفي انو قبل الحب في شي مهم وهو الثقة ... وشي انبى على غلط نهايتو بتكون هيك ... لا تنسي احنا مجتمع شرقي ومسلم وعاداتنا ترفض انو يكون في علاقة قبل الزواج .. انا معك الامر صعب ومو من السهل انك تعودي حالك على وضع جديد بس حاولي تلهي حالك بالدراسة بطلعاتك مع صاحباتك .. احنا بهادنيا بنتعلم الخير والشر وهاد دافع النا ان نمشي في الطريق الصحيح.. واياكي انك تتعرفي على شب عشان تثيريه .. هيك رايحة تأكديلوا انك حكيتي مع غيرو .. مصير الايام تلف ورايح يرجعلك بس نصيحتي الك اياكي ترجعيلوا لانه باعك وما صدقك وصدق غيرك ... وطالما انو حكى مع بنت غيرك تأكدي انو ما حبك لانو لو حبك أقل ما فيها انو يحترم مشاعرك .. ونصيحتي الك خلي كرامتك فوق كل اعتبار ولا تحاولي تفرضي حالك عليه خليكي نجمة بالسما مش من السهل اي حد يطولك .. وبستنى منك تعليق .. واذا بتحبي ببعتلك رقم تلفوني تحاكيني
17-06-2009 11:56 AM
من فلسطين الى تعليق 21
احنا اخوان المفروض منا نتعامل بالمواضيع بعقلانية .. البنت بعدها بسن المراهقة اذا ما حد نصحها وعلمها الصح من الخطأ ممكن لا سمح الله تنحرف ...
17-06-2009 11:59 AM
احمد
نصيحه لكل المعلقين الحب في الجامعات كله كلام فاضي ومجرد تسليه
18-06-2009 11:12 AM
زيد
انا عندي الحل
18-06-2009 12:48 PM
عصبي
صاحبة الشكلة ؟ تعرفي لو انك قدامي ؟ اترفشك على قد ما انا متزعزع منك ، هو بالله أهلك بعرفوا انك بتلفي من وراهم؟؟عندك جرأه تحكي لأخوكي هالمشكلة؟ طبعا لأ لأنك عارف انك مش ( ؟؟؟؟) . قال عمرها 20 ودايره تحب وبجنون ، شكلك لسه داير عالشيبس والشكولاطه ، خلص خلص أقسم بالله تزعزعت من هالقصص
18-06-2009 02:46 PM
مومني
هوه ما بحبك بس كان اتفاق مع صاحبه عليكي حتى يخلص منك هاد بتسلى نصيحه ديري بالك منه ومن صاحبه
19-06-2009 02:24 AM
رياض طالب جامعي
شكرا للتعليق رقم 6 ..
الطالب الجامعي دراستو وبس ... وغير الدراسة أمور تافهة مالازم يضيع الانسان الوقت عليها
19-06-2009 06:13 PM
الذكي
كما قال الدكتور في تعليقات سابقة النفس تعمل ما تعودها عليه كل شخص في هاي الدنيا و خاصة موضوع الزواج ما بياخد غير نصيبه انا مو عارف ليش الناس بتدخل في علاقة ما بعرف نهايتها الا الله خلينا شوي انكبر عقلنا كل شخص لو فكر في هاي الطريقة عمره ما بنجرح و لا بتنهان كرامته
08-08-2009 12:10 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات