اسفه بس هاد تفكير الجاهلين وزمان عليه ..... كيف لسا في اهل بهاد التفكير ؟؟؟؟؟

يا بنت الناس {{ كل الناس خير وبركة }}

الجئي لله تعالى وحده ... ما الك الا صلاتك والدعاء ...صلي صلاة الجاجة وصلاة الاستخارة ... وخلى الشب كمان يصلي ...

الى صاحبة المشكله:
بصراحه مدني ومش مدني هادي قصه قديمه وخلصت من 30 سنه وبصراحه اذا اهلك هاد سببهم الحقيقي فقط فما معاهم حق ثانيا انتي بتحكي الشب ما بيعبو الا جيبته هاد كلام خاطئ تماما اهم اشي اخلاقه ودينه بالاضافه لقدرة الماديه...... شو الحل:
يروح هاد الشب لناس من عيلتكم ممكن يمونه على اهلك بعتبارانه السبب ضعيف ممكن يجيب نتيجه.... انتبهي انها تكون علاقتك معه تكون الله بما يرضي الله وما طول بدون نتيجه اذا فقد الامل

بصراحه انا ما فهمت شو مدني و مش مدني
بعدين عرفت معناها من التعليقات
اسمحيلي احكيلك اهلك يبدوا انه مو مدنيين
لا يبدوا انهم بدو من سنه الف و تسميه و خشبه
يعني من ايام حرب الشلاليط

هههههههههههههههههههههههههههههههههههههههههه

هههههههههههه جد ضحكتني عامر

يالله شو كترانه معوقات الزواج عم نسمع شي انه البنت مو جامعيه وشي تاني مدني وفلاح

غريبين الاهل كانو العرسان على الابواب والله نص بنات الاردن قاعدين بكشو ذبان مافيش عرسان

ياريت نقوم بتوعيه الاهالي من هاي الناحيه

طبعا يا اختي هاذي نقطة كثير مهمة و احمدي الله انو اهللك نبهوكي اليها , لانه اذا تزوجتي هاذا الانسان رغم الحب اللي بينكم حياتك معه رح تكون حسب معايير عائلته و تقاليدهم و عاداتهم ابدا مش مثل ما انت متعودة عند اههلك ,يعني الامور الاعتيادية في حياتك ممكن تكون عندهم غير مقبولة او مسموحة . و انا صراحة عن تجربة اتجوزت واحد بحبه كثير كثير متعلم و غني و كل اموره تمام بس كان مش مدني و كل اشي يعتبره هو و اهله عيب و حرام و عشت معه اسؤ خمس سنين بحياتي لدرجة اني ما كنت اطلع من البيت نهائيا و ممنوع اشتغل او اسوق سيارة او اروح مثلا عالسوق او اسجل بنادي رياضة او ازور صحباتي او مثلا اسشور شعري لدرجة انو في البيت قال ممنوع البس شو بحب و دايما بدو اياني البس ثوب زي امه و خواته , و طبعا انا ما كنت الومه عشان هيك عادات اهله و كان دايما يقولي ما بيقدر يسمحلي عشان اهله ما يفضحوه ما العلم انو الامور اللي ذكرتها طبيعية جدا بس انا عم بحكيلك مثال .لانه اكبر المشاكل بين الزوجين بتصير عن امور صغيرة و تافهة .......فالافضل انو تقعدي مع هذا الشخص و تساليه اذا تزوجتوا كيف حياتكم رح تكون و شو رائه بامور انت بعائلتك متعودة عليها.

الى فايزة انتي باي عصر ما تحكي انتي ماخده واحد بدوي مو فلاح مو متحضر
ولمعلوماتك الشخصيه كل الحضارة والرقي عند الفلاحين بس هدا زوجك هيك طبعه مو عشان هو فلاح
انتبهي على كلامك

انا مش شايف تعليق لصاحبة المشكله
الى الاخت فايزه:
لا اعتقد انه اذا كان الشب جامعي ممكن يضل عنده رواسب عادات عند بعض اناس مثل اهل زوج مع الاحترام لزوجك

الى الاخت صاحبة المشكلة ( هي ليست مشكلة ) ما ظل حدا يسأل مدني او فلاح او بدوي ، صرت تمري من جنب البيوت ما تفرقيها مدني او فلاح او بدوي ، الناس بأخلاقها ، ولو اهلك بدهم يظلوا يقولوا مدني وغيره حبيبتي ما وحدة جوزت ، ولمعلوماتك معظم البنات اللي بيوصلو لسن العنوسة يكون السبب الاهل ( بدي قريبي ، ما بدي غريب ، هذا مدني وهذا فلاح ) في الاخر سلامتك ، اذا الشاب بحبك برجع ع اهلك مره ومرتين وعشره لحتى يوافقوا لانو ما في سبب اصلا لحتى يرفضوا ، ( لا فرق بين عربي واعجمي الا بالتقوى ) واللي مش عاجبه ما يروح يصلي ، عشان ما يضحك ع حاله .

حاسس انو اهلك اللي مش مدنيين وهو المدني ،امانة لو في مجال خلي واحد يعرف لنا مين المدني ومين غير المدني ،،اخريتها بطلع المدني واللي بحكي عن حالو هيك اصله بدوي او فلاحي او ؟؟ يعني بالاخير كلنا ابن تسعه ،وتحياتي لاهلك المدنيين

Nothing to say than that GOD bless your parents.

Your parents still thinking on the old days and that not accepted these days.

ahlik akeed bidhom masla7tik, bas bardo la tinsi inno fi ahil sar nathrathom lal mojtam3 nathrat takkabor w isti3l2, o khosoosan la ahil el mo7afathat, 3ala asas inhom min madaniyeen. tayeb, o shu y3ni mish madaniyeen? ma el madaniyat, dairat o tool nharhom 3al telefon, o bit 3arrafo 3ala 600 shab b 7ayat hom 3ala asas inno yeseer 3endhom tajrobe, o ahaleehom ma bistarjo ye7koolhom wein rai7een o wein jaiyeen, y3ni hai 7aya hai? hai 3ala asas inhom madaniyeen ktheer y3ni, bas hai nathrat daiyiqa. ana bawafiq ma3 el okht elli 7akat inno inte lazem tijlisi m3o o tit fahamo o tit naqashu bel omour el zawjiye, o inte to7lomi 3ale eza kan binasbik el taree2a elli howwe biddo ye3eesh feeha.

شو مدني شو مش مدني وبعدين في الاردن كل الناس من طينة وحدة اولاد عشاير وحمايل يعني فلاحين بس الظاهر انهم جماعة من سكان المناطق الي نسوا اصلهم وفكروا حالهم كثير اشي كبير
الله يرحم ايام ما كان جدها يمشي ورا الحمار حافي

نصيحة للعريس اسال عن الاهل قبل العروس لانو من اولها مدني ومش مدني وبكرة اتكيت ومش اتكيت وهكذا ويمكن ترمي امها كم كلمة على اهلك وهات حجز,اذا اهل العروس المصون مقياسهم للرجل الناجح من خلال اخراج الكلام بشكل اعوج فعلى الدنيا السلام ,والعروس الله يهدي اهلك

اسمعي اقولك..لو اصل القمر مابغير لهجتي. شو قصدك بمدني؟؟
اذا قصدك فلوس, معنا فلوس بنشتري فيها نص المناطق المدنية بالاردن. واذا قصدك تعليم كل اخواني بدرسو باوروبا. انا مجنون اتزوج وحدة زي فايزة" اسم غير حضاري". نص ساعة بكون بالشام وبجيب معي بدل الوحدة ثلاث. جمال وفهم وحياة زوجية..
خالي يافايزة لو انك اخر بنت بالكون بكمل حياتي عزابي!!!!!!!!

يا بني ادميييييييييييين
هلا ما في اشي اسمه مدني وفلاح زمان قبل 50 سنة كان في فرق بس هلا كل الناس تعلمت والكل خير وبركة أنا شخصيا بحس انه الفلاحين بفهموا أكتر من المدن بشي 1500 مرة بس مش معناته اني أرفض واحد عشانه مدني هدول الناس المتخلفة - مع احترامي للجميع - اللي بفكروا بهاي الطريقة
المشكلة الأساسية اللي بتواجه المجتمع بهالخصوص بعدنا عن الدين والمعيار اللي وضعه الاسلام للقبول أو الرفض للشاب هو فقط الأخلاق والدين
أما الفتاة فتنكح لمالها وجمالها وحسبها ودينها - فأظفر بذات الدين تربت يداك
لو معظمنا أخذنا هالمعايير ومشينا عليها كان الجميع بكون سعيد لانه مستحيل يكون بدينا اشي غلط
لكن للأسف نسبة قليلة اللي بتطبق هالشي وهون بتصير المشاكل هاد فلاح وهاي فلسطينية وهاد أردني وهالسخافات اللي بتسبب التعاسة للي بحبوا بعض
نصيحتي للأخت صاحبة المشكلة انك تصري على موقفك وتحكي لأهلك اني ما بتزوج غيره
وهو خلي يوسط ناس كبيرة وعاقلة بلكي أهلك الله يهديهم مع اني عارفة وحاسفة فيكي منيح لما يكون الأهل بفكروا بكل اشي ما عدا سعادة بناتهم

مسا الخير يا جماعة انتو كتير عم بتعايروني وانا مش زنبي انا مو حاكية اشي عن الفلاحين بالعكس على عيني وعلى راسي المشكلة عند اهلي مش موافقين ................شو اعمل ما تفهموني غلط انا بموت فيه ورحي معلقة فيه ومستحيل اتركه مشانو فلاح هدا مش سبب مقنع والفلاحين علمونا الحضارة والرقي والي بيحكي غير هيك غلطاااااااااااااااااااااااااااااااااااان

انا شايف انه سبب الرفض مش انه مدني بس لانه ادرني وانت فلسطينية يعني الموضوع دخل في باب العنصرية وانا لو اني محل العريس بصرف النظر عن البت ، وللعام تعرضت لهذا الموقف بس كانت البنت صريحة معي وحكتلي عشاني اردني وانا بسرعة نفيت الموضوع لانه الي برفضني عشان اردنيتي بدعس عليه ولو كان قلبي

يكفي يا اخت فايزه انو الفلاح بخاف على عرضو وسمعت بيتو مش مرتو كل يوم بمحل شكل ودايره على حل شعرها والله انتن بدكن مامي وبابي عشان يكون تحت رجليكن بس للاسف الاشكال هاي ما بتتزوج استحو لا فرق بين اعجمي وعربي الا بالتقوى

عزيزتي: خليه يتمدن شو المقصود بالمدنيه لعلمك أختي نحن مجتمع وسط الطبقيه ولا توجد طبقات متفاوته كثيرا لذلك بلاش سواليف حصيده__ يا ريت ليسا فيه حصيده والله يوفقك_

حبيبت قلبي صاحبة المشكلة مافي فرق بين الفلاح والمدني كل الناس خير وبركة وبنسبة لموضوعك مدني ولا فلاح الك نصيب تاخدي بتاخدي انت وحظك ومش الحب بصنع المعجزات 000الحب بصنع متفجرات000000 اليسار

انتي وحده فاضيه اشغال لنه الي بتحكي فيه مش مقنع انا بدوي وكنت اعرف مهندسه زميلتي بس لنها من جماعه بابي الي دايرين على روسهم ما كان الي شرف اني ارتبط فيها لنه بنات المدن ازا ما كان الها اكتر من صاحب ما تقتنع في الزواج ويا شباب اياكم تتزوجوا من بنات المدن لنه بنات المدن 90/بالمئه منهن غير صالحات لزواج وازن انه انتوا تعرفوا قصدي منيح وعلى هدا الموضوع قصه مع صديقي بعد ماتزوج من بنت من المدن على اساس انها بنت ناس وعالم وانها محترمه ومتعلمه بعد زواج بسنه وجدها مع شخص اخر بانيه علاقه حب للاسف ان صاحبي اصيب بجلطه من ما حصل معه فيا شباب هاي اخره الي بياخذ بنت المدن الي متحضرات ومتطورات المثقفات فيا ست فايزه البدوي او الفلاح بظل عنده اخلاق وشرف وشهامه بس انتوا يلي دخلتو البلد وجعلتو ثقافه البنطلون والبدي انتو الي خربتوا البلد وانا مابشجع اي شب ياخذ مدنيه

انا بنصحك اضلك متمسكة فيي وما تتركي
مع انه اهلك اهم بس خليكي معاه وشوفي شو بصير بعدين
عيشي معاه قصة حب

وين المشكلة انا وخواني فلاحين
وكلهم اخدوا بنات مدنيات اسكتي يا بنت الناس هم بنات الاردن لاقيا شباب ليتجوزوا

الشباب عملة نادرة
هههههههههههه

يا سلام شو السبب المقنع اللي ما وافقو علي الله يعين الناس ع حالها

الحب ما بيعرف مدني او مو مدني
ما بيعرف فقير وغني
لازم تفهمي اهلك هاد الحكي
وازا هو عنجد بحبك يصبر عليكي لحد مأهلك يوافئو

انا فلسطينية وبحب اردني ورح نتزوج عن قريب وبلا تخلف شو اردني وشو فلسطيني كلنا اولاد بلد وحدة .
الى صاحبة المشكلة حاولي اقنعي اهلك واحكي معهم بالحسنى وبالتفاهم لا تحاولي تحكي معهم بالعصبية وشوفي نقاط الخلاف الي هم رافضين على اساسها يناسبوا فلاح وبتمنالك التوفيق من كل قلبي .

مع احترامي للجميع

بما انو طلبك للزواج معناتو ابن حلال ودخل من الباب
...بس حاولي تقنعي اهلك لانو صعب تنسيه
اهل القرى دايما قلوبهم طيبة
والله يوفقك

الى (المصلح) أقول اصلحك الله . والتعميم الذي أوردته فاسد . وكم من الأسر يكون في افرادها الصالح والطالح . لكن قضية الأخت التي طرحتها كمشلة . هي واقعية .. والتعليم وارقى الدرجات العلمية ، ليس لها علاقة بثقافة الانسان وطريقته في الحياة ، دع بعض الامور كعناصر محيدة ، مثل التعليم والاخلاق ونفرض انها موجودة ... تبقى العادات والتقاليد وطريقة الحياة بمختلف تفاصيلها .. والطباع .. هذه تختلف من بيئة الى بيئة ... وهي التي يتوجب الحديث عنها . اما التدين والاخلاق والدرجات العلمية وبافتراض انها موجودة ... لا شك تساعد في التفهم والاستيعاب لأمور الحياة وتفاصيلها ، وتبقى المشكلة الناجمة عن الاختلاف بين البيئتين في بقية عناصرافراد العائلتين . اما الحديث المبتور عن المناصب والثروة ، فنرى ان البدوي اصبح (دولة) رئيس الوزراء وكذلك الفلاح اصبح (دولة) ، هنا بالذات (لا قيمة لها) . الحديث عن العادات والتقاليد والدقائق الصغيرة هي التي تسبب المشاكل ...