اختفاء طفل في الرابعة من عمره في ظروف غامضة في لواء الكورة .. واكثر من 10000 شخص من سكان البلدة يبحثون عنه


جراسا -

خاص وحصري – موسى دويكات – علمت " جراسا نيوز " ان الطفل ورد الربابعة ويبلغ من العمر اربع سنوات و نصف اختفى منذ صباح اليوم الأحد في ظروف غامضة في بلدة جديتا في لواء الكورة و قال والد الطفل في تصريح خاص لــ " جراسا نيوز " ان ولده غادر المنزل في الساعة العاشرة صباحاً الى المطعم الذي لا يبعد عن المنزل بضعة أمتار بهدف شراء الحمص و الفول ولكن الطفل لم يعد الى المنزل ورغم البحث و التحري إلا ان لا اثر له وحسب والده فقد تم إبلاغ الأجهزة الأمنية بحادث الاختفاء إلا ان الأمور بقيت على حالها دون العثور عليه و لم نسمع من رجال الأمن إلا كلمة انتظروا .

وعلمت " جراسا نيوز " ان اكثر من 10000 شخص في البلدة قاموا مساء اليوم بتجهيز المعدات وأنفسهم وقاموا بعملية البحث عنه في الإحراج القريبة من اللواء دون الاعتماد على الشرطة .

وفي تطور لاحق هذه الليلة اجتمع الالاف من مواطنين بلدة جديتا في المضافات وفي المنازل لبحث قضية الطفل ورد .

وحسب المعلومات لــ " جراسا نيوز " أن وجهاء العشائر وجهوا نداءات عبر مكبرات الصوت ومن مآذن المساجد يطلبون الشبان والرجال والنساء للتوجه للمضافات والمجالس العامة للمشاركة في البحث عن الطفل.



تعليقات القراء

الواقع
هذا هو التصرف السليم لسكان اللواء ، لإن هذا الطفل ليس من ابناء الطبقة المخملية حتى تبحث عنه أجهزة الأمن العام .
27-04-2009 04:02 AM
حيهم النشامى
في ضوء الانفلات المني الامني الي عندنا وعدم الامبالاه الي بالامن العام انا بشد على ايديكو وحيهم النشامى
27-04-2009 04:40 AM
امل
ظروف غامضه ،، شي بعل اللي عمره ما انعل انا ام وعندي طفل عمره 4 سنوات ونصف يا ترى بس سئوال للام والاب طفل عمره اربع سنوات ونصف يستطيع ان يذهب لنفسه لشراء الفول والحمص حتى لو كان باب المحل قبال باب البيت ما بينبعت طفل لشراء الفول والحمص الله يجعله لا حدا تسمم ،،، ايمتى البشر بدها توعى ويصفي عندها وعي انه احنا صرنا باخر وقت وانه الواحد ما يأمن على ولاده حتى مع اقرب الناس الهم ،،، حسبي الله ونعم الوكيل ولا حول ولا قوة الا بالله
27-04-2009 05:12 AM
شخص
اذا صار شيء لورد الكل يقول لو سوينا
27-04-2009 06:43 AM
ناصح للحكومة
مش اول طفل بيختفي واذا حكيت الحق بقلك انت مش وكني خليها بقشرها افضل
27-04-2009 06:46 AM
نعيم ياسين
والله يا جماعه بطلت افهم اي شي يعني الاب والام بالبيت قاعدين ما وراهم اشي وابن ال 4 سنين طالع يشتريلهم فطور وبالاخر بطلع الحق على الولد نفسه وبصيرو الاهل يتشرطو ويطلبو وجاهات وعطوات
يا ناس ابوس ايدكم ديرو بالكم على ولادكم ... هدول بني ادمين مش سلع بتتنفعو منها

لا حول ولا قوه الا بالله
27-04-2009 07:14 AM
مريم \ مغتربة
خبر مؤسف زمحزن كتير
الله يرجعه لاهله سالم
ويبعد عنه شر الناس
الدنيا صايره بتخوف!!!
27-04-2009 08:00 AM
أبو راشد
أكيد أبوه من أصحاب النفوذ أو معه فلوس عشان هيك الكل صار بدو يساعد في البحث عن الطفل أو لو أبوه رجل بسيط ما حدا سأل عنه وتركوها للنشاما بالأمن العام
عموما الله يرجعه سالم لبيت أهله
27-04-2009 08:53 AM
Amman
الله يصبر اهل الطفل بس كان المفروض يبنبهو اكتر على الاطفال وانشالله يتلاقى .......
27-04-2009 09:29 AM
أحمد عناني
هيك عشمنا فيكم يا أبناء اردننا الحبيب.....
أكيد بهمة عالية زي هيك لازم يلاقو ورد.....
وانشالله يرجع لاهله بالسلامة...
27-04-2009 09:37 AM
اسلام صرايرة
بعملوها الكبار و بوقعو فيها الصغار
27-04-2009 09:40 AM
الخطيب الكفرالماوي
نعم اهل اللواء هم اهل النخوه والشهامه ...........................
27-04-2009 10:20 AM
محمد ربابعه
هذا هو التصرف السليم لسكان اللواء ، لإن هذا الطفل ليس من ابناء الطبقة المخملية حتى تبحث عنه أجهزة الأمن العام .
27-04-2009 12:22 PM
بني كنانه
ولد عمره 4 سنوات بشتري حمص شو هالحكي المشلخ
27-04-2009 01:32 PM
الطائر الجريح
والله حرام ابن اربع سنين ونص يروح هيك ان شاء الله انو بكون رايح لمكان ومو صايرلو شي لانه حرام اما اذا كان مخطوف او حدا آخذه على شيء مكان فحسبنا الله ونعم الوكيل عالناس قليلة الدين اللي بتعمل هيك حسبنا الله ونعم الوكيل MT
27-04-2009 03:01 PM
الشحرورة
الحق على الاهل اول مرة بسمع بأم تبعث ابنها على محل فول وحمص عمره اربع سنوات ليش وين زوجك يسممك فول يا هانم هادا اهمال من الاب ويا ريت تسأل صاحب المطعم نفسه لانه صارت كثير انه العامل الي بالمطعم بتحركش بالاطفال كونه صغير ضيقه عليه حتى يعترف اكيد عمل فيه عمله سودا وموته بس الصح الحق على الاهل قال عمره اربع سنوات وبطلعوه بره البيت يشتري اي انا بخاف لو طلع على البستان وحده حول البيت كيف لو خارج حدود سور البيت اي انا بهستر اذا ابني بوقع على الارض كيف لو حد خطفه هذا درس لكل ام واب حتى ما يبعثه ابنهم على المحال الي بشتغل فيها مصري او عامل غريب من دول مجاوره انشالله بكون عايش مش ميت
27-04-2009 03:49 PM
حنين ملحم
الله يرجعه لالهله بالسلامة ان شاء الله
28-04-2009 01:12 PM
SOSO
الله يصلح اهله اللي ببعتوا طفل عمر الورود يشتري حمص وفول هاي الام والاب لازم يتحاكموا عملوا جريمه بحق طفل ما اله ذنب والله ازا اتحاكموا الام والاب ماكان حد بفلت ولاده بالشوارع بدون رقيب هاد اهمال اهل والله الله يصبرهم لانه وبدون زعل هاد الولد شكلوا مخطوف ازا رايح على الحمص ومارجع شو معناها؟ وماشاء الله الاردن صار فيه مليون ملله واغلبهم من الدول اللي فيها هيك همل ياريت نرجع اردنيين بدون اضافات زي زمان احنا حسينا بالاشقاء وماحد منهم حس فينا على العكس سرقوا ولادنا وقتلوهم والمخفي اعظمالله يستر الاردن واهل الاردن ويحميهم من شر الوافدين من الدول الشقيقه يلي بنوقف احنا معهم من نخوتنا وبقابلونا همن بالاساءه
28-04-2009 07:49 PM
المحب لبلده الغيور عليه الشيخ محمد أحمد ربابعة
أنا أريد أن أوجه سؤال لكل من :
الأول : رجل الأمن الذي نفي على مسامع المواطنين في برنامج يحدث اليوم أن يكون هناك حالات اختطاف أطفال في أردننا الحبيب . لا أدري ما سبب هذا النفي مع تكرر هذه الحادثة في جديتا نفسها للمرة الثانية وانتهت الأولى بالعثور على طفل عمره ست سنوات بالإعتداء عليه وقتله وكان هذا قبل سنتين , ونشرت صحيفة الدستور اليوم خبر تعذيب الطفل يزن في صفحة الجريدة التي نشر فيها خبر اختفاء ورد الربابعة, وتكررت الحادثة في إربد ونشرت الصحف ذلك . فما أدري ما مدى مسموعية رجل الأمن هذا عن هذه الأخبار فإن كنت لا تدري فتلك مصيبة وإن كنت تدري فالمصيبة أعظم.
الثاني : عطوفة متصرف لواء الكورة المحترم الذي شرفنا بعد اختفاء الطفل أكثر من ( 12 ساعة ) حيث حضر المتصرف إلى جديتا الساعة ( 12 ليلا) وسط جموع غفيرة من الأهالي الذين كانوا يتشوقون لسماع كلمتكم ورؤية موقفكم وطمأنة قلوبهم وتهدئة فورتهم وغضبهم .وين كنت يا متصرفنا ,وما أهم إجراءاتك الصادقة تجاه هذا الخبر.
الثالث : عتبنا عليكم يا رجال الأمن الذين ما عرفناكم في بلدنا الحبيب إلا أصحاب همم وغيرة وحمية حيث لم تستنفروا للبحث عن الطفل إلا بعد ضغط المسؤلين الذين أجرينا معهم الإتصالات المكثفة ومناشدات صارخة لمساعدة المواطنين الذين كلوا من البحث وليس لديهم الكفاءة والمعدات المتوفرة لديكم , ثم ذهبت جموع غفيرة من وجهاء جديتا إلى مركز الأمن في اللواء وحثهم ومطالبتهم بالجدية في البحث عندها شرفتنا دورية شرطة ( سيارة واحدة ليس فيها أدوات البحث في الليل ) وكان ذلك بعد الساعة ( 11 ليلا)
ولكن وكلمة حق بعد هذا رأينا العزيمة المعهودة من رجال أمننا في البحث والتحري وأدركوا جدية الأمر وهرعوا إلى جانب المواطنين للبحث ويا ريت هذا كان من أول لحظة أخبروا فيها.
أقول هذا ويعلم الله أن قلبي يتقطع على تفشي هذه الظاهرة في بلدنا الحبيب الذي عهده الجميع أنه بلد آمن لكل من سكنه أو قصده ولا غرابة في ذلك فهو بلد الهاشميين وبلد الحسين القائل : الإنسان أغلى ما نملك " وهو بلد حبيبنا أبي الحسين جلالة المللك المفدى راعي المسيرة القائل : " إأن أجهزتنا الأمنية هي العين الساهرة على أمن المواطنين والحفاظ على حياتهم وكرامتهم " .فسلمت يا أبا الحسين وسلمت الأردن وسلمت أجهزتها وسلم أهلها وأطفالها .
28-04-2009 10:54 PM
محمود كناني
أسأل الله تعالى ان يرجعه إلى أهله سالما وان يصبر أهله على بلواهم وان يرزقهم الصبر .
10-05-2009 09:19 AM
طالبة الحسين
يا رب يرجع سالم واكيد الله حافظه
12-05-2009 01:09 PM
nado$ /salt
اولا بدي اعلق على ابو راشد على هيك حكي (لعالم كلها ماطلعت تدور عليه لانو ابن زلمة واصل.......... طلعت تدور علية لانوا بني آدم من لحم ودم وطفل صغير ومن واجب كل اردني حقيقي ونشمي من ولاد وبنات البلد يوقف وقفة وحدة ويساعدوا مش يحكي هيك حكي وانوا حتى بس نوقف مع بعضينا تكون في من وراها مصلحة والله عيب هيك حكي يا ولاد البلد عيب ازا احنا هيك بنحكي شو يحكوا العالم التانية ) والله حيوا ولاد النشامى الحقيقين واللة يردوا لاهلوا سالم يااارب هيك الناس بتحكي
17-05-2009 10:50 AM

أكتب تعليقا

تنويه :
تتم مراجعة كافة التعليقات ،وتنشر في حال الموافقة عليها فقط.
ويحتفظ موقع وكالة جراسا الاخبارية بحق حذف أي تعليق في أي وقت ،ولأي سبب كان،ولن ينشر أي تعليق يتضمن اساءة أوخروجا عن الموضوع المطروح ،او ان يتضمن اسماء اية شخصيات او يتناول اثارة للنعرات الطائفية والمذهبية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار موقع وكالة جراسا الاخبارية علما ان التعليقات تعبر عن أصحابها فقط ولا تعبر عن رأي الموقع والقائمين عليه.

- يمكنك تسجيل اسمك المستعار الخاص بك لإستخدامه في تعليقاتك داخل الموقع
الاسم :
البريد الالكتروني :
اظهار البريد الالكتروني
التعليق :
رمز التحقق : تحديث الرمز
أكتب الرمز :

إقرأ أيضاً

رياضة وشباب

محليات