الى الاخ صاحب المشكلة اقول لك ان لا تهتم لهذه الفتاة وما دام رجعت الامور بينك وبين زوجتك كما كانت في السابق انسى امر هذه الفتاة وحتى لو لاحقتك واذا كان في الامكان اخبار زوجتك بالحقيقة وسوف تتفهم والله يوفقم مع بعض

الى الاخ الكريم
بنصحك انك ما تترك اولادك وزوجتك عشان واحده

وشو ما حكتلك او شو ما عملت لا تضعف ابدا

لانها رح تهدم حياتك الزوجيه

هاي رح تخرب كل حياتك(تقلبها رأس على عقب)

واتوجه الى الله بالدعاء لابعادها عنك

ولا تهتم لحكيها وحاول ما تشوفها وغير رقمك اذا بتعرفه

وحاول زوجتك ما تحس بشي

وبتمنالك الحياة المستقره ان شاء الله

اعذرني يا صاحب المشكلة لن اكرر نصائحي ارجع للمشاكل الاخرى تجد الحلول الكثيرة
شي غريب جميع مشاكل مجتمعنا الغدر والخيانة
ماهذه الانثى التي تلاحق الرجال المتزوجين
اين الحياء والخجل التي فقدت من بنات مجتمعنا

لماذا الجميع ينصح بمثل هذه المشاكل بالدعاء والصلاة

اذا تصرف الشخص وخان بيته وزوجته اين الوازع الديني الذي يحجبه عن هذه الافعال

يجب ان يصحح نفسه ويرجع للتوبة وبعد ذلك الصلاه ثم الدعاء

فعلا اخت امل اصلا اصبح الغدر والخيانة من شيم مجتمعنا الذي كان قدوة واتمنى ان يبقى كذلك للامن والامان في بلدنا المحبوب الاردن
والله عندي مشكلة ومابعرف كيف بدي اطرحها بس الحمد لله عكل اشي

الحل
بسيط وهو موقف رجل نادم وعائد الى زوجته
بكلام واضح ومباشر الى الفتاه التانبه اخرجب من حياتي

اولا يا اخت امل الظاهر انه عندك عقده و بتعتبري كلشي غدر رغم انه كان بده يتزوج يعني علاقته بالبنت كانت لاسباب طارئه و بداعي الزواج.
اما بالنسبه لك يا اخي صاحب المشكله ما رح اقول على مين الحق لانه بصراحه زوجات اليوم غريبات الاطوار و بيطفشو حتى الملاك.ما تهتم من البنت الي بتلاحقك بس ترى يمكن المشاكل ترجع تاني بينك وبين عائلتك و هون المصيبه بدك تدير بالك ما ترجع تفكر بالبنت حتى لو صار مشاكل.
بنصحك ما تحكي لزوجتك الي صار معك بس حاول فهمها انه فيه وحده حاطه عينها عليك بس بطريقه غير مباشره وبهيك زوجتك ما رح تزعلك ورح تظل خايفه عليك لا حد يوخذك منها.
غير رقم تلفونك و امسح كلشي بيربطك بالبنت الي بتلاحقك و اذا صار وانجبرت تشوفها احكيله الحقيقه و انه بيتك اهم شيء بحياتك و اعتذر منها على كلشي صار وانه اولادك كلشي هلا بحياتك واهم من نفسك يعني فهمها انه مصلحه اولادك فوق مصلحتك.
وربنا الموفق.

من قلبي اشكر جميع من وضع لي الحلول المناسبة لمشكلتي ولهم كل الشكر والمحبة ..... وارجو منكم اصدقائي ان تعلموا بانني جربت معها جميع الحلول دون فائدة حتى اصبحت اراها انسانة متوحشة لن يفرق معها اي شيء حتى سمعنها .... فقد غيرت مكان سكني ومكان عملي وعندما غيرت تلفوني هددتني بالمجيء الى عملي وان تفضحني ان لم اعاود التصال بها او ان لم اعطيها رقمي الجديد ....وقد جاءت عدة مرات الى مكان عملي ولكني كنت اهرب منها خوفا من ان تفضحني لاني انسان اخاف من المشاكل وكون الطرف الآخر فتاة فالمشكلة اصعب مما اضطرني لمسايرتها علها تتزوج ويكون الحل من عند رب العالمين ..... انا اخاف من المشكلة ان كبرت فهي ليست سهلة ...... وانا لو تدرون منذ 3 اعوام اعاني منها فمشكلتي هذه لها 3 اعوام وانا اعيش لحظات خوف على بيتي وعائلتي فماذا افعل قلت لها كتيرا بانني لا افكر بالزواج من اي اخرى نهائيا وانني اموت بدون اطفالي وان علاقتي بزوجتي ممتازة فترد علي بانني انا السبب فانا الذي علقتها بي من البداية ومسألة تركي وشأني خارج عن ارادتها ...... فماذا افعل أأذهب لاهلها ام ماذا ....انا اعيش بعذاب عظيم .... فهي حتى الآن عندما تتكلم معي وتسمع صوت اي زميلة لي بالعمل عندي تثور ثائرتها وتجن فهي تغار علي اكثر من زوجتي .... هل أتزوجها وادمر نفسي وعائلتي وخصوصا انني غيرت وجهة نظري بها بعد تصرفاتها هذه ... واعيش حياتي مدمرا وكل هذا اختصار للمشاكل أم ماذا افعل ... من كلامي قد تقولون انني ضعيف الشخصية وهذا ما الاحظه انا ايضا ... ولكني كما قلت اكره المشاكل وانسان مسالم ... وفي النهاية اشكر الاخوة ابو الشباب فوفو ورورو وامل والاردني على طرحهم الجميل وارجو المزيد من الحلول ....

السلام عليكم
اول اشي بدك تغامر وتصارح زوجتك بكل شيء حتى اذا اتهورت تكون زوجتك على علم بالموضوع
وثانيا حاول انك نشوف اهلها او اي حدا يقربلها واحكيلو ممكن يفيدك
...واخيرا شكلك قلبك طيب و حنون خليك هيك مع اهلك بس .. اما الناس الثانية حاول تكون غير هيك لانو مجتمعنا اتغير كثير ... وهي البنت شكلها عندها مرض نفسي وشكلو مو حب لانو لو بتحبك ما تخليك تعيش بتعاسه ل 3 سنوات .................

انا بنصحك انك تبلغ عنها الشرطة وتحكيلهم وتحكي لزوجتك انه في بنت عندها مشكلة في عقلها
(مجنونة) وانها بتفكرك انك حبيبها السابق
اذا حكيت هيك لا اعتقد انها راح اتشكل خطر على عائلتك
جرب الي حكيتلك اياه واذا ما نفع رد خبر من لاقي حلول اخرى.
وشكرا على الاستماع.

الى تعليق رقم 7

هل ترى ان علاقاته بهذه الفتاه مشروعه من البداية

اول شي انا برأي انو تخبر زوجتك ةتحكيلها انها كانت غلطه وانا ندمان وهي اكيد رح تتفهم الموضوع
تانيا لازم تحكي مع البنت وتحكيلها انو انا رجعت لزوجتي واطفالي

انا برأي انك مصلحجي شو ذنبها انك تعلقها فيك وبعدين بس خلصت مصلحتك منها تركتها هاي اسمها انانية .... وتاني اشي انا مو مع البنت ولا معك بس انت طلبت منها الزواج وما تم دليل انها ما بدها تخرب بيتك ... العلاقة غلط من الأول بس الي بعرفة البني ادم ما بقدر يتحكم بعواطفه .... بس شغلة اذا هي صح بتحبك ما رح ترضى تخرب بيتك يا ابن الناس اقعد وتفاهم معها واشرحلها وضعك ... وعشان زوجتك اذا كانت من النساء الي بتفهمه صارحها واحكيلها بلاش يجي يوم وتتطربق فوق راسك ... لكن بعد ما تفهم البنت الموضوع

اووووفففففففف شو هلي بصير بزمانا الي بتحب واحد قد ابوبها والي بتحب سلفها الي بخون زوجته
اسمعوني كلكم
احنى مش عايشين في دول غربيه اذا بدو يروح على اهلها يمكن يطخو وبطخوها وبعدين يمكن يطلبو شرفيه منك
يا عالم بنت مصدقه عند الجميع كان مجتمع او امن
يا خوي لا ادخل نسوان في حل مشاكلك لئنها بتخرب ما بتعمر بدك اتبهدل بنت اطلق عليها ولد
الحل اذا ما خربطة معها في عنا مكتب حماية الاسره اطرح عليهم الموضوع افهم الشب ما بعيبو اشي كون قوي ولاتخاف من اي اشي بصير
خيو كون جلف المعمله عند مقابلة الفتاه او الحديث بلجوال معها

اتجوزها شكلك الك ثلثين الخاطر لوكنت مكانك رح اتزوجها

دير بالك لا تعمل اشي راح تندم عليه في يوم من الايام زوجتك المسكينة شو ذنبها وولادك شو ذنبهم لا تخرب بيتك بإيدك عشان نزوة
يا جماعة بعدو عن هي العلاقات الحب والحكي الفاضي عشان تسلمو والله هاي الامور عواقبها وخيمة كلو حكي فاضي وانت يا اخي طنشها واثبت على موقفك اياك تضعف وتتزوجها لا تظلم ولادك لانو اتأكد ما راح يسامحوك بس يكبروا الله يهدي الجميع

شكرا لكل الموجودين اللي ادلو بدلوهم لحل المشكلة اللي بعاني منها بس بحب اوضح بعض الامور :
اولا : انا طلبت من البنت الزواج وبحمد ربنا انه ما تم لانها بالنفسية والعصبية هده .
تانيا : انا بحمل ذنب كبير انني علقتها فيا ومستعد اتحمل العقاب بس ما يكون زواج .
تالتا: اللي بقولو روح على اهلها هدا حل مو منطقي
رابعا : انني اخبر زوجتي برضو حل مو منطقي لانها مو عاد تثق فيا على طول وهده راح اتأثر على حياتي واطفالي .
خامسا : كتير حكيت للبنت انه ما عاد اشي يجمعنا وانه مو لازم تتعلق باوهام وانه انا مستحيل اتزوج وادمر عائلتي بس هي ما تقتنع بالحكي . وانا عند هاي النقطة راح اقف عاجز عن ايجاد اي حل لمشكلتي مع جزيل شكري لكل الاخوة الذين طرحوا حلولهم ... وما احكي شيء غير حسبي الله ونعم الوكيل فيها ... انا غلطت يا ناس .... ومستعد اكفر عن غلطي بس ما يكون زواج ........ ما الي غير رب العالمين هو ولي الكل ... الله يحميني منها ... وشكرا مرة اخرى لكل الذين قدموا المساعدة لي من خلال طروحاتهم .

الاخ اسمر كل اللي بتنصح فيه عملته لكن لا حياة لمن تنادي على الفاضي انا مابدي اكبر المشكلة بدي حل بالتفاهم

يا سلام عليكي يا RoRO‏ فعلا كل شي حكيته صح

عندي حل اخر ما بعرف اذا بيفيد و لا
وهو انك تتفق انت والبنت على الخطبه وتحدد يوم وتروح تاخذ معك شخصين او 3 مش اكتر وتجلس متل الملك وتحط رجل على رجل وتقول لها انا جاي اخطب بنتكم طبعا بطريقه محترمه ولكن حط شروط تعجييه متل انها تسكن مع زوجتك وانك متعود تعطي الراتب لزوجتك وانك بدك الزواج يكون بالسر ومابدك عرس ولنك ما عندك مهر تدفعه يعني بصريح العباره تخليهم يكرهوا اليوم اللي انت جيت تخطب بنتهم فيه طبعا هم مش ح يزوجوك وهيك بتقول للبنت انا عملت اللي علي بس اهلك ما بدهم يزوجوك وبتخلص منها يعني اشعر البنت انها رخصيه جدا

شكرا خالد يا زوق

رايي انك تحكي لزوجتك والمفروض هيي تتقبل لانو لو ما كان عندها اهمال من البدايه ما كان صار هيك واطلعت انت بره البيت وهيك ما بضل شي تخاف منو يلي بدها اياه تعملو