عنجد مشكلتك صعبه وانا حاسه فيك والموقف ايلي انت فيه اصعب صعب انك تترك الشركه ميشانها ازا ما بتستاهل وانا متاكده انه ما بتستاهل حبك طبعا هيه الخسرانه بس هاد القدر حاول تنساها ادعي لربنا انك تنساها وانا كمان رح ادعيلك والله يوفقك ويبعدك عنها

علا انتى مش عجبيتك البنت اتركها شو دخل الشركه بعدين الشغل صعب هالايام

اترك قلبك وفكر بعقلك انت تحكي انه وضعك بالشركة ممتاز من ناحية الراتب وانت عارف انه الايام هاي اللي بترك وظيفته ما راح يلاقي غيرها بنصحك ما تترك الشركة على شان وحدة كذابة وحدة مش مهتمة الك او لغيرك بس صدقني وهاد الكلام مستعد اراجعك فيه بعدين انه هالبنت هاي اللي تكذب عليك هسة صدقني انه بعد فترة راح ترجع وراح تحكيلك انها بتحبك وبتموت فيك وانت ساعتها احكيلها باي مثل ما حكيتلك اشتغل بعقلك وابعد قلبك لانه القلب مش دايما يتخذ القرار المناسب خاصة في مثل هيك امور وعلى راي اخوي تعليق رقم 2 ادعس على قلبك وفكر بعقلك

اخي السائل


تقريبا كل انسان مر بهالمرحلة في حياتة مع اختلاف اشكال العلاقة, بس انا بقولك ان الحب

مواسم, ما بينتهي عند شخص معين, الزمن بينسيك, و حيجي اليوم الي تلاقي حب جديد,

نصيحتي انك لما تلاقي هذا الحب تبقى تاخد الطرق الحلال عشان ربنا يبارك في هالعلاقة,

قصتك الأولى اكبر دليل على صحة كلامي, زي ما يكون ربنا عاقبك لأنك عملت شئ هو ما

بيرضاه, انت اخترت تحكي مع بنت و تبني مشاعر بدون صفة شرعية و كان هذا عقابك

للأسف.
بطمنك اني بعرف ناس صار فيهم مثلك و بعدين حبو و تزوجو و عايشين احلى حياة, اما

ذكريات الحب القديم فبتختفي و بتصير اتفه من ان تذكر.


مشكلة الحب أحيانا أنه يطمس على العقل فيصبح الإنسان أسيراً لعواطفه خصوصاً إن كانت تجاه إنسان لا يستحق الحب..

نصيحتي لك اتركها، وما شعرت به من كلامك انك انسان ملتزم ان شاء الله

وانت بتستاهل أحسن منها لأنه يا صاحبي الحب الأعمى المجرد من العقل يجعل الإنسان بعد

الزواج يكتشف خبايا لم تكن في حساباته فوقتها لن ينفعك الندم.

انطلق لحياتك بنفسية جديدة ودور على بنت الحلال ذات الدين اللي تحفظك في بيتك ومالك وأولادك..

من المؤكد انو لازم تتركها و ما تترك شغلاك لأنها مما بتستاهل اتخرب حياتك عشانها وعشان تقدر تنساها نصيحة كل ما تشوفها و تتزكرها خلي في بالك انو ابتعرف و بتحب حد ثاني غارك ومع الوقت صدقني يتنساها حاول اتكره خالك فيها نصيحة مجرب
بعدان هلايام من الصعب انك اتلاقي وحدة مخلاصة والمشكلة انو احنا الشباب لما انحب بنحب بصدق والبنات العكس الا من رحم ربي الله يعينا على هذا الزمن

يا زلمة شو هالكلام ...
ما في شي بستاهل تترك الشركة وخصوصا انو وضعك فيها ممتاز و انك تلاقي شغل هالايام كتير صعب.

وافضل حل براي انت تتزوج اذا بتقدر

وبالتوفيق

raa

داويها باللتي هيا الداء ... اخي عالج هالموضوع بحب جديد بس ما تمنح ثقتك كلها مثل ما حصل معك ولا تدمر مستقبلك مشان وحده لعوب ... الشيء الوحيد اللي راح ينسيك انه ما تندم عليها لانه بالتأكيد حتى لو رجعت الك وحدك مستحيل تفكر فيها زوجه وبدعيلك ربنا يوفقك ويعوضك بالخير

انسى موضوعها ولا تفكر فيها بكره بتلاقي احسن منها والكذب اكبر مصيبة بكره بدك تمسكها بيتك وحياتك ما بتصدق معك باي اشي

انسسسسسسسسسسسسسسسسسها

شكرا لكم اخواني واخواتي بس انا في حيره في امري فانا اعمل من اجل ان ادرس اخ واخت في جامعه خاصه ولا اقدر ان اهدم مستقبلهم هاذا من جهه ومن جهه اخرى اقسم بالله نفسي انساها باي شكل ولا استطيع ان اعمل في هذه الشركه لان نفسيتي سيئه وهموم كثيره ذاحل صدري وقد كنت صاحب ابتسامه دائما وهي تتعامل ببروده اعصاب وكان شي لم يحدت وهذا ما سوف يجعلني اترك العمل

خليك بشغلك ودرس اخوانك ولا على بالك خليك اقوى من هيك شو انتهت الدنيا
لا تخليها تتحكم فيك انت حكم مشاعرك بايدك

بتعرفي يا صديقي انا صار معي متلك بالضبط آه والله بس انا مش شغل كنا ندرس مع بعض انا والبنت والمصيبه الكبيره انو دوامنا قريب على بعض وكله مبنى واحد يعني ازا بدها تروح اي مكان بشوفها وبتشوفني كانت كارثه بالنسبه الي وبتعرف ما بدي ازودها عليك بس القصه ما نتهت ولا ارتحت الا لما خلصت دراسه وطلعت من وجها انا بنصحك تحاول تحكي معها بصفة الصداقه مع انو هادا الاشي صعب كتير وانا بعرف بس هاي الطريقه الوحيه الي راح تخفف عليك لانك مرتاح بشغلك وراتب تمام الله يزيدك سيبك منها وخليك كول وحاول ما تبين انك تعبان نفسيا او شي قدامها لانو النوع هادا بنبسط بس يعمل بحد هيك هاي نصيحتي يا مان وبالتوفيق انشاء الله

يعني انت قاعد تحكي انه الك اخوانك بالجامعات وانت عشانه قاعد تشتغل انت تقدر تحاول تنساها لانها عاملتك كانسان عادي ضعيف نا يستحق انه تحكي معك مع احترامي الك فانت كون مثلها اللي مثل هيك نوعية من البنات لازم عامل كما تعامل هاد اللي اقدر احكيلك اياه بالنسبة لوضك البنت ما تستاهل انك تزعل حالك عليها للدرجة هاي اعتبرها ماتت والله لا يرحمها يلا روح

اخي انت اولى منها بالراتب في الشركة لا تترك الشغل ولاتحت اي ظرف.
ادعس ع قلبك وخليك جامد انت زلمة مالازم تنهد من هيك موقف احلقلها وع الناشف كمان والله يوفقك.

ضيعت من عمرك كثير في حبها لا تضيع العمر الباقي في الندم عليها او العيش معها وانت حابس نفسك في ماضي لا تقدر تنساه ولا تقدر تتغاضى عنه وعلى فكره دامها كذا صعب تأمنها على بيتك ولا تكون ام لاولادك وزي ما كذبت عليك مره اكيد ما بتكون لا اول مرة ولا اخر مره اكيد باتكون كاذبه على طول بس فكر لا تكون في حبس هي ماتستاهل حبك لنيه خايفة صعب اقولك لا تفكر فيها بعرف الحب شي عضيم بس حاول لا تعذب نفسك من شان شخص مايستاهل حبك انت انسان طيب وعلى نيتك بس مابدي تفكر فيها اكيد باتكون خاينة مدى عمرها وبنصحك حتى لو تعود لك لا تفكر فيها اكيد رح تكون تخونك اسمع نصيحة اخوك في الله ان كيدهن عضيم وشكراً وزادك الله صبراً

حرام تزلم حالك وتزلم اخوانك عشان هيك وحده ما بتستاهل ضفرك وهاد مستقبلك ومستقبلهم

وما تسيب الشركه هاي نصيحتي

لانهم رح يقولوا انك اضعفت عشان بنت

بس بنصحك كمان ما تضعف ابدا وحاول تعيش حياتك الطبيعية

بس انت اتغلب على هل محنه وهيه أيام وبتعدي

وان شاء الله بتلاقى البنت ايلي بتستاهلك وبتستاهل طيبة قلبك

وبتمنالك التوفيق

مرحبا

خذ نصيحتي والتوفيق من الله

انا والله مريت في نفس القصة الي انت بتمر فيها انا حبيت زيك وهي بادلتني الشعور في الحب الاول .. وهي كمان كانت على علاقة مع شباب كثير كانت تحكي مع كل الشباب الي كانوه معانا في الشركه حتى يا ابن الحلال البنغال الي بشتغلوه في المصنع .... وطبعا محسوبك المغفل الي هوه انا طبعا مشيت ورا احاسيسي وشعوري ورحت طلبتها وكتبت كتابي كمان عليها وبعد هيك اجاني عقد عمل في الامارات ورحت وبعد مروور 6 شهور برجع من السفر زياره مع اني لم اخبرها بموعد حضوري الى الاردن .. عندما اتيت المصنع الي هيه بتشتغل فيه بتفاجئ في مسؤل الشركه بعطيها في ورده ورساله وبعد ما شوفت حبيبتي الى هيه بتحكيلي اياه طول 6 شهور وسنتين عمل في الشركه . شوفتوه شوعملت من وراي مع اني والله ما خلتها تحتاج اي شي طول 6 شهور ... وبعدين انا لما شوفتها بعني الثنتين وراجعتها في الموضوع وانكرة


طلقتها ........ للاسف

شكرا خالد كله من زوئك

عرفني عليها لان بنات الوقت شغل حكي وما يمشي معها الا الكذب والله احب ما عليا اعرف نفسية البنت فصاحبتي يوم اكون صادق 100% تزعل وتفكرني اكذب عليها ويوم اكذب خليها تصدقني وتحبني اكثر فشو الحل مع حنس حوى
وبالاخر لقيت الحل ودك ترتاح لا تدور على البنت الي انت تموت بحبه دور على البنت الي هي تموت فيك اخوي ودي تشوف حالك عليها لان الي مثل هيك تكون فريسه سهله للشباب وردلنا شو رح تقرر

اخي الفاضل ان الخيرة فيما اختاره الله ، تاكد ان الله يريدك ان تختار الافضل
انا بعرف ان البنت بتحب تدمر الشب وتشوفه يتعذب ربما كان السبب الغرور او الانتقام او احساس بالقيمة المزيفة
ادعو الله ان يلهمك الصبر والطريق الى نسيانها وابحث عن اخرى
ابحث عن من ستصون بيتك واولادك وليس عن الكاذبة اللعوب
اهم شيء انك ما تبين انك منهار بالعكس تظاهر بالسعادة والفرح مؤقتا وسترى كيف ستعاني هي
عندها لن تفكر فيها حتى ... اتمنى لك التوفيق والسعادة
ما حدا بستاهل انك تخسر وظيفتك عشانه في الدنيا كلها

انا اقول لك ماذا تفعل
اذا انتا بتحبها اتركها لفترا
واذا كانت لك فهيا لك
وان كانت ليسا كذالِك فتمنئ لها السعاده
وانا بتمنئ منك انتا تفهم الموضوع لانو يمكن يكون اول حب ومو اول حب بصيب يا اخي
بتمنالك التوفيق

تعريف الحب :

هو عباره عن احساس أو شعور كاذب يشعر به الأنسان اتجاه الطرف الاخر بناء على مصلحه خاصة أو مشتركه

إذا قالت لك المرأة إني أحبك فاعلم أنها رأفت بك

ولا يهمك كلهن هيك وكلو نصيب ولا تشغل بالك ولا تترك شغلك ... انا مجرب علاقة الشغل دايما فااااااشلة

ممكن تطمنا عنك؟؟؟؟؟؟؟؟
وشو صار معك؟

شكرا للجميع على النصيحه . والله يا RORO‏ لسه ماصار شي بس خلص قرر اترك الشغل مع انه صارلي فيها 8 سنوات من السنه الاولى جامعه لانه عن جد مش مرتاح في جو الشركه ونفسيتي اسوء بكتير من الاول وخصوصأ كل يوم صرت اسمع عنها اشياء جديده وكلها اخبار سيئه بتحطم القلت وكانني اول مره بعرفها مع اني عشت معها قصه حب اكثر من سنه والمشكله اني بعت ناس كتير عشانها بس يا حساره الواحد ما بعرف قيمتهم إلا بعد تركهم وسبحان الله كنت معها وكانني اعمى لانها كانت بالنسبه إلي كل شي بالدنيا اتاريني كنت مخدوع فيها للاسف وهي الناس إلي كنت احذرها منهم هم نفسهم إلي هي عامله علاقه معهم وقدامي هذه الشي قاعد بيصير

عنجد انا مو عارفه شو احكيلك كتير زعلانه عليك

وانت شب محترم وما بتستاهل ايلي بيصير فيك

وزعلانه اكتر لانه رح تترك الشغل

بس بتمنى تفكر اكتر عشان اخوانك

ازا تركت الشغل.....
وبتمنى انك تلاقى الشغل المناسب احسن من ايلي كنت فيه

ان شاء الله حياتك بتكون احسن من هيك

وقد ما كان لازم تنساها

واوعدني انك تنساها وتفكر بحالك شوي

وحاول ترجع علاقاتك مع ايلي تركتهم

وبتمنالك التوفيق من كل قلبي

بتمنى انك تسمع اغنية تامر عاشور

(هاجي على نفسي) و (ليه بفكر)

بتمنى ينالو اعجابك

جراسا ممن الأعتذار اين حرية التعبير يا صحافه

شكرا يا RORO‏ على الاغاني مع اني اول مره اسمع في تامر عاشور بس الاغاني كتير على الوجع بس صديفني خلص لازم انساها لانه حاب اشوف الدنيا غير بعد إلي صار شكرا كمان إلك لانه كتير شجعتيني لانه كل لمااشوفها بتذكر كلامك .

شو يا امل انتي ما بتحكي الا الصح

بما أن البنت لعوب كما فهمت فأرجو ان تداوي بالتني هي الدواء
حبيبي أنصحك ماتترك شغلك لازم تكون أقوى من ذلك بالعكس تجد أكثر وتصبح الأفضل بين جميع الموظفين وعندما تفكر هذه الفتاة بالعودة إليك تتعالى عليها وتفهمها إنها ولا إشى حتى تكون عبرة لغيرها من الفتيات اللعوبات

لا شكر على واجب لولا حاسه فيك ما بنصحك

وبتمنى انه الاغاني نالوا اعجابك

وانا كتير معجبه بشخصيتك وافكارك

وبتمنالك التوفيق في حياتك

شكرا إلك والاغاني كتير حلوين وعن جد انتي انسانه كتير رائعه بكل شي وذا بدك اي شي انا جاهر اقل ما فيها اردلك شي من معروفك معي

شكرا كتير وكله من زوقك

بس طمني عن شغلك وعن نفسيتك
اذا ما فيها ازعاج......

واكيد ازا رح احتاجك رح الجألك

انا لسأتني في الشركه بس عمالي ببحث عن شغل في شركه غير وبعرض كمان منيح وان شاء الله رح إلاقي قربيا اما بالنسبه لنفسيتي نوعا تغيرت شوي بسبب الحكي إللي كل يوم بسمعه عنها وكانني تخدرت لانه عارف وحاسس كل يوم رح اسمع عنها اشياء بشعه فبلش مشاعري تجاهها تقل كل يوم وكمان صارت معروفه عند الكل انها كذابه حتى بعض الموظفين والموظفات اشتكوا عليها عند صاحب الشركه مع انني انا المسؤول المباشر عنها لانه انا إللي قابلها اول ما قدمت بطلب الوظيفه وانا إللي دربتها على الشغل وانا كمان ثبتها في الشركه بس اقسم بالله ما كنت مفكر انه رح احبها

ان شاء الله بتلاقي الشغل ايلي بترتاح فيه

هاد مو زنبك هاد القدر ايلي وصلك لهل مرحله

والحمد لله انه نفسيتك عم تتحسن

وانت احكي للمسؤول انك ما ايلك دخل فيها خليه هوه يتصرف معها

وحسب ما فهمت منك انه الكل عم يشكي منها واشتكى عليها

وانت مو مسؤول عن تصرفاتها القذره

في هاي الحاله اصبر بلكي طلعت من الشركه وانت ضليت بشغلك

يا اخوي , الحب من طرف واحد لا يعتبر حب , وانما اعجاب فقط يزول مع الايام .
فنصيحتي لك: احكي لأمك او اختك اتشوفلك بنت حلال واخطبها , ورايح اتشوف الحب الحقيقي ان شاء الله .

شو هل حكي يا سيف

انا مهتمه بس عشان قصته مؤثرة واثرت فيه

شو غيران

لا يا ستي مش غيران انا الحمدلله متفاهم لابعد الحدود من حبيبتي. وبعدين ليش انفعلتي وزعلتي مني شكله حكيه مزبوط

لا يا سيدي حكيك اكيد مو صح (غلط)

وما في شي ابدا من ايلي في بالك

وازا بدك اسأل صاحب المشكله

وعلى شو انفعلت وما ازعلت

وما بسمحلك تحكي هيك حكي خليك زوق اكتر من هيك

الله يخليك انت وحبيبتك لبعض وبتمنالك التوفيق انت واياها

الموضوع بسيط يا سيد سيف انا فيه عندي مشكله والانسه RoRO ‎‏ الله يوفقها ساعدتني كتير فيه وكانت الصبيه ببتطمن عليه وشو صار معي وانا جد ارتحتلها وخلتي لاشعوري افضفض إلها وهي الوحيده والله في الدنيا كلها شاعره بمشكلتي وحاسه فيني وهاد يا سيف القصه وبترجاك من قلبي لا تجرح فيها وانا اسف يا RoRO‏ انه جبتلك هيك حكي وانا عن بعتذرك عن هيك امور لانك عن جد انسانه رائعه وما بتستاهلي إلا كل خير

عنجد مو عارفه كتير خجلانه منك
مبين انه انا سببتلك مشكله مو انت
انا اسفه كتير
وانا كمان كتير ارتحتيلك
وانا كتير مبصوته وانت عم تطمني عنك
ولا تخاف ما حد بالدنيا بيقدر يجرحني أو يهز شعره مني لاني واثقه بحالي
واثقه فيك كمان
وانت كمان ما بتستاهل الا كل خير

‏ ياسيدي انا بتأسف منك ومنها وحقك على راسك ويارب يوفقكم وبكرر اسفي كمان مره من منكم وتحياتي

ok بس نصيحة مني لطول العمر ما تحكم على حدا من اول
شك لانه اكيد رح تكون غلطان
وانا مبصوته منك انك اعترفت بغلطك
مو عيب انه الواحد يغلط المهم يعترف بغلطه
وانا هلق كتير بحترمك
والله يوفقك انت وحبيبتك
ويدوم المحبه والسعاده بينكم

أمانة أمانة أمانة عنجد اقدرت اساعدك وله مجامله
بتمنى انه اكون ساعدتك عنجد

وانت انسان قمة الاخلاق والاحترام
وانا بحترمك كتييييييير وبحترم مشاعرك وافكارك وارائك

وشو كيف صرت ؟ان شاء الله احسن؟

يا سيدي مش مشكله وانا قبلت اعتذارك وربنا يوفقك انت وحبيبتك وشكرا كتير إلك

شكرا كتير إلك وعن سؤالك عني دايما ومهما حكيت عنك رح اضل مقصر بحقك لانك عن جد ملاك وصديقني انك كتير ساعديتي عن جد مش مجامله لانه عن جد مابعرف اجامل ان الحمدلله منيح بس انه الامور اهدا شوي من الاول وصرت خلص تخدرت مشاعري منها بس احيانا بحن للايام زمان وان شاء الله هاالايام رح انساها كمان والبنت مشاكلها كتير زادت وصار عليها علامات استفهام.بس بالله عليكي خليكي دايما اسألي عني عشان افضفض اول وباول وشكرا عنجد كتير إلك

نصيحة مني الك افتح قران بصوت العجمي بتنسى الدنيا وما فيها بدل ما تسمع اغاني وحد الله
ودور ع بنت حلال واخطبها ع سنة الله ورسوله وانسالي هالحكي الفاضي لان ما في اشي اسمو حب
واعرف انو البنت يلي بتحكي معك وبتخون ثقة اهلها فيها ما بتستاهل انك تتزوجها والي بتحكي معك عادي مستعدة تحكي مع عشرة غيرك فلا تنصدم خليك واقعي وهاي البنت بتتلاعب فيك عشان هيك حطلها حد وما اعتقد انها مستاهلة تترك شغلك عشانها انت عارف انو الواحد ما بيلاقي وظيفة منيحة الا بطلوع الزور

شو يا جراسا يعني هلأ وانا بقرأ حسيت حالي بموقع شات بين ماهر ورور

ههههههههههههههههههههههههههههههههههههههههههههههههههههههههههه

شو رأيك يا ماهر بيلي حكاه تعليق57

حب + كذب صعبه

وآخر الحكاية تزوج الحبيب المخدوع من الآنسة المنقذة رورو وعاشو في سبات ونبات وخلفوا صبيان وبنات