افرح يا الوطن ... نوابك اليوم نزلوا على السَاحات ... واستبدلوا الحوار بلغة الهوش والمُسدسات ... بعدنا نقول مزورة ها الانتخابات ... ونواب ليسه الطعون عليهم والمُحاكمات ... صار الوطن للأسف ساحة مُهاترات ... وبدل ما نحل مشاكل الوطن ... أصبحنا بين النواب نفض النِزاعات ... ونلملم بعض ونروح عطوات ... وجآهات ... يا خسارة على هيك مجلس جاء على أساس يكمل برنامج الإصلاحات ... نوابنا زهقوا من المشاورات ... فقرروا تحويلها إلى مناوشات ... ثم تطورت إلى رفع مسدسات ... ولكن ليش ما شوفنا ولا نائب مات ...؟؟!!

احتار فيكم ها الشعب احتار ... لغة المُسدس أصبحت هي لغة الحوار ... قال تهاو شوا بينهم على قرار رفع الأسعار ... فجاء نائب بده يرد للوطن وللشعب الاعتبار ... ويرد على رئيس حكومة رفع الأسعار ... لكنه لم يستطع الانتظار ... يا حراااام ... قلبه محروق ومنفطر على أهل ها الدار ... رفع المُسدس وهدد بإطلاق النار ... لكنه للأسف لم ينفذ القرار ... ولم يُطلق ولا طلقة ... حتى يوخذ للشعب بالثار ... لكن يا خسارة ويا أسف على هيك مجلس وهيك لغة ... للحوار .؟؟!!

افرح يا الوطن بنوابك ... دائما رافعين راسك ... منهم أبطال فيديو هذا كاسي وهذا كاسك ... ومنهم إلي يقول للشعب خلص سرنا نواب روح دبر حالك ... مش فاضين بدنا نشكل حكومة تحل مشاكلك ... ومنهم إلي يرفع مسدس ويقول الرجل يقف قدامك ... ومنهم المشغول بواسطة عند وزير التربية حتى يقول للمدير والله لألغي قرارك ... ومنهم إلي قررت المحكمة بطلان نيابته ... ورح روح على دارك ... ومنهم إلي جالس معهم ويقول يا اااااخ ... ااااخ ... يا رجل شو عملت بحالك ...بدك تسير نائب وتبين أفعالك ... خسارة يا وطن يكونوا هذول نوابك ... افرح يا وطن وعد رجالك ..؟؟!!

وفي النهاية أقول لكل نائب مُحترم ... ما كان يعرف يا مجلس انه هذا موالك ... وهذول هم نوابك ... وهذه هي تشريعاتك ... وجاي فكر حاله يقدر يحقق يا الشعب أحلامك ... إذا بدك نصيحتي ... احترم حالك وقدم استقالتك ... وفكك من ها الشغلة ... وريح راسك .؟؟!!



زيد عبد الكريم المحارمة .